Haluzinogeno

Kimikan haluzinogeno esaten zaie pertzepzio-arazoak eta haluzinazioak sorrarazten dituzten konposatu kimikoei^[1] Beren eraginpean, jendeak irudiak ikusten ditu, gauzak entzuten ditu eta bijiliaren berezko sentsazioez oso bestelakoak sentitzen ditu. Haluzinogeno batzuek ere oszilazio emozional azkarrak eta biziak eragiten dituzte. Halaber, sarritan nahasmen mentala, memoria galtzea edo pertsonarengan desorientazioa, espazioa eta denbora galtzea eragiten dute^[2].

Haluzinogenoak psikodelikoak, disoziatiboak edo eldarnio-sortzaileak direla esan ohi da, nahiz eta haluzinogeno guztiak ez diren hiru klase horietan sartzen. Psikodelikoen artean LSD, meskalina eta DMT aipa daitezke; disoziatiboen artean ketamina eta oxido nitrosoa eta eldarnio-sortzaileen artean eskopolamina eta difenhidramina.

Erreferentziak

↑ Haluzinogeno. Zientzia eta teknologia hiztegi entziklopedikoa. Elhuyar fundazioa..
↑ Echeazarra Escudero, Leyre. (2013). «Plazeraren oinarri neurobiologikoak: sari-sistema zerebrala» https://zientzia.eus/artikuluak/plazeraren-oinarri-neurobiologikoak-sari-sistema-z/ (Elhuyar aldizkaria).

Kanpo estekak

Datuak: Q194270
Multimedia: Hallucinogens / Q194270

[1] Haluzinogeno. Zientzia eta teknologia hiztegi entziklopedikoa. Elhuyar fundazioa..

[2] Echeazarra Escudero, Leyre. (2013). «Plazeraren oinarri neurobiologikoak: sari-sistema zerebrala» https://zientzia.eus/artikuluak/plazeraren-oinarri-neurobiologikoak-sari-sistema-z/ (Elhuyar aldizkaria).

[1]

[2]