Pape Francesc

Francesc

Nazionalitât	argjentine
Date de nassite	17 di Dicembar 1936
Lûc de nassite	Buenos Aires
Date de muart	21 di Avrîl 2025
Lûc de muart	Citât dal Vatican
Ativitât	Pape , Vescul di Buenos Aires

Steme di Pape Francesc

Pape Francesc, nassût Jorge Mario Bergoglio (Buenos Aires, 17 di Dicembar 1936 - Citât dal Vatican, 21 di Avrîl 2025) al è stât il 266 Pape de Glesie Catoliche, dai 13 di Març 2013 - sucessôr di Pape Benedet XVI - ai 21 di Avrîl 2025.

Vite

Jorge Mario Bergoglio al è nassût a Buenos Aires in une famee di 5 fîs. I siei gjenitôrs a jerin imigrâts talians: so pari al lavorave su la ferade (ferovier) e al jere origjinari de zone di Turin, intant che la mari e jere di origjin gjenovêse.

In principi al studie par deventâ chimic, otignint un diplome tecnic, ma plui indenant, tal 1958, al decidè di intraprindi i studis di teologjie e al si unì al Ordin des Gjesuits. Al fo ordenât predi tal 1969 e, pôc plui tart, al deventà provinciâl (cjâf) gjesuit par l'Argjentine. Al studià ancje par un pôc di timp in Gjermanie tal 1986.

Tal 1992 al fo nominât vescul ausiliari di Buenos Aires. Jenfri il 1997 e il 2013 al fo arcivescul de stesse citât e, tal 2001, il Pape Zuan Pauli II lu creà cardinâl. Dal 2005 al 2011 al è stât ancje president de Confirence Episcopâl Argjentine, deventant une des figuris plui autorevolis de Glesie inte Americhe Latine.

Daspò la rinunzie di Benedet XVI, al è stât elezût pape tal conclâf dal 13 di Març dal 2013, sielzint par la prime volte inte storie de Glesie il non di Francesc, par meti in evidence il so impegn par une "Glesie puare e par i puars".

Al mûr te Citât dal Vatican il 21 avrîl 2025

Leams esternis

• Francesco (it). vatican.va. Retrieved on 20 di Mai, 2022.

Successions

Predecessôr: Pape Benedet XVI

Pape de Glesie Catoliche 2013 – 2025

Sucessôr: Pape Leon XIV