سيمون سيلفا
| ||||
|---|---|---|---|---|
| معلومات شخصيه | ||||
| اسم الولاده | ||||
| الميلاد | 15 اغسطس 1928 | |||
| الوفاة | 30 نوفمبر 1957 (29 سنة) | |||
| سبب الوفاة | نزيف فى المخ | |||
| مواطنه | .svg) .svg) | |||
| الحياه العمليه | ||||
| مهنه | ||||
| اللغات المحكيه او المكتوبه | لغه فرنساوى | |||
| بداية فترة العمل | 1950 | |||
| المواقع | ||||
| IMDB | صفحتها على IMDB | |||
تعديل مصدري - تعديل  | ||||
تصانيف |
شوف كمان | |
|---|---|---|
| تصنيف:ممثل تصنيف:مخرج |
||
سيمون سيلفا (Simone Silva) (15 اغسطس 1928 - 30 نوفمبر 1957) ممثلة فرنسية من اصل ايطالى ، اسمها الحقيقى مارتا سيمون دى بولار (Martha Simone de Bouillard)
نشأتها
[تعديل]اتولدت سيمون سيلفا يوم 15 اغسطس 1928 فى القاهره عاصمة مصر من اب فرنساوى و ام ايطالية كانو عايشين فى مصر فى الوقت ده . و فى سنة 1946 اتجوزت مواطن بريطانى كان عايش فى مصر وسافرت معاه للمملكه المتحده وهناك خدت الجنسية البريطانية
سيمون سيلفا كانت دايما بتقول انها مستعدة تعمل اى حاجة علشان صورها تتنشر فى الجرايد ، وهى كانت جريئة جدا ومابتتكسفش من اى حد وماكانش بيهمها اى رد فعل نتيجة اى تصرف كانت ممكن تعمله
حياتها الفنية
[تعديل]فى سنة 1950 سافرت سيمون سيلفا لامريكا واشتغلت هناك موديل لاغلفة مجلات الموضة ، و فى سنة 1951 ابتدت مشوارها فى عالم السينيما بدور صامت فى فيلم Lady Godiva Rides Again ، و بعد كده مثلت ادوار اكبر فى افلام South of Algiers و Escape by Night و The Weak and the Wicked
فضيحة سيمون سيلفا فى مهرجان كان السينمائى سنة 1954
[تعديل]اتسببت سيمون سيلفا فى ازمة كبيرة بعدما شاركت فى مهرجان كان السينمائى الدولى سنة 1954 وظهرت قدام عدسات المصورين وهى بتتمشى على شاطئ الريفييرا الفرنسيه مع الممثل الامريكى الراحل روبرت ميتشوم (Robert Mitchum) وهى عريانة من فوق وماكانتش لابسة سوتيان و كانت مغطية بزازها بايديها بس . ولما اتنشرت الصور دى فى جرايد ومجلات كتيرة على مستوى العالم ، اضطرت ادارة مهرجان كان السينمائى وقتها انها تنكر معرفتها بالصور دى و انها مجرد دعاية مبتذلة ورخيصة هدفها التغطية على الاخبار الفنية الجادة للمهرجان ، وقررت طرد سيمون سيلفا من المهرجان
وفاتها
[تعديل]فى يوم 30 نوفمبر 1957 ماتت سيمون سيلفا فى شقتها فى لندن عاصمة المملكه المتحده بعد اصابتها بنزيف فى المخ
مصادر
[تعديل]لينكات برانيه
[تعديل]- سيمون سيلفا على موقع قاعدة بيانات الأفلام على الإنترنت - IMDb (الإنجليزية)
- سيمون سيلفا على موقع أول موفي - AllMovie (الإنجليزية)
- سيمون سيلفا على موقع قاعدة بيانات الأفلام السويدية (السويدية)
- سيمون سيلفا معرف مخطط فريبيس للمعارف الحره
- سيمون سيلفا معرف شخص فى قاعده بيانات الفيلم
- سيمون سيلفا معرف شخص فى موفى ووكر
- سيمون سيلفا معرف قاعده بيانات الافلام السويديه للاشخاص
- سيمون سيلفا معرف قاعده بيانات الافلام على الانترنت
لم يتم العثور على روابط لمواقع التواصل الاجتماعي.
