Richard Feynman

Richard Feynman tal 1959

Richard Phillips Feynman (New York, 11 di Mai dal 1918 – Los Angeles, 15 di Fevrâr dal 1988) al è stât un fisic teoric merecan. Al è considerât un dai fisics plui influents dal secul XX, innomenât pal so lavôr te formulazion integrâl sui percors de mecaniche cuantistiche, te eletrodinamiche cuantistiche (QED), te fisiche de superfluiditât dal eli e te fisiche des particulis. In tal 1965 al à vût il Premi Nobel pe Fisiche adun cun Julian Schwinger e Sin-Itiro Tomonaga.

Firme di Richard Feynman

Biografie

Feynman al è nassût a New York te zone di Queens, di une famee di origjin ebree. Fin di piçul al à mostrât une grande curiositât e abilitât pe inzegnerie e la matematiche. Al à studiât prime al Massachusetts Institute of Technology (MIT) di Boston e po si è dotorât ae Universitât di Princeton in tal 1942.

Feynman e Oppenheimer at Los Alamos

Durant la seconde vuere mondiâl, al à partecipât al Progjet Manhattan a Los Alamos dante il so contribût ae costruzion de prime bombe atomiche. Finide la vuere, al à insegnât prime in te Universitât Cornell e, plui indevant, al California Institute of Technology (Caltech) in Californie, dulà ch'al à passât il rest de sô cariere.

Richard Feynman tal 1988 cuant che al insegnave te Universitât Cornell

Feynman al jere ancje un divulgadôr sientific straordenari, innomenât pes sôs lezions univiersitariis deventadis un classic de leterature sientifiche (lis "Feynman Lectures on Physics"). In tal 1986 al à fat part de Comission Rogers par investigâ sul disastri dal Space Shuttle Challenger. Al è muart in tal 1988 a Los Angeles a cause di un cancar.

Oparis

(Lis oparis a son indicadis cul titul de edizion origjinâl)

• The Feynman Lectures on Physics, Reading, Addison-Wesley, 1964.
• Surely You're Joking, Mr. Feynman!, New York, W. W. Norton & Company, 1985.
• QED: The Strange Theory of Light and Matter, Princeton, Princeton University Press, 1985.
• What Do You Care What Other People Think?, New York, W. W. Norton & Company, 1988.

Bibliografie

• James Gleick, Genius: The Life and Science of Richard Feynman, New York, Pantheon Books, 1992.
• Lawrence Krauss, Quantum Man: Richard Feynman's Life in Science, New York, W. W. Norton & Company, 2011.

Leams esternis

• Biografie uficiâl di Richard Feynman sul sît dal Premi Nobel
• Sît uficiâl (in inglês)