Northrop Grumman Corporation é unha compañía estadounidense adicada á industria aeroespacial e a defensa formada no ano 1994 despois de que Northrop mercase Grumman. A compañía foi o cuarto maior contratista do mundo no ano 2010, e o principal construtor de barcos militares. Northrop Grumman emprega a máis de 70.000 persoas en todo o mundo e foi o número 108 na lista do 2020 Fortune 500 das maiores corporacións estadounidenses.[1] A súa sede atópase en Falls Church, Virginia.
Northrop Grumman e os seus socios gañaron o Collier Trophy oito veces, a máis recente polo desenvolvemento do X-47B, o primeiro sistema aéreo non tripulado e autónomo operado dende un portaavións.[2] En 2004 a súa filial Scaled Composites gañou o trofeo polo SpaceShipOne, o primeiro vehículo espacial construído e voado con financiamento privado.[2]
No presente Northrop Grumman lidera o desenvolvemento do B-21 Raider, un bombardeiro estratéxico furtivo de longo alcance que pode lanzar armas convencionais e nucleares; substituirá ao Northrop B-2 Spirit, o único bombardeiro furtivo coñecido do mundo. Entre os seus outros proxectos actuais esá o desenvolvemento e produción do telescopio espacial James Webb, un observatorio orbital cuxo lanzamento está programado para 2021; e a fabricación dos foguetes lanzadeiro do programa Space Launch System da NASA. Foi ademais a ínica compañía que presentou unha oferta para o programa da USAFGround Based Strategic Deterrent, que ten como obxectivo desenvolver e fabricar un novo mísil balistico intercontinental.
