Ronnie O'Sullivan
| Ronnie O'Sullivan | |
|---|---|
_2012-02-05_05_cropped.jpg) | |
| Bizitza | |
| Jaiotza | Wordsley, 1975eko abenduaren 5a (50 urte) |
| Herrialdea |  Erresuma Batua |
| Familia | |
| Familia | ikusi
|
| Hezkuntza | |
| Heziketa | Wanstead High School (en)  |
| Hizkuntzak | ingelesa |
| Jarduerak | |
| Jarduerak | pool player (en) , snooker player (en) eta kirolaria |
| Jasotako sariak | |
| Kidetza | Class of '92 |
| Ezizena(k) | The Rocket eta The Essex Exocet |
     | |
_rib.PNG){kind=small}
Ronald Antonio "Ronnie" O’Sullivan (Wordsley, Midlands, 1975eko abenduaren 5a) snooker jokalari ingeles profesionala da. Munduko Txapelketa zazpi aldiz irabazita (2001, 2004, 2008, 2012, 2013, 2020 eta 2022)[1], billar mota honetako aro modernoko jokalari onena izan da, Stephen Hendryrekin batera.
Biografia
[aldatu | aldatu iturburu kodea]O'Sullivan jokalari profesionala oso gazte bilakatu zen, 16 urte zituela, eta joko-estilo bizkorragatik da ezaguna. Oso goiz irabazi zuen "The Rocket" goitizena (suziria)[2]. Lehen ranking-titulua irabazi zuen, 1993ko Erresuma Batuko Txapelketa, 18 urte bete baino astebete lehenago, bera delarik inoizko jokalaririk gazteena ranking profesionaleko txapelketa bat irabazi duena. 2026 bitartean, Snooker Masters txapelketa inportantea aldi gehienetan irabazi duen jokalaria da halaber (8 aldiz). Mastersa, Erresuma Batukoa eta Mundukoa irabazirik, Koroa Hirukoitza esaten denaren garailetzat hartzen da.
2022an bere zazpigarren munduko snooker txapelketa irabazitakoan, bera da estatistikarik onenak dituen historiako jokalaria: 147 edo jokaldi perfektu gehien; ehuneko gehien, titulu gehien[2].
2026ko martxoan, ordura arteko puntu gehieneko frame-a egin zuen 153 punturekin. Free ball bati esker 15 bola gorrik eskaintzen dute 147ko puntu gehienezkoak gainditu daitezke, kolorezko bat probisionalki gorri bihurtuta, eta hortaz 16 gorri gehi kolorezkoekin 155ekoa da gehienezko teoriko handiena gorriak zazpi puntuko beltzekin konbinatuz: O'Sullivanek 14 beltz eta bi arrosa (sei puntukoak) konbinatu zituen Txinako Wolrd Openeko final-laurdenetakoa eta bere puntuaketa 153 izan ziren horrela.[3] 153 horren aurretik behin bakarrik gainditu zen 147koa, telebistarik gabe eta UK Championshipeko sailkatzekoetan, Jamie Burnettek 148 bar lortu zuen 2004an.[4]
Bizitza pertsonala
[aldatu | aldatu iturburu kodea]Bizitza pertsonal konplikatuko gizona ere bada. Londresko Soho auzoan hazi zen, non bere aitak (Ronnie senior) sex shop kate bat kontrolatzen zuen. Pub bateko liskar batean gizon bat hil zuen aitak Ronnie nerabe zelarik, eta 18 urteko kartzela zigorrera zigortu zuten jokalariak 16 urte zituenean[5].
Publikoak maitatua, baina baita sektore batzuek gaitzetsia, askotan zakar agertu izan delako jokatzean, errespetua galduta epaile edo kontrarioei[6][7]. Depresiorako joera ere erakutsi izan du, jokoa utziko zuelako ohar etengabeak egiten urteetan[8].
1990etan izandako harreman baten ondorioz, alaba bat izan zuen Taylor-Ann Magnus, zeinarekin apenas izan duen harremanik urteetan: Magnus ama izan zen 2018an, eta O'Sullivan beraz aitona, baina ez du biloba hori ezagutu, eta alabak adierazi izan du ez duela nahi ezagutzerik. Beste bi seme-alaba ditu O'Sullivanek, 21. mendean jaioak, Lily eta Ronnie. Hauen ama Jo Langley da, zeinarekin harreman luzea izan zuen Ronniek (Narcotics Anonymous elkartean hasia, desintoxikatzen ari zelarik)[1].
2022an bere munduko zazpigarren txapela lortu zuenean, aita Ronnie eta Lily eta Ronnie seme-alabak bere ondoan egon ziren[9].
Erreferentziak
[aldatu | aldatu iturburu kodea]- 1 2 Jewers, Chris. (2022-05-08). «Ronnie O'Sullivan's daughter vows to never let him meet granddaughter» Mail Online (kontsulta data: 2022-05-18).
- 1 2 (Ingelesez) «Ronnie O'Sullivan» Sky HISTORY TV channel (kontsulta data: 2022-05-18).
- ↑ (Ingelesez) Wilson, Jeremy. (2026-03-20). «Watch: Ronnie O’Sullivan makes history with 153 break» Yahoo Sports (kontsulta data: 2026-05-05).
- ↑ (Ingelesez) Sky Sports. (2026-03-20). «Ronnie O'Sullivan makes history with highest ever break after hitting 153 at World Open» Sky Sports (kontsulta data: 2026-05-05).
- ↑ (Gaztelaniaz) Güimil, Eva. (2021-01-04). «Ronnie O’Sullivan, el héroe del billar que pasó de crecer entre delincuentes a ser el mejor deportista británico de 2020» El País (kontsulta data: 2022-05-18).
- ↑ (Ingelesez) «Mark Selby slams 'disrespectful' Ronnie O'Sullivan after simmering semi-final» Eurosport 2020-08-14 (kontsulta data: 2022-05-18).
- ↑ (Ingelesez) «Ronnie O'Sullivan blasted by Mark Williams as 'disrespectful for slagging off tour' after battle at World Championships» The Sun 2020-08-13 (kontsulta data: 2022-05-18).
- ↑ (Ingelesez) Retter, Emily. (2022-05-03). «Snooker legend Ronnie O'Sullivan's inner demons and how he fights them» Irish Mirror (kontsulta data: 2022-05-18).
- ↑ (Ingelesez) Slater, Chris. (2022-05-03). «Ronnie O’Sullivan's dad missed first world title win while in prison for murder» Dailystar.co.uk (kontsulta data: 2022-05-18).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q190782
Multimedia: Ronnie O'Sullivan / Q190782
