Marcha verde
| Marcha verde | ||||
|---|---|---|---|---|
Parte de conflictu d'El Sáḥara Occidental y Spanish–Moroccan conflicts (en)  | ||||
 | ||||
| Fecha | 6 payares 1975[1] → 9 payares 1975 | |||
| Llugar | saḥara español (España franquista) | |||
| Causes | Preparación de un referéndum de independencia en la provincia española d'El Sáḥara | |||
| Belixerantes | ||||
| ||||
| Comandantes | ||||
| ||||
| [editar datos en Wikidata] | ||||
La invasión marroquina d'El Sáḥara español, llamada pol gobiernu de Marruecos como la marcha verde (n'árabe: árabe: المسيرة الخضراء), foi la invasión y posterior ocupación militar de la entós provincia española d'El Sáḥara, empecipiada'l 6 de payares de 1975.[3]
Nesa dómina, el gobiernu español disponíase a abandonar el territoriu como parte de la descolonización d'África, por cuenta de la presión exercida pola ONX y les incursiones del Frente Polisariu, al igual qu'enantes otorgara la independencia a Guinea Ecuatorial en 1968. Los saharianos aspiraben a formar un Estáu independiente. El plan marroquín consistió en tresportar a 350.000 civiles con unidaes militares armaes camuflaes ente ellos. Foi diseñáu pol Departamentu d'Estáu de los Estaos Xuníos y cuntó col so sofitu loxísticu y el de la CIA. El motivu del sofitu d'Estaos Xuníos y francés a Marruecos foi que preferíen un Sáḥara marroquín a un Sáḥara títere o satélite d'Arxelia, rival rexonal de Marruecos y que, amás, formaba parte del bloque comunista .
Marruecos llogró el control de la mayor parte del antiguu Sáḥara español, que sigue calteniendo a día de güei. La negativa del pueblu saḥarianu a sometese a la monarquía marroquina dio llugar al conflictu d'El Sáḥara Occidental, entá güei non resueltu, y que'l so principal episodiu foi la Guerra d'El Sáḥara Occidental.
Antecedentes
[editar | editar la fonte]España n'El Sáḥara Occidental
[editar | editar la fonte]Dende finales del sieglu xix, Francia consolidara la so presencia ya influyencia nel terrén económicu y políticu en Marruecos, alteriando'l statu quo que sostenía la unidá del Imperiu Jerifiano y les posesiones del sultán.[4] Amás, otres potencies europees tamién teníen intereses en Marruecos: España cuntaba con delles colonies na mariña mediterránea y Gran Bretaña tenía grandes llazos comerciales na rexón.[5]
Nun contestu de competición imperialista, Francia quería espandise en Marruecos para permediar la so posición cola de Gran Bretaña. A pesar de les moliciones españolas y británicas, Francia consiguiría que dambos países dieren el so vistu bonu a la futura ocupación francesa de la mayor parte de Marruecos, dexando que la mariña mediterránea de Marruecos quedara na zona d'influyencia española y escluyendo a Xibraltar, que permanecería baxu control británicu. Finalmente, n'ochobre de 1904, establecióse un alcuerdu franco-español sobre la repartición de Marruecos.[5]
En xineru de 1906 tien llugar la Conferencia internacional d'Alxecires para tratar la cuestión marroquina, a la qu'asisten representantes d'once potencies europees (incluyendo a España y Francia), Estaos Xuníos y Marruecos. Finalmente, cola firma del Tratáu de Fez en 1912, les potencies europees dieron lluz verde al proyeutu del protectoráu francés en Marruecos.[4]
En payares d'ese mesmu añu, cola firma del Tratáu de Madrid, España reivindicaba l'exerciciu d'un protectoráu nos estremos norte y sur de Marruecos. La rexón meridional de protectoráu español entendía un territoriu desértico d'unos 23.000 km2 que pasaría a conocese como El Sáḥara Occidental o El Sáḥara español.[5] La principal razón para la reclamación española d'esta rexón desértica foi xeoestratéxica, yá que quería evitase la presencia d'otra potencia europea frente a les mariñes canaries. Por ello, la ocupación efectiva del territoriu nun tuvo llugar hasta años más tarde. A pesar d'ello, para la población saḥariana la colonización española significó discriminación, segregación, sometimientu, cooptación de líderes tribales y aculturación.[6]
España estremó primero el Sáhara en dos distritos alministrativos independientes, Ríu d'Oru, al sur, y Saguía el Hamra, al norte. Darréu, s'atribuyó a Marruecos la rexón de Tarfaya, na que nunca tuviera presencia. Mientres la Segunda República Española, la rexón empezó a ser conocida como "El Sáḥara español". Ye nesti momentu cuando la presencia española, primero llindada a les zones costeres, espandióse progresivamente escontra l'interior del territoriu, incluyendo les árees más desérticas. Esto marcó l'entamu de la ocupación efectiva de tola rexón, que pasó a depender de la Capitanía Xeneral de Canaries. Pela so parte, los líderes tribales saḥarianos roblaron un alcuerdu de sometimientu amistosu, consolidando la denominación de Sáhara Español, que tomaba tamién la ciudá de Ifni. Cola guerra civil española impulsóse entá más el procesu de colonización, tresformando la llindada presencia costera nuna verdadera espansión territorial. A finales de los años 40, mientres el franquismu, realizáronse numberoses espediciones coles mires de llograr una visión más amplia de les posibilidaes d'esplotación económica de la rexón.[7]
La creación del Reinu de Marruecos y la situación d'El Sáḥara
[editar | editar la fonte]En 1956, la independencia de Marruecos fíxose efectiva pola presión exercida pol Exércitu de Lliberación Marroquina, lo que suponía l'abolición del protectoráu y de les divisiones ente la zona española y la francesa. Sicasí, el problema de la integridá territorial nun quedó resueltu, yá que nun s'incluyeron ciertos territorios na unificación, ente los que s'atopaba El Sáḥara Occidental, territoriu que los nacionalistes marroquinos reclamaben. El movimientu nacionalista, qu'englobaba agrupaciones polítiques de distintu signu como'l partíu conservador del Istiqlal (que darréu se desintegró formando la progresista Unión Nacional de Fuerces Populares) y el Partíu Comunista Marroquín -que darréu se tresformó en Partíu de la Lliberación y del Socialismu (PLS) en 1968 y Partíu del Progresu y del Socialismu (PPS) en 1974-, esixía la restauración de la integridá territorial que los pautos d'independencia nun consiguieren recuperar.[8]
El reclamu del movimientu nacionalista de Marruecos, amás de reproches tapaos a la monarquía (en primer llugar a Mohamed V y darréu a Hassan II), culpable de los pautos con Francia y España, desencadenó tamién una batalla bélica empobinada en 1957 pol Exércitu de Lliberación Marroquina (conocíu n'España como "Bandes Armaes") nes rexones d'Ifni y El Sáḥara Occidental.[8] Asina, al traviés de la guerra d'Ifni (1957-1958), l'Exércitu de Lliberación Marroquina intentó facer realidá la idea del Gran Marruecos.[9]
A pesar de que Marruecos nun llogró los territorios saḥarianos, la entrada d'España en Naciones Xuníes en 1955 implicaba asumir les obligaciones de descolonización incluyíes na Carta de les Naciones Xuníes. España intentó evitar la descolonización declarando a El Sáḥara la provincia númberu 53 en 1958, otorgando por tanto la nacionalidá española a la población saḥariana.[6]Na provincia d'El Sáḥara, el gobiernu español promovio la conceición d'un territoriu aislláu de la so redolada marroquina y mauritanu, coles mires d'alloñar al máximu a la población saḥariana del contactu natural colos sos vecinos.[8]Nesti sentíu, un documentu marcáu como "secretu" pol Altu Estáu Mayor español n'abril de 1960, denomináu El Sáḥara español y los territorios vecino y redactao en relación cola provincialización de Ifni y El Sáḥara, plantegaba "sustraer a los nuesos saḥarianos de la influencia de mauritanos y marroquinos" y executar "una política antimarroquí, pero non nacionalista", lo que constituyó el fundamentu de la política española pa los años vinientes.[8]
Pela so parte, la ONX nunca aceptó la provincialización como una justificación para no descolonizar el territorio. Por ello, en 1960, la Asamblea General de la ONX incluyó a El Sáḥara Occidental na llista de territorios no autónomos y sometidos a escrutinio del Comité de Descolonización.[6]
Sicasí, el réxime franquista negose a facilitar un procesu de descolonización, creando más infraestructures, esplotando los recursos mineros de la rexón y sedentarizando a parte de la población saḥariana.[6]D'esta manera, les rellaciones d'España col pueblu saḥarianu fuéronse deteriorando. Esta situación amosóse claramente nos incidentes de Jatarrambla de 1970. Nesti sentíu, el xeneral Pardo de Santallana, gobernador del África Occidental Española ente 1954 y 1957, esplica esta situación por:
"La falta d'interés per parte del gobiernu d'España naquellos territorios (...) cola asignación d'unos risibles presupuestos (...); la escasa valoración política y la precaria información que se tuvo y exercióse per parte de les alministradores coles tribus del desiertu (...); y l'escasa visión de futuru al nun integrar, con más representatividá y cola celeridad que riquía el momentu, a la mocedá del pueblu saḥarianu."[9]
El nacionalismu saḥarianu frente al marroquín
[editar | editar la fonte]A pesar de les pretensiones españoles, en 1969 entamó a remanecer un ideal nacionalista ente dellos estamentos de la sociedá saḥariana. En Marruecos un conxuntu de mozos saḥarianos estudiantes en Rabat, incluyendo al fundador del Frente Polisariu, El Uali Mustafa Sayed, empezaba a sentar los cimientos d'una "alternativa nacional" pal Sáhara a empiezos de la década de 1970, proponiendo un plan de descolonización que s'inclinaba escontra el nacionalismu árabe progresista d'aquel periodu, en contraposición al del réxime marroquín.[8]
La defensa de la lliberación del territoriu saḥarianu llevaron a la represión per parte de la policía marroquina d'unes manifestaciones en solidaridá col pueblu saḥarianu que tuvieron llugar en Tantán en 1972.[8] Nesi momentu, Hasán II , según diversos autores, vía el so tronu amenazáu por una enllargada crisis interna y de represión conocida como los "años de chombu", qu'inclusive llevó al exércitu del so país a protagonizar dos intentos fallíos de golpe d'Estáu en 1971 y en 1972.[5] Asina, la cuestión del Sáhara convirtiose na vía para llexitimar el tronu marroquín y xenerar un consensu colos partíos de la oposición, qu'igualmente concebíen al Sáhara como parte de Marruecos.[4]
La non descolonización d'El Sáḥara
[editar | editar la fonte]En 1970, la Organización de les Naciones Xuníes aprobó el Resolución 2711, que solicitaba a España la celebración na so provincia d'El Sáḥara español d'un referéndum d'autodeterminación, nel marcu xeneral de la descolonización d'África qu'afectaba a les potencies colonizadores europees.
Tras negarse n'un principiu a celebralu, España accedió en 1974 a la celebración, movida por la presión nel territoriu —en 1973 se fundó el Frente Polisario, que lluchaba pola independencia de la provincia— y la presión internacional. Col oxetivu de realizar el referéndum d'autodeterminación, el gobierno español ellaboró un censo de la población d'El Sáḥara y fizo constar a les Naciones Xuníes su disposición a llevar a cabu la consulta.[6] Posteriormente, el gobierno anunció qu'el referéndum tendría llugar en 1975.[10] Esta situación nun yera nueva pal gobiernu español, ya qu'en 1968 había tenido que celebrar un referéndum para dai la independencia a la Guinea Española, que s'acabaría convirtiendo na actual Guinea Ecuatorial.
A su vez, n'un último intento por no perder el territoriu, creose'l Partido de la Unidad Nacional Saharaui, un partíu títere saharaui proespañol. Sin embargo, a les presiones internes de la guerrilla del Frente Polisario, uniéronse les demandes de los dos países vecinos —Marruecos y Mauritania— que cuestionaban la posible independencia del Sáhara español y reclamaben para sí la devolución d'esos territorios por pertenencia histórica.[6]
Marruecos se oponía de frente a la consulta, y pidió al Tribunal Internacional de Justicia que se pronunciara sobre si el Sahara era res nullius. La ONX pidió a España que paralizase el procesu hasta que la Corte se pronunciase, y Hasán II, rey de Marruecos, incluyó en enero de 1975 también en el litixu a Ceuta y Melilla.[10] Tras la paralización del proceso para llevar a cabu el referéndum, la ONX tomó dos medidas:
- Unviar una misión del Comité de Descolonización pa recoyer les demandes de la población saḥariana.
- Pidir una opinión xurídica a la Corte Internacional de Xusticia .[6]
La respuesta internacional y la posición marroquina
[editar | editar la fonte]La observación de la misión visitadora que tuvo llugar en mayu de 1974 concluyó que la población saḥariana quería la salida d'España y la formación d'un país independiente. Amás, quedó patente que la principal fuerza política del país yera'l movimientu de lliberación nacional del Frente Polisariu . Sicasí, estes conclusiones nun seríen públiques hasta meses más tarde.[6]
Énte la gran posibilidá de que la Corte de La Faya se pronunciara escontra la posición marroquina, el Majzén empezó a preparar un golpe d'efectu qu'asegurara la so soberanía sobre'l Sáhara. Asina, el 26 de setiembre de 1975, poques selmanes antes de la publicación del dictame de la CIJ, Hasán II convocó una xunta secreta na que s'informó a los gobernadores de la organización d'una marcha pa lliberar el territoriu saḥarianu de la colonización española. A pesar del secretismu, hebo filtraciones d'información y la CIA comunicó a Henry Kissinger les intenciones de Marruecos. Como respuesta, Estaos Xuníos pidió contención al rei marroquín para evitar una desestabilización de la rexón. Tamién el gobiernu español acabó tando al corriente de los planes marroquinos.[8]
De la mesma, para llevar a cabu dicha operación, motivóse una visión favorable de la opinión pública al respeutu, manipoliando les conclusiones de les instancies de les Naciones Xuníes énte el públicu marroquín. Tan solo dos díes antes de la publicación del resolvimientu del CIJ, un voceru de la misión permanente marroquina na ONX espresó que l'informe de la misión que visitó la rexón yera favorable a la tesis de Marruecos, asegurando que la descolonización del Sahara tenía de concluyir cola restauración de la integridá territorial marroquina.[8]
Pela so parte, la Corte Internacional de Xusticia emitió el so dictame el 16 d'ochobre de 1975, declarando que'l territoriu d'El Sáḥara nun yera res nullius cuando los españoles llegaron al territoriu. Amás, la CIJ tamién afirmó que les reclamaciones históriques de Marruecos y Mauritania pola esistencia de venceyos de vasallaxe o sumisión ente delles tribus y los sultanes vecinos nun formaben xuna base pa poder reclamar la soberanía sobre'l territoriu saḥarianu. Poro, esos venceyos históricos nun podíen sustituyir el derechu d'autodeterminación de la población autóctona del territoriu .[6]
El tribunal no ha comprobado la existencia de vínculos jurídicos de tal naturaleza que puedan modificar la aplicación de la A/RES/1514 (XV) en cuanto a la descolonización del Sáhara Occidental y, en particular, la aplicación del principio de autodeterminación.Dictamen de la Corte Internacional de Justicia de 16 de octubre de 1975.[6]
Asina, Marruecos viose prácticamente obligáu a escoyer ente aceptar l'autodeterminación de los habitantes d'El Sáḥara, col peligru de perder el so territoriu, o enfrentar l'aislamientu internacional de resultes de desacatar les doctrines y resolvimientos de la ONU. Sicasí, magar que esa fora la conclusión del Tribunal de La Faya, nel testu sí que se reconocíen venceyos llegales históricos de llealtá ente el sultán de Marruecos y delles tribus saḥarianes, daqué que sería utilizáu pol rei marroquín Hassan II pa xustificar la so intervención nel territoriu y recurrir la decisión del CIJ. L'ambigüedá del veredictu de La Faya, qu'aniciaba n'almitir los trés lóxiques (venceyos de fidelidá al sultán, derechos territoriales de les tribus y l'obligación de poner en práctica la resolución 1514 para la descolonización del Sahara), anque finalmente determinárase que la postrera yera la predominante, dexó a Marruecos siguir reclamando la so soberanía sobre'l Sáhara sofitáu na lóxica de la llei islámica. Para sofitar públicamente el proyeutu de la llamada Marcha Verde, al igual qu'asocediera col informe de la misión del Comité de Descolonización, Hassan II interpretó públicamente el dictame de la Corte Internacional de Xusticia como favorable a la marroquinidad d'El Sáḥara. Pa ello, tomó como base el párrafu 162 del resolvimientu:
Los elementos e informaciones de que ha tenido conocimiento la Corte muestran la existencia, en el momento de la colonización española, de lazos jurídicos de pleitesía entre el sultán de Marruecos y algunas de las tribus que vivían en el territorio del Sahara Occidental.Dictamen de la Corte Internacional de Justicia de 16 de octubre de 1975.[8]
Asina, nel anunciu de la marcha verde el mesmu día 16 d'ochobre de 1975, el monarca afirmó que «el derechu prevaleció sobre la inxusticia» y que «la instancia internacional reconoció qu'esistíen llazos xurídicos y de pleitesía ente Marruecos y el Sahara», omitiendo les conclusiones finales del dictame. D'esta forma, propunxo, como forma última de «reintegrar» El Sáḥara en Marruecos, una marcha pacífica de 350.000 voluntarios de too el país qu'entraríen nel territoriu saḥarianu solu armaos con exemplares del Corán y banderes marroquines.[8]
A esta situación xunió la coxuntura política interna n'España: el 30 d'ochobre de 1975, un Francu enfermu trespasó los sos poderes al príncipe Juan Carlos y el 3 de payares yera operáu nel so palaciu d'El Pardo y darréu hospitalizáu . El Gobiernu español tuvo entós dispuestu a abandonar la provincia d'El Sáḥara y les sos obligaciones internacionales.[5] A pesar de l'apolmonante superioridá militar y loxística de les Fuerces Armaes españoles asitiaes n'El Sáḥara Occidental en relación coles fuerces armaes marroquines, el Gobiernu español tarrecía que'l conflictu con Marruecos pudiera derivar nuna guerra colonial abierta n'África. L'añu anterior, la dictadura portuguesa fuera derrocada poles fuerces armaes portugueses na conocida como "Revolución de los claveles" dempués de vese empantanado mientres años en guerres coloniales n'Angola y Mozambique. Poro, col fin d'evitar la guerra y caltener no posible los sos futuros intereses nel territoriu, España aportó a entablar negociaciones billaterales directes con Marruecos, incorporando tamién a Mauritania, que plantegara esixencies similares.
Ante la escalada de tensión en la región, el Conseyu de Seguridá de les Naciones Xuníes aprobó por consensu el 22 de octubre la Resolución 377, en la que fizo «un llamamientu a les partes involucráes ya interesáes para que den muestres de caución y moderación y permitan que la misión del Secretariu Xeneral s'emprenda en condiciones satisfactorias».[11] El 2 de noviembre aprobó también la Resolución 379, en la que «habiendo tomado nota con preocupación de que sigue siendo grave la situación en la región», exhorta a las partes a «evitar cualquier acción unilateral o de otra índole que pueda intensificar más la tirantez en la región» y pide al secretario general de las Naciones Unidas que prosiga col so cometíu.[12]
Sicasí, a pesar de los encamientos de la ONX, Marruecos nun arrenunció al golpe d'efectu que supondría esa Marcha Verde pa exercer presión sobre el debilitáu gobiernu español coles mires d'apoderase del Sáhara Occidental, o de siquier, una parte del territoriu .[8]
Desenvolvimientu de la marcha verde
[editar | editar la fonte]Llamamientu y organización
[editar | editar la fonte]Nesti contestu, Hasán II encamentó al pueblu marroquín a realizar una marcha «pacífica», principalmente de neños y muyeres desarmaos, pa recuperar los territorios d'El Sáḥara ocupaos per España. A les columnes de civiles que colaben escontra el sur vía Tarfaya xuniéronse tamién 25 00025 000 soldaos de les Fuerces Armaes Reales, que se dirixíen a la provincia española pel este .[13]
Pa la realización de la marcha, pa la que se precisaben 350.000 voluntarios y 127.800 tonelaes de mercancíes, riquióse una gran preparación loxística. Fueron necesarios 2100 vehículos, 6000 camiones y autobuses requisados y 113 trenes.[8]
El gobiernu marroquín fíxose tamién cargu de supervisar la proveniencia de los participantes na marcha, ente los que predominaron los del sur marroquín, ente Marrakech y Agadir, superando los 120.000 participantes. Pela so parte, les ciudaes de la mariña atlántica sumaron 72.000 voluntarios, ente que'l norte marroquín quedó infrarrepresentando, cuntando con namás 6.500 marchadores de Tánger a Uxda. Nel casu de l'área que partía con El Sáḥara, la provincia de Tarfaya cuntó con 15.000 participantes, sumando 18.000 de Tiznit y 20.000 de Errachidía. Asina, convocóse xuna marcha inmensa que supunxo pa los marroquinos xuna reivindicación de la so identidá nacional.[8]
Invasión
[editar | editar la fonte]miniaturadeimagen|Parcipantes na denominada marcha verde.
derecha|miniaturadeimagen|Cartelu d'alvertencia de mines n'El Sáḥara Occidental.
El día 4 de payares, el xeneral Gómez de Salazar, xefe del sector d'El Sáḥara, consideró llegáu el momentu de poner en práutica la llamada Operación Marabunda pa zarrar el pasu de les columnes marroquines nes trés direiciones más probables de penetración. Nun se refugaba la posibilidá de que, tres l'escudu humanu del personal civil, constituyíu polos pelegrinos de la marcha verde, pudieren intervenir columnes d'exércitu marroquín cola sida de defender a los caminantes.
El 5 de payares, Hasán II anunció qu'a otru día los civiles cruciaríen la frontera. Les fuerces españoles, siguiendo ordes del Gobiernu, se repregaron a unos kilómetros de la frontera, minaron la zona y asitiáronse darréu detrás. A les 10:33 hores del día 6, los primeros voluntarios de la marcha cortaron l'alambrada que delimitaba la frontera ya invadieron la provincia, enfusándose en territoriu español cercanu al puestu fronterizu de Tah, qu'asaltaron pola fuerza. Pela tarde, unos 50 00050 000 civiles atopábense acampaos yá en territoriu español.[13]
De manera inmediata el Conseyu de Seguridá de Naciones Xuníes volvió pronunciase aprobando otru resolvimientu, el 380, na que «deplora la realización de la marcha» y «encamienta a Marruecos a que retire darréu del territoriu d'El Sáḥara Occidental a tolos participantes na marcha», según volver facer un llamamientu al diálogu. Sicasí, y nel marcu de la Guerra Fría, Estaos Xuníos y Francia dieron el so beneplácito a l'anexón marroquina del territoriu,[5] yá que Arxelia y el Frente Polisariu yeren cercanos a la Xunión Soviética.[13]
El día 9, tres la visita del ministru de la Presidencia español Carru a Agadir p'axustar col monarca alauí, el rei dio la orde de repliegue y los civiles abandonaron la provincia española.[13]
La población sahariana énte la Marcha Verde
[editar | editar la fonte]El gran proyeutu marroquín nun fizo casu a los habitantes del territoriu que se pretendía anexionar. La simboloxía relixosa, xunida a les reivindicaciones monárquiques, negaron dafechu la identidá saḥariana y la posibilidá de pasar a ser consideraos como ciudadanos, en llugar de súbditos. Arriendes d'ello, dende'l mesmu entamu de la marcha, xeneróse un conflictu que s'allarga hasta los nuesos díes.[8]
Alcuerdu Tripartitu y salida española del territoriu
[editar | editar la fonte]izquierda|miniaturadeimagen|Billete de 100 dirhams marroquinos conmemorando la marcha verde. miniaturadeimagen|250x250px|Tropes españoles n'El Sáḥara, 14 de payares de 1975.
Una selmana dempués, con Juan Carlos de Borbón como xefe d'Estáu en funciones —Franco yá amorrentaba en Madrid—, España, Marruecos y Mauritania roblaron l'Alcuerdu Tripartitu de Madrid el 14 de payares de 1975, nel qu'España repitió la so intención de descolonizar El Sáḥara «poniendo términu a les responsabilidaes y poderes que tien sobro dichu territoriu como potencia alministradora» ya instituyó una alministración temporal «na que van participar Marruecos y Mauritania, en collaboración cola Yemaá», l'asamblea de notables tribal, estableciendo qu'esta sería la espresión de la opinión del pueblu saharianu.[4] A lo último, establecióse qu'España pondría fin a la so presencia nel territoriu antes del 28 de febreru de 1976. Asina, el territoriu dixebrose ente los dos países vecinos: Saguía el Hamra pasaría a formar parte de Marruecos y Río de Oro de Mauritania.[4]
El 10 d'avientu, l'Asamblea Xeneral de les Naciones Xuníes aprobó —España, Marruecos y Mauritania votaron a favor— el Resolución 3458 B, na que se reafitaba «el derechu inalienable de toles poblaciones saḥarianes orixinaries del territoriu a la llibre determinación» y pidíase a les partes «una consulta llibre entamada col concursu d'un representante de les Naciones Xuníes designáu pol secretariu xeneral».
El 26 de febreru de 1976, el representante permanente d'España énte les Naciones Xuníes Jaime de Piniés comunicaba que'l Gobiernu español daba per terminada definitivamente la so presencia nel territoriu, yá que cesaba «la so participación na Alministración temporal que s'estableció pal mesmu (sic)», pero matizando que «la descolonización va rematar cuando la opinión de la población saḥariana e'spresáraaválidamente».[22] miniaturadeimagen|278x278px|N'inglés, partición d'El Sáḥara Occidental según l'Alcuerdu Tripartitu de Madrid. Mauritania retiróse en 1979 y la so zona foi ocupada por Marruecos. Un día después, Marruecos transmitió al secretariu xeneral de les Naciones Xuníes que «la Yemaá del Sahara, reunida en sesión especial el 26 de febrero de 1976 en El Aaiún, ha aprobado por unanimidad la reincorporación del territorio del Sahara a Marruecos y Mauritania, de conformidá colas realidades hestóricas y los vínculos qu'han xunío sempre a la población sahariana con esos dos países».[14] Dicha decisión yera contraria al dictamen del 16 de octubre de 1975 del Tribunal Internacional de Xusticia:
El material y la información que se le han presentado [al Tribunal Internacional de Justicia] no demuestran la existencia de ningún vínculo de soberanía territorial entre el territorio del Sahara occidental y el Reino de Marruecos o el complejo mauritano. Por lo tanto, la Corte no ha encontrado vínculos jurídicos de naturaleza tal que puedan influir en la aplicación de la resolución 1514 (XV) [sobre la concesión de la independencia a los países y pueblos coloniales] en lo que respecta a la descolonización del Sahara occidental y, en particular, en la aplicación del principio de la libre determinación mediante la libre y auténtica expresión de la voluntad de los pueblos del territorio.[15]
Cola retirada de les fuerces españoles, y basándose na decisión de la Yemaá, Marruecos ocupó la zona septentrional y oriental del territoriu, y Mauritania la meridional.
Consecuencies
[editar | editar la fonte]Tres la firma del Alcuerdu Tripartitu de Madrid, parte de la población saḥariana abandonó'l territoriu, instalándose en campamentos de refuxaos en Tinduf, nel sur d'Arxelia. Esti campamentu constituyiría la base pa la proclamación de la República Árabe Saḥariana Democrática (RASD) per parte del Frente Polisariu el 26 de febreru de 1976, amás del entamu d'una guerra de guerrilles tres la retirada de les últimes tropes españoles. Arxelia sedría'l primer país en reconocer a la RASD, lo que llevaría a Marruecos a romper rellaciones col país hasta 1988, cuando la ONX propunxo un plan de paz que plantegaba determinar un plazu pa la celebración del referéndum d'autodeterminación. Pa esi momentu, yá yeren 71 los estaos que reconocieren oficialmente a la república saḥariana.[4]
Pela so parte, Mauritania abandonó tolos reclamos sobre la so parte n'agostu de 1979 y dexó esta área al frente Polisariu, pero sicasí foi ocupada rápido por Marruecos. Sicasí, Mauritania caltuvo para sí un pequeñu puestu d'avanzada en La Güera para caltener la seguridá del so principal puertu de Nuadibú. Arxelia llegó a unviar tropes en sofitu de los saḥarianos a les fondures del territoriu, pero finalmente retiráronse dempués de la batalla d'Amgala en xineru de 1976.[16]
La Guerra d'El Sáḥara Occidental s'allargó mientres quince años, ente 1976 y 1991, oponiendo al movimientu de lliberación saḥariana y los estaos ocupantes, implicando amás una militarización del territoriu .[6] La guerra ente el Frente Polisariu y l'exércitu marroquín llegó a enfrentar tamién al exércitu arxelín col de Marruecos.[4] En 1990, la ONX y l'Organización de la Unidá Africana consiguieron que Marruecos y el Frente Polisariu algamaren un Plan d'Arreglu qu'incluyía un cese de les hostilidaes armaes, la instalación de la Misión Internacional de Naciones Xuníes pal referéndum n'El Sáḥara Occidental (MINXRSO) como fuerza internacional d'observación y la preparación d'un referéndum d'autodeterminación. A pesar del alcuerdu, Marruecos tenía l'oxetivu de llegalizar la ocupación y declaró que solo aceptaría un referéndum que "confirmara la marroquinidá d'El Sáḥara".[6] [[Archivo:Western_sahara_walls_moroccan_map-es.svg|miniaturadeimagen|250x250px|Murios marroquinos nel territoriu d'El Sáḥara Occidental, mientres la guerra d'El Sáḥara Occidental (1975-1991). En mariellu, el territoriu baxo control del Frente Polisariu.]] Anguaño la situación sigue ensin resolvese. La Misión de Naciones Xuníes para el referendu n'El Sáḥara Occidental sigue activa, y Marruecos la refuga, argumentando que nun-y correspuende supervisar la situación de los derechos humanos n'El Sáḥara Occidental. Pal derechu internacional, España sigue siendo la potencia alministradora d'El Sáḥara Occidental' —l'Alcuerdu Tripartitu de Madrid nun ye válidu, pos según la ONX «nun tresfirió la soberanía sobro'l territoriu nin confirió a nengún de los signatarios la condición de Potencia alministradora, condición qu'España, por sigo sola, nun podía tresferir unilateralmente»— y Marruecos ocupa.[17][18][19]Mentanto les cuatro décades d'allongamientu del conflictu conformaron un estáu saḥarianu, la RASD, nel esiliu, nos campamentos de refuxaos al suroeste d'Arxelia.
Marruecos fixo oficial en 2007 un plan d'autonomía pa El Sáḥara. El gobiernu español -al igual qu'otros- refugó el plan marroquín d'autonomía pa El Sáḥara. Sicasí, nel añu 2022, el presidente Pedro Sánchez del PSOE camudó sosprendentemente la tradicional política esterior española respectu a El Sáḥara Occidental ensin cuntar col congresu español nin colos sos socios de gobiernu . El ministru español d'Asuntos Esteriores, José Manuel Albares, dixo que la propuesta de Marruecos de 2007 pa ufiertar l'autonomía d'El Sáḥara Occidental yera la "base más seria, realista y creíble" pa poner fin a la disputa de décades pol vastu territoriu". L'aceptación d'esi plan pol gobiernu español producióse dempués de qu'Estaos Xuníos lo aceptaren primero (nel casu de EE. UU. mientres el gobiernu de Donald Trump, en cuenta de que Marruecos reconociera oficialmente a Israel). Esti drásticu xiru de la política esterior española provocó la reaición d'Arxelia contra España. Arxelia sofita l'autonomía ya independencia d'El Sáḥara Occidental y esto ye motivu d'enfrentamientu permanente col so vecín Marruecos.
Vease tamién
[editar | editar la fonte]- Revuelta del Rif (1958-1959)
- Guerra de Ifni
- Guerra de las Arenas
- Historia d'El Sáḥara Occidental
- Rellaciones Arxelia-Marruecos
- Rellaciones España-Marruecos
- Rellaciones España-República Árabe Saḥariana Democrática
- Rellaciones España-Mauritania
- Guerra Fría árabe
Referencies
[editar | editar la fonte]- ↑ Afirmao en: Gemeinsame Normdatei. Identificador GND: 4279301-4. Data de consulta: mayu 2025. Llingua de la obra o nome: alemán. Autor: Biblioteca Nacional d'Alemaña.
- ↑ «La Participación de Estados Unidos en la crisis del Sáhara español». Historia Digital 22 (40): páxs. 111-148. 2022. ISSN 1695-6214. https://dialnet.unirioja.es/servlet/articulo?codigo=8528630. Consultáu'l 5 de agosto de 2026.
- ↑ «Cursiva y redonda. Guía de estilo. Versión 1.1.». Fundéu BBVA (24 de octubre de 2010). «Se escriben en cursiva los movimientos populares y sus seguidores. […] “Aprovechando la crítica salud de Franco, el rey Hassan II de Marruecos ordenó la marcha verde”»
- 1 2 3 4 5 6 7 (1997) El mundo arabo-islámico contemporáneo. Una historia política. Madrid: Síntesis. ISBN 84-7738-488-6.
- 1 2 3 (2018) Los Árabes. Del Imperio Otomano a la Actualidad. Planeta. ISBN 9788417067700.
- 1 2 3 4 5 6 7 8 9 10 11 12 Breve Historia del Sáhara Occidental. Catarata.
- ↑ Calle, Miguel Muñoz,Nacho (2022-04-06). «El desconsuelo del Sáhara Occidental: de provincia española con Franco al apoyo de Sánchez a la autonomía marroquí» (castellanu). www.publico.es. Consultáu'l 2025-01-16.
- 1 2 3 4 5 6 7 8 9 10 11 12 13 14 (2022) Rebelarse en el desierto. Movilizaciones políticas en el Oeste Sahariano [1932-2020]. Bellaterra.
- 1 2 El Movimiento Nacionalista Saharaui. De Zemla a la Organización de la Unidad Africana.
- 1 2 Arasa, 2008.
- ↑ Consejo de Seguridad. Resolución 377 (1975) de 22 de octubre de 1975. Organización de las Naciones Unidas.
- ↑ Consejo de Seguridad. Resolución 379 (1975) de 2 de noviembre de 1975. Organización de las Naciones Unidas.
- 1 2 3 4 Meneses, Rosa (6 de noviembre de 2015). «La Marcha Verde: 40 años de una herida abierta en el Sáhara Occidental». El Mundo. Consultáu'l 8 de noviembre de 2015.
- ↑ Carrillo Salcedo, 1979.
- ↑ Carrillo Salcedo, 1979, p. 122.
- ↑ Zunes. ALGERIA, THE MAGHREB UNION, AND THE WESTERN SAHARA STALEMATE.
- ↑ «Carta de fecha 29 de enero de 2002 dirigida al Presidente del Consejo de Seguridad por el Secretario General Adjunto de Asuntos Jurídicos, Asesor Jurídico». Consejo de Seguridad de las Naciones Unidas.
- ↑ Ruiz Miguel, Carlos (19 de abril de 2007). «El acuerdo de pesca UE-Marruecos o el intento español de considerar a Marruecos como “potencia administradora” del Sáhara Occidental». Anuario de Derecho Internacional. Western Sahara Human Rights Watch. Archiváu dende l'orixinal, el 2018-08-21. «Las consideraciones anteriores se hallan confirmadas por resoluciones de la Asamblea General de la ONU. De estas resoluciones se desprenden dos conclusiones complementarias: la Asamblea General de la ONU nunca ha considerado a Marruecos como “potencia administradora” sino como ocupante; y España ha seguido siendo considerada como “potencia administradora” [...] VIII. Conclusiones. [...] 2º. El acuerdo tripartito de Madrid de 1975 no ha transferido “a Marruecos” la cualidad de potencia administradora. [...] 4º. De acuerdo con las resoluciones de la Asamblea General de las Naciones Unidas y la práctica del Secretario General la “potencia administradora” del Sáhara Occidental sigue siendo España, aunque lo sea de iure, pero no de facto»
- ↑ Asamblea General (21 de noviembre de 1979). «34/37. Cuestión del Sáhara Occidental». Organización de las Naciones Unidas. «La Asamblea General [de la ONU]
Deplora profundamente la agravación de la situación, como consecuencia de la persistente ocupación del Sáhara Occidental por Marruecos y de la ampliación de esa ocupación al territorio recientemente evacuado por Mauritania.
Pide encarecidamente a Marruecos que participe también en la dinámica de paz y ponga fin a la ocupación del Territorio del Sáhara Occidental»
Bibliografía
[editar | editar la fonte]- Historias curiosas del franquismo. Ediciones Robinbook. ISBN 978-84-7927-979-0. https://books.google.es/books?id=HMFy1QqnmX8C&pg=PA367&lpg=PA367&dq=acuerdo+t%C3%A1cito+marcha+verde&source=bl&ots=ZLqZEe8Jxs&sig=JAkeP0yArEclWStP3OO6sk15cG8&hl=es&sa=X&ved=0CCwQ6AEwAWoVChMI18Woh-iByQIVQ1UsCh0SQwyQ#v=onepage&q=acuerdo%20t%C3%A1cito%20marcha%20verde&f=false.
- Archived copy. Real Instituto Elcano. Archiváu dende l'orixinal el 2021-03-02. https://web.archive.org/web/20210302133938/http://biblioteca.ribei.org/668/1/DT-016-2004-E.pdf. Consultáu'l 2026-09-15.
- La posición de España respecto de la cuestión del Sahara occidental: de la Declaración de Principios de Madrid al comunicado conjunto hispano-argelino. http://www.cepc.gob.es/Controls/Mav/getData.ashx?MAVqs=~aWQ9MzQ4ODYmaWRlPTEwMzcmdXJsPTEzJm5hbWU9UlBJXzE2M18xMTcucGRmJmZpbGU9UlBJXzE2M18xMTcucGRmJnRhYmxhPUFydGljdWxvJmNvbnRlbnQ9YXBwbGljYXRpb24vcGRm.
- (2014) Franco: una biografía personal y política. Espasa. ISBN 978-84-670-0992-7.
| Control d'autoridaes |
|
|---|
Datos: Q870684
Multimedia: Green March
