Falkenberq
| Şəhər | |
| Falkenberq | |
|---|---|
 Falkenberqdə Tullbron körpüsündən görünüş | |
| 56°54′05″ şm. e. 12°29′49″ ş. u.HGYO | |
| Ölkə | İsveç |
| Tabeliyində | Falkenberq bələdiyyəsi |
| Əyalət | Halland |
| Qraflıq | Halland qraflığı |
| Tarixi və coğrafiyası | |
| Əsası qoyulub | 1558 |
| Sahəsi | 20,01 km² |
| Mərkəzin hündürlüyü | 13 m |
| Saat qurşağı | UTC+1 , yayda UTC+2 |
| Əhalisi | |
| Əhalisi | 27.813 nəfər (2019) |
| Sıxlığı | 1.390 nəfər/km² |
| Rəsmi dili | |
| Rəqəmsal identifikatorlar | |
| Telefon kodu | +46 34 |
| Poçt indeksi | 311 xx |
| Digər | |
| falkenberg.se | |
.svg)  Falkenberq | |
 Vikianbarda əlaqəli mediafayllar | |
Falkenberq — İsveçin Halland qraflığında yerləşən şəhər və Falkenberq bələdiyyəsinin inzibati mərkəzidir. 2019-cu ildə şəhərin 27.813 nəfər əhalisi olmuşdur.Bələdiyyənin ümumi əhalisi isə təxminən 45.000 nəfərdir. Şəhər Etran çayının mənsəbində yerləşir. Adı isveç dilindəki falk (şahin) və berg (dağ) sözlərindən yaranıb. Falkenberq yay aylarında məşhur turizm məkanıdır və şəhərin əsas çimərliyi Skrea stranddır.[1]
Tarixi
[redaktə | vikimətni redaktə et]XIII əsrin əvvəllərində Danimarka kralı Etran çayının şərq sahilində qala inşa etdirmişdi. Sonralar bu qala şəhərin adının yaranmasına səbəb oldu. Həmin dövrdə Halland Danimarkanın tərkibində idi. Ərazidə şahin ovu ilə məşğul olunduğu məlumdur. Lakin sonradan "Hallandia antiqua et hodierna" əsərində şahin ovunun keçirildiyi və şəhərin adının yaranmasına səbəb olduğu göstərilən məkanın yanlış müəyyənləşdirildiyi ortaya çıxmışdır.
Etran çayının şimalındakı ərazi müxtəlif dövrlərdə Norveçin və ya İsveçin tərkibində olmuşdur. Məhz bu tərəfdə bazar şəhəri inkişaf etmişdir. Təxminən 1300-cü ildə burada kilsə inşa edilmişdir. XIV əsrdən Şimal Yeddiillik müharibəsinə (1563–1570) qədər şəhərin yaxınlığında Ny-Falkenberg (Yeni Falkenberq) adlı ikinci şəhər də mövcud olmuşdur. Qala 1434-cü ildə Engelbrekt Engelbrektssonun qoşunları tərəfindən dağıdılmışdır. Şəhər ən gec 1558-ci ildə bazar hüquqları əldə etmişdir.
Hallandın qalan hissəsi ilə birlikdə Falkenberq 1645-ci ildə imzalanmış Brömsebro müqaviləsinə əsasən müvəqqəti olaraq İsveçin tərkibinə keçdi. On üç il sonra imzalanan Roskilde müqaviləsi əyaləti həmişəlik İsveçin tərkibinə daxil etdi. Uzun müddət şəhər Danimarka dövründən qalan ticarət və məhkəmə hüquqlarını qorumağa çalışdı. Qraflığın digər ərazilərində olduğu kimi, şəhərin sənayeləşməsi də yalnız XIX əsrin sonlarında tədricən başladı. 1862-ci ildə bələdiyyə islahatı nəticəsində Falkenberq şəhəri ətrafdakı kənd bələdiyyələrinin bəzi hissələrini özündə birləşdirən şəhər bələdiyyəsinə çevrildi. 1908-ci ildə Skrea kənd bələdiyyəsindən Hertinq, 1937-ci ildə Stafsinge kənd bələdiyyəsindən Arvidstorp, 1950-ci ildə isə Vinberq kənd bələdiyyəsindən kiçik bir ərazi şəhərə birləşdirildi. 1971-ci ildə Falkenberq şəhəri Falkenberq bələdiyyəsinin tərkibinə daxil edildi və həmin vaxtdan bələdiyyənin mərkəzi olmuşdur.[2]
XX əsrdə Falkenberq dənizkənarı kurort kimi tanınmağa başladı.[3]
Nəqliyyat
[redaktə | vikimətni redaktə et]Falkenberq İsveçin qərb sahili boyunca uzanan ənənəvi ticarət yolunun üzərində, Halmstaddan təxminən 45 km şimal-qərbdə və Göteborqdan 105 km cənubda yerləşir. Hazırda bu nəqliyyat ehtiyaclarına şəhərin kənarından keçən və ikizolaqlı avtomobil yolu olan E6, eləcə də Qərb Sahili dəmir yolu xətti xidmət edir. 150 və 154 nömrəli qraflıq yolları Torup və Svenlyunqaya gedir. Falkenberq dəmir yolu XIX əsrin 90-cı illərindən XX əsrin 50-ci illərinədək fəaliyyət göstərmişdir. Şəhərdə yeddi avtobus marşrutu var.
Binalar
[redaktə | vikimətni redaktə et]- Falkenberq kilsəsi
- Falkenberq şəhər meriyası
- Falkenberq köhnə meriyası
- Falkhallen
- Müqəddəs Lourens kilsəsi
Məşhur şəxslər
[redaktə | vikimətni redaktə et]- Annika Andersson — komediya aktrisası
- Per-Qunnar Andersson — avtomobil yarışçısı
- Bu Andersson — iş adamı
- Rutger Bakke — futbolçu
- Zulmir Beçeviç — yazıçı
- Emma Benqtsson — aşpaz
- Stellan Benqtsson — stolüstü tennisçi
- Nina Byork — yazıçı, jurnalist və feminist
- Ulf "Tikan" Karlsson — stolüstü tennisçi
- Valter Dikson — yazıçı
- Greçula — müğənni
- Yoyye Yonsson — aktyor
- Erik "Spänst" Svensson — atlet
- Frida Svensson — avarçəkən
- Hans Svensson — avarçəkən
- Karl-Yohan Valqren — yazıçı
- Yan Vidstryomer — rəssam
- Per Zetterberq — futbolçu
- Yesper Karlsson — futbolçu
- Niklas Eliasson — futbolçu
- Olivia Şouq — futbolçu
- Anna Takanen — aktyor, rejissor və yazıçı, Falkenberqdə böyüyüb[4]
Musiqi qrupları
[redaktə | vikimətni redaktə et]- Ablaze My Sorrow — death-metal qrupu
- By Night — death-metal və ekstremal-metal qrupu
- Sonic Syndicate — melodik death-metal və melodik metalcore qrupu
- Vains of Jenna — rok qrupu
Qardaş şəhərlər
[redaktə | vikimətni redaktə et]
Həmçinin bax
[redaktə | vikimətni redaktə et]Kitab istinadları
[redaktə | vikimətni redaktə et]- Hedén, Stig J., redaktorFalkenberg - staden som hembygd. 1995. ISBN 91-630-3848-X.
- Eric Hägge. Kommunalt sekel - Falkenbergs stadsfullmäktige 1866-1965. Lidköping: Landströms trycksaker AB. 1966.
İstinadlar
[redaktə | vikimətni redaktə et]- ↑ "Falkenberg - Municipality". RouteYou (ingilis). 24 sentyabr 2021 tarixində arxivləşdirilib. İstifadə tarixi: 24 sentyabr 2021.
- ↑ Andersson, Per. Sveriges kommunindelning 1863–1993 (isveç). Mjölby: Draking. 1993. ISBN 91-87784-05-X.
- ↑ "Elsa Trolle Önnerfors: Domsagohistorik - Varbergs tingsrätt (del av Riksantikvarieämbetets Tings- och rådhusinventeringen 1996-2007)". 20 dekabr 2024 tarixində arxivləşdirilib. İstifadə tarixi: 1 oktyabr 2026.
- ↑ Wreede, Lena. "Anna Takanen tänker inte vara någon panelhöna" [Anna Takanen does not intend to be a wallflower]. Hallands Nyheter (isveç). 20 dekabr 2018. 2 iyul 2026 tarixində arxivləşdirilib. İstifadə tarixi: 1 iyul 2026.
- ↑ "International collaboration". gmiezno.eu. Gniezno. 21 avqust 2017 tarixində arxivləşdirilib. İstifadə tarixi: 3 may 2014.
