Jump to content

Silliman University

Gikan sa Wikipedia, ang gawasnong ensiklopedya

Unibersidad sa Silliman
Motto:Via, Veritas, Vita
NatukodAgosto 28, 1901
Pangulo:Dr. Ben S. Malayang III
B.A., M.A., Ph.D.
(Ohio University ug University of California, Berkeley)[1]
Kawanihan:500
Mga magtutuon:8,683[2]
Andergradweyt:6,000
Postgradweyt:100
NahimutanganPhilippines Dakbayan sa Dumaguete, Negros Oriental, Pilipinas
(9°18′46″N 123°18′24″E / 9.31278°N 123.30667°E / 9.31278; 123.30667)
Kampus:Urban
330,000 m² (ang meyn sa Hibbard Avenue)
290,000 m² (College of Agriculture ug Marine Lab campus)
Mga kanhing ngalan:Silliman Institute (1901-1938)
Hymn:Silliman Song
Mga kolor:Pula
Puti
Angga:Stallions and Mares
Mga apilyasyon:ACUCA, UBCHEA, ACSCU, PAASCU, ATESEA, UCCP, ubp.
Websayt:www.su.edu.ph

Ang Silliman University (usahay ginatawag sa pangalan nga Silliman o SU) usa ka pribadong universidad sa Dakbayan sa Dumaguete nga makit-an sa Negros Oriental, usa sa mga provincia sa Pilipinas. Kini gitukod niadtong 1901 sa mga misionario nga Americano pagkahuman sa gubat sa España ug America. Natukod ang maong universidad pinaagi sa usa ka donación nga gihatag sa usa ka pilantropong Americano nga nikabat ug $10,000. Ang maong tawo mao si Horace Brinsmade Silliman nga taga Cohoes, New York.[3]

Tungod kay kini natukod man human sa gubat sa España ug America, ang Silliman mao ang kinaunahang Protestant nga escuelahan nga natukod dinhi sa Pilipinas, ug ang kinaunahang pribadong tulunghaan nga natukod sa mga Americano dinhi sa nasud. Usa usab kini sa mga kina-unahang unibersidad nga natukod sa mga American dinhi sa Asia.[4] Sa pagkakaron, ang Silliman adunay napulo ka mga colegio, upat ka mga escuelahan, ug duha ka mga institucion. Ang mga estudiante niini nagakigan sa lainlaing lugar sa Pilipinas ug sa kalibutan. Ang mga langyaw nga mga estudiante sa Silliman nagagikan sa sobra sa viente ka mga nasud sa kalibutan. Ang Silliman ginalista isip usa sa mga National Landmarks sa Pilipinas ug usa sa diyutay nga mga universidad nga gitagaan og autonomía sa Commission on Higher Education (CHED).[3]

Sa pagkakaron, ang Silliman nagahatag ug mga curso sa Accountancy, Business Administration, Engineering, Information Technology, Law, Medicine, Nursing, Biology, Chemistry, Education, Marine Sciences, Physics, Theology, Philosophy, Psychology, Public Administration, ug uban pa.[5]

Ang Institusyon

[usba | usba ang wikitext]

Kaagi

[usba | usba ang wikitext]

Ang Silliman gitukod niadtong Agosto 28, 1901 sa mga American Presbyterian human sa gubat sa España ug Estados Unidos. Kini natukod pinaagi sa usa ka donación nga gihatag sa usa ka pilantropong Americano nga naga-pangalan ug Dr. Horace Brinsmade Silliman. Tungod sa iyang tabang, ang tulunghaan ginganlan sa iyang apellido bilang pahidungog sa iyang ka maayo. Sa sugod, ang Silliman nagahatag lamang ug educacion alang sa mga bata nga lalaki. Apan niadtong 1910, kini gitagaad ug katungod sa gobierno sa Pilipinas nga mohatag ug mga degree sa colegio nga ni resulta sa pagkahimo nga Colegio (College) niini. Niadtong 1912, ang maong tulunghaan nisugod ug dawat ug mga babayi nga mga estudiante, ug niadtong 1938, kini nahimong unang tulunghaan nga nahimong universidad gawas sa Manila.

Sa Ikaduhang Gubat sa Kalibutan (World War II), ang Silliman gi ocupar ug gihimong campo sa mga mananakop na Hapones. Tungod niini, napugos ang mga estudiante ug mga maestra nga mo ikyas paingon sa kabukiran sa Negros Oriental. Didto sa maong mga kabukiran gi padayaon sa universidad ang operacion niini.

Pagkahuman sa Ikaduhang Gubat sa Kalibutan (World War II), hinay-hinay nga gihatag sa mga Americano didto sa mga Pilipino ang pagdala ug ang pagpangulo sa tulunghaan. Tungod niini, sa tuig 1952, ang Silliman ni tahas sa pinaka-unang Pilipino nga presidente sa universidad.

Mga Pagranggo

[usba | usba ang wikitext]

Matod sa usa ka report nga gipagawas sa Commission on Higher Education (CHED) niadtong 2007, ang Silliman nahimutang sa ikaupat nga puesto sunod sa tulo ka tulunghaan sa University of the Philippines (U.P.). Ang maong mga tulunghaan mao ang U.P. Diliman (una), U.P. Los Banos (ikaduha) ug U.P. Manila (ikatulo). Kon usahon ang tulo ka tulunghaan sa U.P. System, mahimutang ang Silliman sa ikaduha nga puesto (ikaduha). Ang maong report gibase sa mga resulta sa board exams gikan sa 1991-2001 sa tanang curso ug tanang tulunghaan sa Pilipinas.[6] Ang maong report ginapagawas lamang sa kada ikapulo ka tuig.

Sa uban pang mga pagranggo nga gipagawas sa CHED, ang Silliman nanguna sa Nursing Education,[7] ug nahimutang sa ikaduha nga puesto sa Accountancy[8] ug Mechanical Engineering.[9][10][11]

Mga Colegio, Escuelahan, ug Institucion

[usba | usba ang wikitext]
  • College of Agriculture
  • College of Arts and Sciences
  • College of Business Administration
  • College of Computer Studies
  • College of Engineering and Design
  • College of Education
  • College of Law
  • College of Mass Communication
  • College of Nursing
  • College of Performing Arts
  • Divinity School
  • Medical School
  • School of Public Affairs and Governance
  • School of Basic Education
  • Institute of Clinical Laboratory Sciences
  • Institute of Rehabilitative Sciences

Mga Letrato sa Campus

[usba | usba ang wikitext]

Mga Sentro sa Pagsusi

[usba | usba ang wikitext]
Ang Institute of Environmental and Marine Sciences (IEMS)

Ang Silliman usa sa mga diyutay nga tulunghaan sa Pilipinas nga naga hatag ug dugang nga attencion sa mga nagkalain-laing pagsusi (researches) kalabot sa ciencia (sciences). Ang naga-una sa maong mga pagsusi mao ang pagtuki sa condicion sa atong mga kadagatan ug kabaybayonan (marine sciences ug coastal resources). Ang centro sa maong mga pagtuki mao ang Institute of Environmental and Marine Sciences (kaniadto Silliman University Marine Laboratory). Kuyog sa tabang pinansyal gikan sa USAID (United States Agency for International Development), ug sa mga nagkalain-laing conexion sa America, ang Silliman nahimong usa ka Center of Excellence sa Coastal Resource Management.[12][13] Usa sa mga nilampos nga proyekto niini mao ang pagtukod ug mga marine sanctuary sa mga isla sa Apo ug Sumilon. Tungod sa maong mga pamalakad, ang Apo nahimong usa sa mga pinaka bilisitahunong lugar para sa mga mananalom.[14][15]

Ang uban pang mga centro sa pagsusi sa Silliman mao ang mga mosunod: Center for Gender Studies and Development, Center for Tropical Conservation Studies (CENTROP) Gi-arkibo 2011-05-24 at the Wayback Machine, CHED-SU Zonal Research Center Gi-arkibo 2009-09-13 at the Wayback Machine, Salonga Center for Law and Development Gi-arkibo 2009-09-17 at the Wayback Machine, ug ang SU-Angelo King Center for Research and Environmental Management (SUAKCREM) Gi-arkibo 2009-07-08 at the Wayback Machine.

Kinabuhing Estudiante

[usba | usba ang wikitext]

Pa-ugnat sa Kusog

[usba | usba ang wikitext]

Ang Silliman adunay mga pasilidades sa nagka-lain-laing sports o pa-ugnat sa kusog. Aduna kini usa Gymnasium nga gigamit para sa pagdula ug basketball, volleyball, badminton, table-tennis, rock-climbing ug uban pa. gigamit ang Silliman Ballfield alang sa soccer, ug uban pang track and field nga competicion. Aduna usab kini usa ka swimming pool, tulo ka tennis courts, duha ka pelota courts, ug usa ka archery range.

Aduna usab mga nagkalain-laing mga varsity teams sulod sa maong tulunghaan tungod kai kini usa man ka regular nga participante sa Philippine University Games (UniGames) ug sa Private Schools Athletic Association (PRISAA).[16][17] Sa pinaka-ulahing Beijing Olympics, si Mark Javier, usa ka Sillimanian, ang ni tugyan sa Pilipinas sa dula nga archery. Siya lamang ang usa ka lalaking participante sa maong klase sa dula.[18] Ang uban pang mga participante sa Olympics nga nagagikan sa Silliman mao si Jennifer Chan, nga bago lamang nga nakadaog ug gold medal sa 25th Southeast Asian Games, si Lisa Ygnalaga, ug ang long jumper nga si Simeon Toribio.[19][20][21]

Mga Dormitoryo

[usba | usba ang wikitext]
Ang Vernon Hall, usa sa mga dormitorio para sa mga lalaki sulod sa campus

Ang Sillima adunay ubay-ubay ka mga dormitorio nga makapapuyo ug sobra sa 800 ka mga estudiante. Ang maong mga dormitorio gi panganlan ug nagkalain laing mga ngalan sama sa mga bulak, mga kahoy, o importanteng mga tawo sa kaagi sa maong tulunghaan. Ang maong mga dormitorio gi grupo sa duha ka klase: regular ug cooperative. Aduna kini unom ka regular nga mga dormitorio ug pito ka mga cooperative nga dormitorio. Ang unang klase sa mga dormitorio mao ang mga regular nga dormitorio. Ang mga regular nga dormitorio para sa mga babayi mao ang Edith Carson, Ethel Chapman, Larena, ug Woodward Hall. Ang mga regular nga dormitorio sa mga lalaki mao ang New Men's Dorm, ug ang Doltz Hall. Ang pagkaon sa mga estudiante nga nakapuyo niining maong mga dormitorio ginaluto ug ginaandam pinaagi sa University Food Services. Ang paglimpyo ginabuhat sa usa ka janitor.

Ang ikaduhang klase mao ang mga cooperative nga mga dormitorio. Ang paglimpyo sa niining klase sa dormitorio ginabuhat sa mga estudiante nga nakapuyo niini. Ang pagluto ug pag-andam sa pagkaon, ginabuhat usab sa mga lumulupyo. Ang mga cooperative nga dormitorio para sa mga babayi mao ang Azucena, Rosal, Sampaguita ug Channon Hall. Ang sa mga lalaki mao ang Ipil, Molave, ug Narra Cottages.

Dugang sa maong mga dormitorio mao ang mga nagkalain-laing mga balay alang sa mga maestro, maestra ug mga bisita sa maong tulunghaan. Ang maong mga balay gitawag kini ug Cottages.[22]

Mga Reperensya

[usba | usba ang wikitext]
  1. ↑ "Dr. Ben Malayang III is new Silliman president". SU Net News. Retrieved 2009-10-16.
  2. ↑ "ORA Releases Final Enrollment Figures". SU Net News. Retrieved 2009-08-06.
  3. 1 2 "University History" Gi-arkibo 2009-01-30 at the Wayback Machine. Silliman University. Nakuha 2009-12-11.
  4. ↑ Dexter R. Matilla "Heritage Diary of Negros Oriental" Gi-arkibo 2018-03-12 at the Wayback Machine. Philippine Daily Inquirer. Nakuha 2009-12-19.
  5. ↑ "Schools and Colleges" Gi-arkibo 2009-06-09 at the Wayback Machine. Silliman University. Nakuha 2009-12-11.
  6. ↑ "UP is No.1 based on PRC exams" Gi-arkibo 2012-02-07 at the Wayback Machine. UP Newsletter, Vol. XXVIII, No. 09. September 01, 2007. Nakuha 2009-12-11.
  7. ↑ Angelo G. Garcia "152 nursing schools told: Improve or else…". Manila Bulletin. Nakuha 2009-12-19.
  8. ↑ "Top CPA Schools October 2009". Board Exam Results Philippines. Nakuha 2009-12-19.
  9. ↑ "Silliman 2nd in Mechanical Engineers Exam". Visayan Daily Star. Nakuha 2009-12-19
  10. ↑ "Top Mechanical Engineering Schools 2009". Board Exam Results Philippines. Nakuha 2009-12-19.
  11. ↑ "Silliman is Top 2 in Mechanical Engineer Board Exam" Gi-arkibo 2009-11-05 at the Wayback Machine. SU Net News. Nakuha 2009-12-19.
  12. ↑ "Institute of Environmental and Marine Sciences" Gi-arkibo 2010-08-22 at the Wayback Machine. Silliman University. Nakuha 2010-04-01.
  13. ↑ "USAID Mission Director: We are all connected" Gi-arkibo 2009-04-23 at the Wayback Machine. SU NetNews. Nakuha 2010-04-01.
  14. ↑ Ronnel Domingo. "2 RP sites make it to 'must dive' list" Gi-arkibo 2009-01-31 at the Wayback Machine. Philippine Daily Inquirer. Nakuha 2010-04-01.
  15. ↑ Gerry Marten."Apo Island, Philippines: Eco Tipping Point Case Study, EcoTippingPoint" Gi-arkibo 2011-07-16 at the Wayback Machine. Coral Reef Alliance. Nakuha 2010-04-01.
  16. ↑ Jade S. Violeta."Region 7 gets 8 more golds" Gi-arkibo 2005-09-08 at the Wayback Machine. Sun.Star Cebu. Nakuha 2010-04-01.
  17. ↑ "Dumaguete to host 13th Unigames" Gi-arkibo 2008-10-04 at the Wayback Machine. Foundation University Campus News. Nakuha 2010-04-01.
  18. ↑ June Navarro. "Javier sees himself hitting the mark at Beijing" Gi-arkibo 2008-10-04 at the Wayback Machine. Philippine Daily Inquirer. Nakuha 2010-04-01.
  19. ↑ "Archer Chan hits target in SEAG swan song". GMA News. Nakuha 2010-04-01.
  20. ↑ "University History" Gi-arkibo 2009-01-30 at the Wayback Machine. Silliman University. Nakuha 2010-04-01.
  21. ↑ Ramon J. Farolan. "War-Torn Afghanistan wins Olympic bronze" Gi-arkibo 2012-08-29 at the Wayback Machine. Philippine Daily Inquirer. Nakuha 2010-04-01.
  22. ↑ "Silliman University General Catalog 2003-2004". SU Office of Information and Publications.

Mga sumpay sa gawas

[usba | usba ang wikitext]
Gikuha gikan sa "https://ceb.wikipedia.org/w/index.php?title=Silliman_University&oldid=37009942"