Simone Weil

Simone Weil
Simone Weil (1943)
Vida
Nacimientu	París, 3 de febreru de 1909
Nacionalidá	Francia
Llingua materna	francés
Muerte	Ashford, 24 d'agostu de 1943 (34 años)
Sepultura	Bybrook Cemetery (en)
Causa de la muerte	tuberculosis
Familia
Padre	Bernard Weil
Madre	Selma Weil
Casada con	ensin valor
Hermanos/es	André Weil
Estudios
Estudios	Lycée Henri-IV (en) Sorbonne Universidá de París École normale supérieure lycée Fénelon
Llingües falaes	francés
Oficiu
Oficiu	filósofa, profesora d'enseñanza secundaria, escritora, autobiógrafa, poeta, sindicalista, miembru de la Resistencia francesa, diarista, traductora
Trabayos destacaos	The Need for Roots (en) Gravity and Grace (en) La condition ouvrière (en) Reflections Concerning the Causes of Liberty and Social Oppression (en) Notebooks (en) Oppression and Liberty (en)
Premios	ver Ambassadors' Prize  (1950) : Waiting for God (en)
Miembru de	resistencia francesa Confédération Générale du Travail
Seudónimos	Émile Novis y S. Galois
Serviciu militar
Cuerpu militar	Brigaes Internacionales
Lluchó en	Guerra Civil Española
Creencies
Relixón	nondenominational Christianity (en)
IMDb	nm0917979

Simone Adolphine Weil (3 de febreru de 1909, París – 24 d'agostu de 1943, Ashford) foi una filósofa, ensayista, activista política y mística francesa. La so obra abordó cuestiones como'l trabayu industrial, la opresión, el marxismu, la guerra, la relixón, la condición humana y les obligaciones del individuu hacia la comunidá. La mayor parte de los sos escritos publicáronse póstumamente.

Biografía

Weil nació en París nuna familia xudía secular. Estudió filosofía na École normale supérieure, onde foi compañera d'estudios de Simone de Beauvoir, y consiguió l'agrégation de filosofía en 1931. Trabayó posteriormente como profesora en distintos institutos franceses al empar que participaba en movimientos obreros y sindicales.

Crítica col estalinismu y con distintos aspectos del marxismu, Weil interesóse especialmente poles condiciones materiales del trabayu industrial. En 1934 pidió una excedencia docente y empezó a trabayar como obrera en fábriques de Alsthom y Renault pa conocer directamente la organización industrial y los sos efeutos físicos y sicolóxicos.

En 1936 viaxó a España y incorporóse durante un breve periodu a la columna Durruti nel bandu republicanu de la Guerra Civil española. Un accidente obligóla a abandonar el frente. La esperiencia de la guerra reforzó la so crítica de la violencia y de la subordinación de los individuos a causes polítiques colectives.

A finales de la década de 1930 desarrolló un creciente interés pol cristianismu y la mística, anque nunca llegó a bautizase. Tres la ocupación alemana de Francia salió del país con familiares y en 1942 llegó a Londres, onde collaboró cola Francia Llibre y escribió sobre la reconstrucción política y moral de Francia.

Weil morrió en 1943 n'Inglaterra. La mayor parte de la so obra filosófica foi preparada y publicada dempués de la so muerte a partir de manuscritos, cuadernos y ensayos. La Pesanteur et la Grâce, L'Enracinement y Oppression et Liberté figuren ente los títulos que consolidaron la so influyencia nel pensamientu européu de posguerra.

Obra escoyida

• Réflexions sur les causes de la liberté et de l'oppression sociale (1934)
• La Pesanteur et la Grâce (1947)
• L'Enracinement (1949)
• Attente de Dieu (1950)
• Oppression et Liberté (1955)
• Écrits historiques et politiques (1960)

Enllaces esternos

• Wikimedia Commons acueye conteníu multimedia sobre Simone Weil.

• Datos: Q157309
• Multimedia: Simone Weil
• Cites famoses: Simone Weil