Trojan Records

Trojan Records
Sortze urtea	1968
Sortzailea(k)	Lee Gopthal
Egoera	aktibo
Generoa(k)	ska - rocksteady - reggae dub - dancehall - soul
Jatorrizko herrialdea	Erresuma Batua
Kokapena	Londres
Webgune ofiziala	http://www.trojanrecords.com

Trojan Records 1968an sortutako diskoetxe britainiarra da, bereziki ska, skinhead reggaea, reggaea eta dub musikan diharduena. Sanctuary Records taldearen barruan dago. Trojan izena Jamaikan Duke Reiden musika-ekipoa garraiatzeko erabilitako kamioitik dator: alboetan ikur bat zeraman, Duke Reid - The Trojan King of Sounds zioena, eta Reidek kamioi horretan jartzen zuen musika Trojan Sound izenaz ezagutzera iritsi zen. 1974an Planet Music International Jamaikako diskoetxe multinazionalarekin lotu zen.

Historia

Trojan Records Lee Gopthalek 1968an sortu zuen. Aurretik Gopthalek Musicland izeneko musika denda eraman zuen eta postaz egiten diren salmentetan Island Recordseko Chris Blackwellekin kolaboratu zuen. 1970ean izen handiko musikarien lanak argitaratu zituen: Lee Perry, Bob & Marcia, The Cimarons, Desmond Dekker, Bruce Ruffin, Nicky Thomas eta Dave and Ansell Collins. Trojanen zeregin nagusia ez zen artista berriak zabaltzea, Island Records zigiluarekin kolaboratzea baizik. Arrakasta ekonomikoa Jamaikako musikarekin heldu zitzaion, bereziki musika bilduma batzuekin: Tighten Up, Club Reggae eta Reggae Chartbusters. Musika hori Erresuma Batuko gazteen artean ongi zabaldu zen, zenbait azpikulturatan bereziki (mod, skinhead eta suedeheaden artean).

1972an Island Recordsek bertan behera utzi zuen Trojan Recordsekin zuen akordioa. Garai berean, gazte ingelesek Jamaikako musikarekiko zuten interesa jaitsi eta beste genero batzuez interesatzen hasi ziren, bereziki rastafari letrak eta tempo motelagoak zituztenak. 1974tik 1975era bitartean, Saga enpresak LP merkeak saltzen zituen zigiluak Trojan erosi zuen. 1980ko hamarkadaren amaieran, Trojan ska, rocksteady eta reggae ekoizpenak gogorarazten ateratzen eta biltzen hasi zen. 2001ean, Sanctuary Records taldeak Trojan Records erosi zuen eta 2007ko ekainean, Universal Musicek, Sanctuary Records.

Azpizigiluak

• Amalgamated
• Attack
• Big
• Big Shot
• Blue Cat
• Bread
• Clandisc
• Down Town
• Duke
• Dynamic
• Explosion
• Gayfeet
• GG
• Green Door
• Harry J
• High Note
• Horse
• Hot Rod
• Jackpot
• Joe
• Kangrejoz
• Moodisc
• Pressure Beat
• Randy's
• Smash
• Song Bird
• Summit
• Techniques
• Treasure Isle

Kanpo estekak

• Webgune ofiziala.
• Trojan Records Acid Jazz Hispano webgunean.

• Datuak: Q126543