Monzón

Este artigo trata sobre o fenómeno meteorolóxico. Para a cidade aragonesa véxase: Monzón, Huesca.

Monzón
Subclase de vento  Causa de 2014 Badulla landslide (en)  Estudado por meteoroloxía de monzóns
Fontes e ligazóns Freebase /m/0ftfc OpenAlex C136996986  Descrito pola fonte Enciclopedia soviética armenia, volume 8  Páxina(s): 90 Encyclopædia Britannica  Tema: 1911 Encyclopædia Britannica/Monsoon (en) The New Student's Reference Work  Tema: The New Student's Reference Work/Monsoon (en) Dicionario Enciclopédico Granat  Tema: Q120769251 Grande Enciclopedia Soviética (1926 - 1947)  Tema: Q113554568 Dicionario Enciclopédico Brockhaus e Efron  Tema: Q24479794 Pequeno dicionario enciclopédico de Brockhaus e Efron  Tema: Q24790013 The Nuttall Encyclopædia Novo Dicionario Enciclopédico, 1911-1916  Tema: Q83999718
Wikidata C:Commons

Un monzón é un vento periódico, especialmente no océano Índico e no sur de Asia. A palabra úsase para denominar a estación na que o vento sopra do suroeste na India e territorios adxacentes que se caracteriza con grandes chuvias, especialmente chuvias que están asociadas con este vento. O monzón do suroeste que arranca da costa de Kerala, na India, comeza xeralmente na primeira quincena de xuño. O monzón do nordeste en Tamil Nadu comeza habitualmente en outubro.

Historia

A palabra "monzón" parece vir orixinado da palabra árabe "موسم" (mosem), que quere dicir estación. A máis frecuentemente utilizada para nomear as mudanzas de dirección do vento ó longo das costas da India, especialmente no mar Arábigo, que sopra desde o suroeste a metade do ano e desde o nordeste durante a outra metade.

Procesos

Os monzóns son provocados polo feito de que a terra quece e arrefece máis rápido cá auga. Polo tanto, en verán, a terra alcanza unha temperatura maior có océano. Isto fai que o ar sobre a terra comece a subir, provocando unha área de baixa presión. Como o vento sopra desde áreas de alta presión cara a áreas de baixa presión, un vento extremadamente constante sopra desde o océano. A chuvia é producida polo ar húmido elevándose nas montañas e arrefecéndose posteriormente.

En inverno, como a terra arrefece máis rapidamente, o océano está a unha temperatura maior. O ar elévase, causando unha área de baixa presión no océano. O vento sopra novamente cara ó océano. Como a diferenza de temperaturas é menor que durante o verán, o vento non é tan constante.

Sistemas monzónicos

Monzón na cidade de Vindhya na India central

A medida que se puido comprender mellor os monzóns, a súa definición ampliouse para incluír case tódolos fenómenos asociados co ciclo meteorolóxico anual nos continentes tropicais e subtropicais de Asia, Australia e África xunto cos seus mares e océanos adxacentes. Nestas rexións é que ocorren as mudanzas climáticas máis dramáticas na Terra.

Nun sentido máis amplo, no pasado xeolóxico, sistemas monzónicos acompañaron sempre a formación de supercontinentes como Panxea, cos seus climas continentais extremos.