Mirafloresko kartusia

Mirafloresko kartusia
	Kultura ondasuna
	Frantses Bidea Burgosko probintzian
	Irudi gehiago
Kokapena
Estatu burujabe	Espainia
Autonomia	Gaztela eta Leon
Probintzia	Burgosko probintzia
Udalerria	Burgos
Koordenatuak	42°20′17″N 3°39′24″W / 42.3381°N 3.6567°W
Historia eta erabilera
Irekiera	1441
Erlijioa	katolizismoa
Elizbarrutia	Burgosko artxidiozesia
Arkitektura
Arkitektoa	Juan de Colonia (en)
Estiloa	Nazioarteko gotikoa
Ondarea
BIC	RI-51-0000238
	Webgune ofiziala

Mirafloresko kartusia (gaztelaniaz: La Cartuja de Miraflores) Espainiako Gaztela eta Leon autonomia erkidegoko Burgos hirian dagoen Kartusiar Ordeneko monasterioa da, erdigunetik 3 bat kilometrora dagoena muino baten gainean.

Ondasun nabarmenak

1454 eta 1484 artean eraiki zuten arte gotikoan, Elisabet I.a Gaztelakoak bultzaturik. Izan ere, erregina haren gurasoak tenplu honetan daude lurperaturik, Joan II.a Gaztelakoa eta Elisabet Portugalgoa hain zuzen ere, hilobi bikoitz batean. Hilobi horren parte izan zen harrizko tailla bat, Esnearen Ama Birjina, aparteko kapera batean gurtzen da 17. mendeaz geroztik.

Hilobi hori Gil de Siloék egin zuen, eta artista berarenak dira Kartusiako beste bi lan nabarmen, erretaula nagusia eta Alfontso infantearen hilobia.

Kartusian ikus daitezkeen margolan aipagarrien artean daude 14. mendeko Nekaldiaren triptiko bat (Santa Godelivaren elezaharraren maisuari egotzitako erretaula flandestarra), 15. mendeko Benetako Gurutzearen taulak (erretaula baten parte izan zitezkeen hauek ere). Toki honetan egon ziren, baina sakabanatu egin dira, beste lan hauek ere: Rogier van der Weydenen Mirafloresko triptikoa (Berlin), eta Joan Flandeskoaren Joan Bataiatzailearen erretaula (sakabanatuta bost piezatan).