Umbriar
Umbriar[1] (latinez: Umbri edo Ombrii) Italiako penintsulan, egungo Umbria baino pixka bat handiagoa zen eskualde batean, bizi zen erromatarren aurreko herri italikoa izan zen.
Erromatarrek lehendabizikoz K.a. 310 inguruan hasi ziren umbriarrekin harremanetan eta K.a. 260an jada konkistaturik zeuden.[2]
Tradizioaren arabera, italiar herrien artean zaharrena zen. Etruskoen eragin handia izan zuen haren kultura materialak, eta harekin muga egiten zuten mendebaldean. Erritu- eta erlijio-eremuan, lurraldean sakabanatuta dauden santutegietan eskainitako boto-irudiak nabarmentzen dira, samniten antzera. Umbriarren hizkuntza, indoeuropar dialektoa zen eta oskoen hizkuntzarekin lotua zegoen. Erdialdeko Italian erabili zen etruskoen bidez greziar alfabetotik eratorritako idazkera bat erabili zuten. "Tabulae Iguvinae" izenekoak, K.a. II. mendean datatuak, testigantza garrantzitsuena da haien hizkuntza eta erlijio errituak ezagutzeko.[3]
Erreferentziak
[aldatu | aldatu iturburu kodea]- ↑ Euskaltzaindia. (2015-1-30). 174. araua: Antzinateko herriak. Ekialdeko eta Europako herriak. , 9 or..
- ↑ Bradley, Guy. (2000). Ancient Umbria. State, culture, and identity in central Italy from the Iron Age to the Augustan era. Oxford: Oxford University Press.
- ↑ «Tesauros - Diccionarios del patrimonio cultural de España - Umbros» tesauros.cultura.gob.es (kontsulta data: 2026-08-31).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q389236
  |
Artikulu hau Italiako historiari buruzko zirriborroa da. Wikipedia lagun dezakezu edukia osatuz. |
