Kurete

Kureteek dantza egiten dute Zeus umearen inguruan. Jane Ellen Harrisonen marrazkia.

Aldare bateko erliebea, kureteak bere armak elkar jotzen ari dira zaratarekin Zeus aurraren negarrak estaltzeko. Bien artean, azpina, Amalthea ahuntzak Zeus aurrari ttia ematen dio. Ezkerrean, ziurtasunez, identifikatu ez den jainkosa bat dago eserita. K.a. II. mendea.

Kureteak greziar mitologian, batzuetan Koribante edo Daktiloekin nahasten diren jainkoak dira.

Eubean jaioak, Soko eta Konberen seme-alabak ziren. Euren aitak bota zituen, eta, euren amak lagunduta, Frigiara heldu ziren, Dioniso jainkoa hezteko. Beranduago, Atikan, Zekrope erregeak, euren aitaz mendekatzen lagundu zien, eta, hortaz, euren herrira itzuli ahal izan zuten.

Kronosek bere seme Zeus jan zuela uste izan zuenean (benetan, Reak emandako harri bat jan zuen), Kureteei, euren armekin zarata egiteko eskatu zien, dantza eginez eta musikarekin, aitak umearen negarra entzun ez zezan, Kronosek Zeus irentsi nahi zuen eta.

Herak aginduta, Epafo, Zeus eta Ioren semea bahitu zuten. Zeusek, haserre bizian, hil egin zituen.

Izen bereko beste pertsonaia batzuk

Kurete bezala, Pleuron (Etoliako hiri bat, Iliadan aipatzen dena) hiriko biztanleak ere ezagutzen dira. Iliadaren arabera Kalidongo basurdearen ehizan parte hartu zuten (Etolian kokatzen zen ehiza mitiko bat), eta, ondoren, Kalidon hiriko biztanleen aurka borroka egin zuten, basurdea hil ondoren, batzuek eta besteek basurdearen hondarrak nahi zituztelako. Kalidontarrek, Meleagro buruzagi zutela, garaitu zituzten Kureteak.

Kanpo estekak

• Calamante, Lorenzo (2023) “Curetes y coribantes en Geórgicas y Eneida de Virgilio” in: XI Jornadas de Estudios Clásicos y Medievales (Ensenada, 1º al 3 de noviembre de 2023) ISSN: 2250-6837

• Datuak: Q247617
• Multimedia: Curetes / Q247617