Eazy-E

Eazy-E
	; Irudi gehiago
Bizitza
Jaiotzako izen-deiturak	Eric Lynn Wright
Jaiotza	Compton, 1964ko irailaren 7a
Herrialdea	Ameriketako Estatu Batuak
Talde etnikoa	afro-estatubatuarra
Heriotza	Los Angeles, 1995eko martxoaren 26a (30 urte)
Hobiratze lekua	Rose Hills Memorial Park (en) ; Kalifornia
Heriotza modua	berezko heriotza: Hartutako Immuno Eskasiaren Sindromea; pneumonia
Familia
Seme-alabak	ikusi Lil Eazy-E;
Hezkuntza
Heziketa	Truro Learning Academy (en) ; Manuel Dominguez High School (en) ; Compton High School (en) ; William Howard Taft Charter High School (en)
Hizkuntzak	ingelesa
Jarduerak
Jarduerak	raperoa, disko-ekoizlea, ekintzailea, narkotrafikatzailea, zuzendari exekutiboa, music executive (en) , con artist (en) eta musikaria
Kidetza	N.W.A; Crips (en)
Izengoitia(k)	Eazy-E
Ezizena(k)	The Godfather Of Gangsta Rap eta Tha Hip Hop Thugsta
Genero artistikoa	West Coast hip-hop (en) ; Gangsta rapa; G-funk (en) ; hardcore hip-hop (en) ; political hip-hop (en) ; hip hop musika
Musika instrumentua	ahotsa
Diskoetxea	Ruthless Records; Priority Records; MCA Records; Relativity

Eric Lynn Wright (Compton, Kalifornia, 1964ko irailaren 7a - Los Angeles, Kalifornia, 1995eko martxoaren 26a), ezagunagoa Eazy-E izen artistikoaz, West Coast eta gangsta rap estiloak landu zituen estatubatuar raperoa izan zen. N.W.A gangsta rap musika taldeko kide zela egin zen ezaguna 1980ko hamarkadaren amaieran.

1987an, 22 urterekin, Ruthless Records diskoetxea sortu zuen. Urte berean Ice Cube, Dr. Dre eta Arabian Prince raperoekin N.W.A musika taldea sortu zuen. Ondoren, MC Ren eta DJ Yella raperoak taldean sartu ziren. N.W.A. and the Posse bildumarekin egin zuten debuta. 1989an estudioko lehen diskoa argitaratu zuten: Straight Outta Compton. 1991n bigarren estudioko diskoa argitaratu ondoren, Niggaz4Life, taldea desegin zen.

Taldekideen apurkako sakabanatzearekin batera, neurri batean diruaren inguruko liskarrengatik, Eazy-Ek Ice Cuberekin eta Dr. Drerekin lehia gogorrak izan zituen, azken bi hauek 1989an eta 1991n bakarkako ibilbidea hasi eta gero, hurrenez hurren.

1995ean Los Angeleseko Cedars-Sinai Zentro Medikora joan zen arnas arazoak zituelako. Bertan, medikuek hiesa diagnostikatu zioten. Ondoren, martxoaren 16an adierazpen publiko bat egin zuen bere gaixotasunaren berri emanez. Urte bereko martxoaren 20an, Ice Cuberekin adiskidetu zela eta N.W.A berriro batzeko arazoak konpondu zituztela adierazi zuen. Martxoaren 26an hil zen hiesarekin lotutako pneumoniak jota, 30 urte zituela. Whittierko Rose Hills Memorial Park hilerrian lurperatu zuten.

Diskografia

Bakarka

Estudioko diskoak

Eazy-Duz-It (1988)
Str8 off tha Streetz of Muthaphukkin Compton (1996)

Bildumak

Eternal E (1995)
Eternal E: Gangsta Memorial Edition (2005)
Featuring...Eazy-E (2007)

EPak

5150: Home 4 tha Sick (1992)
It's On (~~Dr. Dre~~) 187^um Killa (1993)
Impact of a Legend (2002)

N.W.A taldearekin

Estudioko diskoak

Straight Outta Compton (1989)
Niggaz4Life (1991)

EPak

100 Miles and Runnin' (1990)

Bildumak

N.W.A. and the Posse (1987)
Greatest Hits (1996)
Straight Outta Compton: N.W.A 10th Anniversary Tribute (1998)
The N.W.A Legacy, Vol. 1: 1988–1998 (1999)
The N.W.A Legacy, Vol. 2 (2002)
The Best of N.W.A: The Strength of Street Knowledge (2006)
Family Tree (2008)

Kanpo estekak

Datuak: Q36804
Multimedia: Eazy-E / Q36804