Iron Man

Iron Man (a la letare Omp di Fier), alias Anthony Edward "Tony" Stark, al è un personaç dai fumuts merecans creât di Stan Lee e Larry Lieber (tescj), e Don Heck e Jack Kirby (disens) tal 1963 e publicât de Marvel Comics. La sô prime aparizion e je in Tales of Suspense (vol. 1) n. 39 dal Març dal 1963).

Tai media Tony Stark al è un gjeniâl inventôr miliardari, playboy e filantrop, proprietari des Stark Industries. Te storie des sôs origjins, al ven rapît in Vietnam (o Afghanistan daspò di une retcon) dulà che al ven ferît de detonazion di une mine e, invezit che costruî armis di distruzion di masse tant che i vevin ordenât i siei impresonadôrs, al passe la sô presonie a creâ une armadure par salvâsi la vide e combinâ di tornâ in patrie. Cun il gnûf armamentari, al diventarà un supereroi cjapant il non Iron Man e fondant la clape dai Avengers.