Saperda populnea

Saperda populnea
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Leinua	Saperdini
Generoa	Saperda
Espeziea	Saperda populnea; Linnaeus, 1758

Saperda populnea Cerambycidae familiako kakalardoa da. Iparraldeko hemisferioan oso hedaturik dago, Iberiar penintsulatik hasi eta Txina eta Korearaino, eta Afrika iparralden ere bai^[1]. Euskal Herrian ere aurkitzen da^[2].

Taxonomia

Zientziarako Lineok 1758an deskribatu zuen Cerambyx populneus izenarekin.^[3]

Deskribapena

Kakalardo txikia da, 9-15 mm artean neurtzen du. Kolore iluna du eta orbain horixkak ditu elitroetan. Burua eta pronotoa beltzak dira eta alboetan lerro horixkak ditu. Gorputz guztia ile finak estaltzen du.^[3]

Antenak luzeak dira, gorputzaren luzera bestekoak, eta eraztun itxuran kolore beltza eta zuria txandakatzen dituztenak.^[3]

Habitata

Baso hostozabaletan aurkitzen da, makalei lotuta, bereziki lertxunari (Populus tremula), espeziearen populnea izenak adierazten duen bezala.

Makalaren izurria kontsideratzen da genero bereko Saperda carcharias espeziearekin batera^[3]. Kakalardo honek zurtoinaren oinarrian galeriak egiten dituenean haizeak erraz hausti dezake.^[4]

Bizi zikloa

Helduak apirila eta abuztua artean ikusten dira. Emeak enborrean perra itxurako zuloa egiten du eta bertan jartzen ditu arrautzak^[5]. Zauria ixteko landareak kuskuilu bat sortzen du eta beldarrak horko ehun beriaz elikatzen dira. Bigarren udaren amaieran beldarrak enborrean barneratzen dira eta pupa ganbera eratzen dute. Pupa egoeran hibernatu egiten du^[3] eta hurrengo udaberrian ateratzen dira helduak enborrean egindako irekiune batetatik.^[4]

Iruditegia

Erreferentziak

↑ (Gaztelaniaz) «Saperda populnea (Linnaeus, 1758)» www.gbif.org (kontsulta data: 2025-03-03).
↑ «EHAEko Coleoptera Catalogoa|Heteropterus» www.heteropterus.org (kontsulta data: 2023-09-09).
1 2 3 4 5 «Saperda populnea populnea» www.cerambyx.uochb.cz (kontsulta data: 2025-03-03).
1 2 (Gaztelaniaz) «Saperda populnea - Medio Natural - Generalitat Valenciana» Medio Natural (kontsulta data: 2025-03-03).
↑ Harde, K W; Severa, F. (2000). A Field Guide In Colour To Beetles. Enderby: Silverdale Books, 268–9 or. ISBN 1-85605-448-9..

Kanpo estekak

Datuak: Q572525
Multimedia: Saperda populnea / Q572525
Espezieak: Saperda populnea

[1] (Gaztelaniaz) «Saperda populnea (Linnaeus, 1758)» www.gbif.org (kontsulta data: 2025-03-03).

[2] «EHAEko Coleoptera Catalogoa|Heteropterus» www.heteropterus.org (kontsulta data: 2023-09-09).

[:0-3] 1 2 3 4 5 «Saperda populnea populnea» www.cerambyx.uochb.cz (kontsulta data: 2025-03-03).

[:1-4] 1 2 (Gaztelaniaz) «Saperda populnea - Medio Natural - Generalitat Valenciana» Medio Natural (kontsulta data: 2025-03-03).

[5] Harde, K W; Severa, F. (2000). A Field Guide In Colour To Beetles. Enderby: Silverdale Books, 268–9 or. ISBN 1-85605-448-9..

[1]

[2]

[3]

[4]

[5]