Justin Smith Morrill
Justin Smith MORRIL (n. la 14-an de aprilo 1810 en Strafford, Vermonto - 28-a de decembro 1898 en Vaŝingtono) estis usona politikisto de la Respublikana Partio. Inter 1855 kaj 1867, li reprezentis la usonan subŝtaton Vermonto en la Usona Ĉambro de Reprezentantoj. De 1867 ĝis sia morto, li servis en la Usona Senato por Vermonto.
Kariero
[redakti | redakti fonton]En 1854, Morrill sukcese kandidatiĝis por sidloko en la Usona Ĉambro de Reprezentantoj kiel Ŭigo. Kunfondinto de la Respublikana Partio, li poste estis reelektita kvin fojojn. Dum sia tempo en la Ĉambro de Reprezentantoj, liaj roloj inkluzivis prezidanton de la Komitato pri Vojoj kaj Rimedoj. [1] De 1863 ĝis sia translokiĝo al la Senato, t.e. en la 38-a kaj 39-a Kongresoj, li estis la unua prezidanto de la Respublikana Konferenco de la Ĉambro de Reprezentantoj, la Respublikana partikunveno en la Ĉambro de Reprezentantoj. En 1866, Morrill sukcese kandidatiĝis por sidloko en la Usona Senato kaj estis reelektita kvin fojojn. En la Senato, liaj roloj inkluzivis prezidanton de la Komitato pri Publikaj Konstruaĵoj kaj Terenoj de la Usona Senato kaj tri fojojn de la Komitato pri Financoj de la Usona Senato. Dum siaj preskaŭ 44 jaroj en la Usona Kongreso, li partoprenis en pluraj gravaj leĝdonaj pecoj, inkluzive de la Morrill-Doganimposto kaj la Morrill-Kontraŭbigamia Leĝo.
Kongresano
[redakti | redakti fonton]Morrill estis eminenta membro de la Kongreso frue en la prezidanteco de Abraham Lincoln, monatojn antaŭ ol la Respublikanoj ekregis. Li verkis la Tariffan Leĝon de 1861, konatan kiel la Morrill-Tarifo. James Buchanan subskribis la leĝon du tagojn antaŭ ol li transdonis la potencon al Lincoln. Du pliaj protektaj tarifoj, verkitaj de Morrill, estis pasigitaj dum la prezidanteco de Lincoln. La altaj tarifoj estis parto de la konsiloj, kiujn Morrill ricevis de ekonomikisto Henry Charles Carey, kiu estis nomumita ekonomia konsilisto de Lincoln. [2] Kelkaj el la tarifpliigoj povas esti klarigitaj per la kontanta krizo, kiu sekvis la Usonan Enlandan Militon.[3]
En la somero de 1862, Lincoln subskribis du leĝojn verkitajn de Morrill. La Leĝo pri Bigamio rezultigis gravan kazon antaŭ la Supera Kortumo de Usono kelkajn jarojn poste, la unua tia en sia speco kiu traktis religian liberecon. Mormona gvidanto provis renversi sian kondamnon pro bigamio, sed la Supera Kortumo decidis la 5-an de majo 1879, ke estis konstitucie malpermesi bigamion. La Leĝo pri Bigamio de Morrill estis specife desegnita por puni la Mormonan Eklezion pro ĝiaj tiam ekzistantaj praktikoj. Kun la dua leĝo, Morrill volis provizi edukajn ŝancojn por ĉiuj, sendepende de socia klaso. Li specife pensis pri agrikultura edukado je la universitata nivelo.
Senatano
[redakti | redakti fonton]Morrill sukcedis Luke P. Poland kiel Senatano de Vermonto en 1867. Li estis reelektita ses fojojn al la Senato kaj servis 31 jarojn kiel senatano. La Leĝo pri Agrikulturaj Kolegioj de 1890 rezultigis la establadon de pliaj kolegioj helpe de federaciaj subvencioj. Ĉi tiu leĝo estas la plej elstara atingo de la tempo de Morrill kiel senatano kaj ekvalidis preskaŭ kvardek jarojn post liaj ĉefaj klopodoj kiel leĝdonanto en la Reprezentantĉambro. La nova leĝo estis aparte grava por nigrulaj usonanoj kaj celis igi aliron al edukado sendependa de la haŭtkoloro de persono. Morrill estis en sia sepa oficperiodo en la Senato kiam li mortis en ofico en decembro 1898.
La domo de Morrill en Strafford ( Morrill Homestead ) en kampara gotika stilo ( Carpenter Gothic ) estis inter la unuaj monumentoj en Vermonto kiuj ricevis la statuson de Nacia Historia Orientilo en 1960.
Literaturo
[redakti | redakti fonton]- Coy F. Cross, Justin Smith Morrill: Patro de la Terkoncesiaj Kolegioj (1999). Michigan State University Press. ISBN 9780870135088
Referencoj
[redakti | redakti fonton]- ↑ McCarthy, Daniel (May 5, 2008) Fewer Bases, More Baseball Arkivigite je 2011-04-30 per la retarkivo Wayback Machine, The American Conservative
- ↑ Alvin S. Felzenberg, The Leaders We Deserved (and a Few we Didn't)[rompita ligilo], 2010, page 190
- ↑ Bob Navarro, The Country in Conflict Arkivigite je 2023-10-10 per la retarkivo Wayback Machine, 2008, page 105
Vidu ankaŭ
[redakti | redakti fonton]Eksteraj ligiloj
[redakti | redakti fonton]- "An Audacious Act: How a High School Dropout Helped Educate America" produktita de WFCR New England Public Radio kaj ĵurnalisto Lisa Mullins
- NDSU shrine to Morrill
- Vermont Division for Historic Preservation Arkivigite je 2007-08-04 per la retarkivo Wayback Machine
- Friends of the Morrill Homestead
- Justin Morrill: Land For Learning Arkivigite je 2016-05-26 per la retarkivo Wayback Machine Dokumentario produktita de Vermont Public Television
- Justin S. Morrill papers at Baker Library Special Collections, Harvard Business School.
