Nicklas Bendtner
 Bendtner saam met Rosenborg in 2017 | |||
| Persoonlike inligting | |||
|---|---|---|---|
| Geboortenaam | Nicklas Bendtner | ||
| Geboortedatum | 16 Januarie 1988 | ||
| Geboorteplek | Kopenhagen, Denemarke | ||
| Lengte | 1,94 m[1] | ||
| Speelposisie | Aanvaller | ||
| Jeugloopbaan | |||
| 1992-1998 | Tårnby Boldklub | ||
| 1998-2004 | Kjøbenhavns Boldklub | ||
| 2004-2005 | Arsenal | ||
| Seniorloopbaan* | |||
| Jare | Span | Kere† | (Doele)† |
| 2005-2014 | Arsenal | 108 | (24) |
| 2006-2007 | → Birmingham City (leen) | 42 | (11) |
| 2011-2012 | → Sunderland (leen) | 28 | (8) |
| 2012-2013 | → Juventus (leen) | 9 | (0) |
| 2014-2016 | VfL Wolfsburg | 31 | (3) |
| 2016-2017 | Nottingham Forest | 15 | (2) |
| 2017-2019 | Rosenborg | 57 | (24) |
| 2019 | Kopenhagen | 6 | (0) |
| Totaal | 296 | (72) | |
| Nasionale span | |||
| 2004 | Denemarke o/16 | 3 | (3) |
| 2004-2005 | Denemarke o/17 | 15 | (6) |
| 2006 | Denemarke o/19 | 2 | (1) |
| 2006 | Denemarke o/21 | 4 | (2) |
| 2006-2018 | Denemarke | 81 | (30) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Nicklas Bendtner (gebore 16 Januarie 1988) is ’n Deense voormalige professionele sokkerspeler wat as ’n aanvaller gespeel het. Sy voorkeurposisie was senteraanvaller, maar hy het ook aan die regterkant van die aanval gespeel, en soms aan die linkerkant. As ’n groot, lang en fisiek sterk speler, was hy bekend vir sy vermoë in die lug en het hy oor ’n kragtige kopskoot beskik.[2][3][4]
Nadat hy deur die jeuggeledere van Tårnby Boldklub, Kjøbenhavns Boldklub en Arsenal gevorder het, het Bendtner in 2005 sy eerste professionele kontrak by Arsenal onderteken. Hy het in Oktober 2005 sy debuut in die Ligabeker teen Sunderland gemaak. Gedurende die 2006–07-seisoen is Bendtner aan die Kampioenskapklub Birmingham City uitgeleen, waar hy 48 wedstryde gespeel het. Ná sy terugkeer na Arsenal het hy ’n gereelde lid van die eerstespan geword, maar het gedurende die 2010–11-seisoen begin uit gunstelingstatus val. As gevolg hiervan is hy op ’n uitleenbasis na Premierliga-klub Sunderland vir die grootste deel van die 2011–12-seisoen, waar hy 30 wedstryde gespeel het. Hy het daarna die hele 2012–13-seisoen op uitleenbasis by die Serie A-klub Juventus deurgebring, waar hy 10 wedstryde gespeel het maar nie kon aanteken nie. Bendtner is in 2014 deur Arsenal vrygestel. Daarna het hy by VfL Wolfsburg aangesluit op ’n vrye oordrag, waar hy die wendoel in die 2015 DFL-Superbeker aangeteken het. Ná sy vrylating in 2016 het hy na Engeland teruggekeer, waar hy die eerste helfte van die 2016–17-seisoen by Nottingham Forest in die Kampioenskap deurgebring het, en in Maart 2017 het hy by die Noorse klub Rosenborg aangesluit.
Bendtner het internasionaal vir Denemarke op o/16-, o/17-, o/19-, o/21- en seniorvlak gespeel. Hy het sy senior internasionale debuut op 16 Augustus 2006 as 18-jarige in ’n vriendskaplike wedstryd teen Pole gemaak, en sy eerste internasionale doel in daardie wedstryd aangeteken. Bendtner was ’n lid van Denemarke se spanne vir die 2010 FIFA Wêreldbeker en die 2012 Europese Kampioenskap, en het ook ’n bydrae gelewer tot hul kwalifikasie vir die 2018 Wêreldbeker.
Verwysings
[wysig | wysig bron]- ↑ "Player Profile: Nicklas Bendtner". Vfl Wolfsburg. Geargiveer vanaf die oorspronklike op 5 November 2014. Besoek op 4 Februarie 2015.
- ↑ "Nicklas Bendtner keen on return to centre stage for Arsenal". The Guardian. London. 22 September 2009. Besoek op 20 Mei 2010.
- ↑ "Vialli: "Bendtner è bravo ma non-deve fare il fenomeno"". Tuttosport (in Italiaans). 1 September 2012. Geargiveer vanaf die oorspronklike op 18 November 2012. Besoek op 27 Februarie 2017.
- ↑ "Arsenal banking on Nicklas Bendtner to overcome Barcelona". The Guardian. Press Association. 6 April 2010. Besoek op 11 April 2017.
