O INTA-300 foi un foguete sonda español de dúas etapas desenvolvido polo Instituto Nacional de Técnica Aeroespacial a partir de 1968, tras a experiencia co INTA-255. As súas dúas etapas derivaban do deseño do foguete británico Fulmar, a principal do Heron, e a superior do Snipe. Foi construído para levar 50 kg de carga útil até a 250 km de altura. A primeira etapa tiña un tempo de combustión de 3 segundos, mentres que a segunda ardía durante 16 segundos, xerando un pulo de 16,3 kN.
O desenvolvemento tivo lugar con lentitude, lanzándose o primeiro INTA-300 o 18 de febreiro de 1981 desde O Arenosillo, momento no que se cortaron os fondos para o proxecto. Tiveron que pasar dez anos para que volvese haber fondos para o mesmo. Do proxecto orixinal quedaban tres motores, realizándose o aceso dun deles para verificar o estado dos mesmos. Os dous restantes montáronse en senllos foguetes modificados, capaces de levar maiores cargas. Estes foguetes modificados denomináronse INTA-300B e ambos foron lanzados exitosamente, o primeiro durante o 21 de outubro de 1993 e o segundo o 16 de abril de 1994.[1]