Mariano Tito Vázquez
  | |
| Biografía | |
|---|---|
| Nacemento | 19 de xaneiro de 1870 Hellín |
| Morte | 13 de decembro de 1952 (82 anos) Santiago de Compostela |
| Actividade | |
| Ocupación | pintor |
| Profesores | Ignacio Pinazo Camarlench |
| Alumnos | Roberto González del Blanco e Juan Luis |
  | |
Mariano Tito Vázquez Sánchez, nado en Hellín (provincia de Albacete) o 19 de xaneiro de 1870 e finado en Santiago de Compostela o 13 de decembro de 1952, foi un militar e pintor galego.
Traxectoria
[editar | editar a fonte] |
 | |
Copias destes dous cadros conservados no Prado, feitas por Mariano Tito Vázquez, poden apreciarse na Igrexa dos Remedios do Castro de Caldelas. | ||
Comezou pintando en Murcia, como alumno da Escola de Artes e Oficios. Cursou a carreira superior de Belas Artes na Escola de San Carlos de Valencia, onde foi alumno de Ignacio Pinazo, e logo rematou os estudos en Madrid, como copista no Museo do Prado. En 1899 vai para Santiago como militar. Alí, establecido na rúa do Vilar, combina a pintura coa súa vocación pola literatura e as artes escénicas: chegou a ser codirector do grupo teatral da universidade, o que o levará a emprender unha duradeira relación de amizade con intelectuais como Xoán Xesús González ou Armando Cotarelo Valledor.
Na Igrexa dos Remedios do Castro de Caldelas hai dúas copias de gran formato feitas por el, en 1917, de dúas obras de Bartolomé Esteban Murillo: Aparición da Virxe a San Bernardo e Imposición da casula a San Ildefonso.
Exerce como profesor de debuxo e pintura na Real Sociedade Económica de Amigos do País de Santiago desde 1919. De 1927 a 1936 será profesor auxiliar na Escola de Artes e Oficios compostelá e profesor de debuxo no Instituto Xelmírez. Participou en distintas iniciativas artísticas de Galiza, como a súa intervención na Exposición de Arte Rexional de 1926. Dedicouse dun xeito especial á pintura costumista e ao retrato. Foi un grande debuxante e un pintor realista, cun certo toque romántico.[1]
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- García Iglesias, José Manuel (2012). Da fantasía á realidade: Pintura en Galicia de 1833 a 1936. Novacaixagalicia. ISBN 978-84-96982-58-1.
- López Vázquez, José Manuel (1997). Tito Vázquez. Artistas gallegos. Pintores. El regionalismo. I. Vigo, Nova Galicia Edicións.
- Pablos, Francisco (1981). Plástica Gallega (en castelán). Caja de Ahorros Municipal de Vigo. pp. 322–323. ISBN 84-7231-603-3.
