Robert Enrico
| Robert Enrico | |
|---|---|
| Persona informo | |
| Naskonomo | Gino Robert Enrico |
| Naskiĝo | 13-an de aprilo 1931 en Liévin |
| Morto | 23-an de februaro 2001 (69-jaraĝa) en la 15-a arondismento de Parizo |
| Mortokialo | pulma kancero  |
| Tombo | Tombejo de Montparnasse |
| Lingvoj | franca |
| Ŝtataneco | Francio |
| Alma mater | Institut des hautes études cinématographiques (en)  La Fémis (mul) |
| Familio | |
| Edz(in)o | Lucienne Hamon (mul) |
| Okupo | |
| Okupo | aktoro reĝisoro filmreĝisoro scenaristo produktoro |
Robert Enrico, je plena nomo Robert Georgio Enrico, estis franca kinfilma reĝisoro kaj scenaristo. Li naskiĝis la 13-an de aprilo 1931 en Liévin, departemento Pas-de-Calais de la regiono Hauts-de-France, en la pleja nordo de Francio, kiel ido de italaj enmigrintoj, kaj mortis 69-jaraĝa, la 23-an de februaro 2001 en la 15-a arondismento de Parizo. Interalie li konatiĝis pro la reĝisorado kaj scenaro de la drama kaj milita franca-germana filmo Le Vieux Fusil ("la malnova pafilo"), germana titolo Abschied in der Nacht ("adiaŭo dumnokte"), kun ĉefaj aktoroj Philippe Noiret kaj Romy Schneider, inspirita de la masakro de Oradour-sur-Glane en 1944. Ĝi aperis en 1975 kaj estis rekompencita de pluraj César-oj, el kiuj la César por plej bona filmo la saman jaron, la César por plej bona aktoro al Philippe Noiret, kaj la "César de César-oj" en 1985.
