Vera Wang
| Vera Wang | |
|---|---|
 | |
| Bizitza | |
| Jaiotza | New York, 1949ko ekainaren 27a (77 urte) |
| Herrialdea |  Ameriketako Estatu Batuak |
| Lehen hizkuntza | mandarin txinera |
| Familia | |
| Aita | Wang Cheng Ching Chang |
| Ama | Florence Wu |
| Ezkontidea(k) | Arthur Becker (en)  (1989 - 2012) |
| Hezkuntza | |
| Heziketa | Friends Seminary (en) Sorbonne Parisko Unibertsitatea Chapin School (en) 1967) Sarah Lawrence College |
| Hizkuntzak | mandarin txinera ingelesa frantsesa |
| Jarduerak | |
| Jarduerak | diseinatzailea, izotz gaineko patinatzaile artistikoa, moda-diseinatzailea eta enpresaburua |
| Lan nabarmenak | ikusi
|
| Jasotako sariak | ikusi
|
| verawang.com | |
        | |
Vera Ellen Wang (New York, AEB, 1949ko ekainaren 27a) izotz gaineko patinatzaile artistikoa, moda diseinatzailea eta enpresaburua da. Emaztegai-soinekoen bildumarekin lortu zuen mundu mailako ospea.[1][2] [3]
Bizitza
[aldatu | aldatu iturburu kodea]Vera Wang txinatar jatorriko familia aberats batek hezi zuen. Manhattaneko Chapin nesken eskola pribatura joan zen eta gero Frantziako Sorbonara.[4][5] Sarah Lawrence College Arte Ederren Fakultatean Artearen Historiako lizentziatura jaso zuen. Amak sarritan eramaten zuen Parisko moda-desfileetara. Bere aita kimika enpresa baten jabe egin zen.
1968an, Vera patinaje artistikoko txapelketetan lehiatu zen Estatu Batuetan, eta Sports Illustrated aldizkariaren urte hartako edizioko "Aurpegiak Jendetzan" sailean ere agertu zen. Estatu Batuetako talde olinpikoan sartzea lortu ez zuenean, moda industrian hasi zen.
Moda ibilbidea
[aldatu | aldatu iturburu kodea]Wang Vogue moda aldizkariko editorea izan zen 16 urtez. 1985ean, erredaktore-burua izateko baztertua izan ostean, Vogue utzi zuen. Vera Ralph Lauren markarekin elkartu zen diseinu-zuzendari bi urtez. 1990ean, New Yorkeko Carlyle Hotelean bere diseinu-tailerra jarri zuen. Vera Wangek patinatzaile artistikoentzako jantziak diseinatu ditu, Nancy Kerrigan eta Michelle Kwan barne. Ospe handiko aktoreen andregaientzako ezkontza-jantziak ere diseinatu zituen: Mariah Carey, Jennifer López, Jessica Simpson, Avril Lavigne, Victoria Beckham, Jennifer Garner, Sharon Stone, Uma Thurman, Sophia Bush, Chelsea Victoria Clinton, Hilary Duff, Holly Hunter, Khloé Kardashian eta Kim Kardashian ahizpak, Ariana Grande, besteak beste. Buffy banpiro-harrapatzaileak telebistarako diseinatu zuen jantzi bat agertu zen "The Prom" atalean. Sarah Michelle Gellar, Buffy antzezten zuen aktoreak, Freddie Prinze Jr. aktorearekin ezkontzeko erabili zuen bere emaztegai-soinekoetako bat.
Verak, gainera, Philadelphia Eagles futbol talde amerikarreko cheerleading-ek erabilitako bi piezako uniformeak diseinatu zituen.
Wangek lurrinen, bitxien, betaurrekoen, zapaten eta sukaldeko tresnen industriara zabaldu zuen bere marka. Vera Wang on Weddings liburua ere idatzi zuen, eta 2001eko urrian merkaturatu zen. 2002. urtean, Vera Wang etxeko modaren merkatuan sartzen hasi zen. 2005eko ekainean, CDFAk (Council of the Fashion Designers of America) Urteko Emakumezkoen Jantzien Diseinatzaile izendatu zuen. 2006ko maiatzaren 27an, Savannah-ko Arte eta Diseinu Elkargoaren André Leon Talley Lifetime Achievement Award saria eman zioten Verari. 2006ko abuztuaren 24an, Kohl's departamentu dendak Wangek diseinatutako arropa, osagarriak, oinetakoak eta lihoak salduko zituela iragarri zuen.
Vera Project Runway telerreralitate showaren hirugarren denboraldian agertu zen epaimahaiko lanetan, 2007an. Urte horretan bertan, Hewlett-Packard markaren publizitate-kanpaina batean ere parte hartu zuen, Bono abeslariarekin, Jay-Z raperoarekin, Petra Němcová supermodeloarekin, Serena Williams tenislariarekin eta Paulo Coelho idazle brasildarrarekin batera, besteak beste. Ariana Grande abeslariaren soinekoa diseinatu zuen 2018ko Met galarako, eta Harper's bazaar diskoetxeak sari horretako jantzi onenen zerrendan bigarren saria eman zion.
Markak dituen boutique urriak New Yorken, Bostonen, Beverly Hillsen eta Waikikin daude.
Argitalpenak
[aldatu | aldatu iturburu kodea]- Vera Wang on Weddings liburua (2001)
Bizitza pribatua
[aldatu | aldatu iturburu kodea]Wangek, Arthur Becker senar ohiarekin batera (2012an banandu zen), bi alaba adoptatu zituen, Cecilia (1990ean jaiotakoa) eta Josephine (1993), The Chapin Schoolen ikasi zuten. Navisite izeneko zerbitzu teknologikoen enpresa bateko gerentea da Arthur. Biek atseden hartzeko etxe bat zuten Pound Ridgen, New Yorken, Veraren neba Pound Ridgek golf kluba duen hirian.
Sariak eta aintzatespenak
[aldatu | aldatu iturburu kodea]- 2006an Savannah-ko Arte eta Diseinu Elkargoaren André Leon Talley Lifetime Achievement Award saria jaso zuen.
- 2013an CFDA Lifetime Achievement Award saria jaso zuen.
- 2018ko Met galan, eta Harper's bazaar diskoetxeak sari horretako jantzi onenen zerrendan bigarren saria jaso zuen.
- 2021ean BBCk 100 emakume nabarmenen zerrendan sartu zuen.
Erreferentziak
[aldatu | aldatu iturburu kodea]- ↑ (Ingelesez) FOUR32C.COM. «Vera Wang Company Information» Vera Wang (kontsulta data: 2025-03-03).
- ↑ (Gaztelaniaz) «Vestidos de Novia: Modernos e icónicos | Vera Wang Bride» www.verawangbride.com (kontsulta data: 2025-03-03).
- ↑ (Gaztelaniaz) FOUR32C.COM. «Vera Wang | Homepage -» Vera Wang (kontsulta data: 2025-03-03).
- ↑ Farah-Novias.com, Vera Wang artxibatua 2007 ko azaroaren 13an Wayback Machinen.
- ↑ Indelibles.com, Vera Wang artxibatua 2016 ko martxoaren 4an Wayback Machinen.
Kanpo estekak
[aldatu | aldatu iturburu kodea]- Vera Wang Internet Movie Databaseren webgunean (Ingelesez)
- Vera Wangen webgune ofiziala
