Cusine furlane
La cusine furlane e je une espression autentiche de storie e de identitât dal popul furlan. Nassude dal savê dai contadins e de necessitât di valorizâ i prodots de tiere, e à savût traviers i secui fondi insiemit tradizions diviersis: chei de mont, chei de planure e chei dal mâr, cun un voli simpri rivuart a chês influencis mitteleuropeis che a àn segnât la nestre regjon.
Origjins e materie prime
[cambie | modifiche il codiç]La base de cusine furlane e je fate di prodots gjenuîns e di stagjon: le blave (farine di polente), animâi come il purcit, lis verduris dal ort e i prodots dal lât. La materie prime e je la protagoniste assolute: dai formai di mont al persut di San Denêl, da lis verduris de planure ai pês di Grau e Maran. E je une cusine che "no bute vie nuie", dulà che ogni prodot al ven trasformât cun creativitât e rispiet.
I piats tipics
[cambie | modifiche il codiç]
Tra i piats che a rapresentin miôr la nestre taule, si cjatin:
- Broade e muset: un dai plats pui cognossûs: la rave acidule cul muset di purcít.
- Polente: la vere regjine, preparade in tantis varietâts e compagnade di ogni mangjâ.
- Cjarsons: une spezialitât de Cjargne, raviolons cun ripien dolç e salât.
- Lidric cun lis fricis: plat di jentrade de tradizion contadine furlane.
- Frico: Il "tortin" di formai e cartufulis, simbul de gastronomie furlane.
- Gubane: Dolç origjinari des Valadis dal Nadison e di Cividât , il dolç tipic des fiestis, ric di nôlis, uvis e aromis.
La situazion atuâl
[cambie | modifiche il codiç]Vuê, la cusine furlane e vîf une grande fase di riscuvierte e inovazion. Se di une bande si mantignin vivis lis ricetis de tradizion, di chê altre, cogos e coghis di grant nivel a proponin reintretazions modernis che a dâ valor ai prodots dal teritori, garantint che la culture gastronomiche furlane e sedi cognossude e aprezade in dut il mont, cence pierdi la sô anime contadine.
