Os Tubulinea son un dos grandes grupos de Amoebozoa, aos que se lle dá categoría de clase nalgunhas clasificacións, e que inclúen algunhas das amebas de maior tamaño e mellor coñecidas, como as dos xéneros
Amoeba, Arcella, e Difflugia.
Durante a súa locomoción a maioría dos Tubulinea teñen unha forma aproximadamente cilíndrica ou forman numerosos pseudópodos cilíndricos. Cada cilindro avanza por medio dunha soa corrente de citoplasma, de aparencia granular, e non teñen subpseudópodos. Isto distíngueos doutros grupos ameboides, aínda que nalgúns membros este non é o tipo normal de locomoción.
Esta clase foi anticipada por algúns biólogos como Jahn, que agruparon nun mesmo taxon todas as amebas con pseudópodos granulares,[1] pero a maioría dividen as amebas lobosas en testadas (Testacealobosia) e espidas (Gymnamoebia). Estas posteriormente foron consideradas polifiléticas, pero as árbores moleculares de Bolivar et al.[2] identificaron un subgrupo central monofilético. Posteriores estudos mostraron que as amebas lobosas testadas pertencían ao mesmo grupo, que foi renomeado como Loboseasensu stricto[3] ou Tubulinea.[4]
↑
Cavalier-Smith, T., Chao, E-Y, Oates, B. (2004). "Molecular phylogeny of the Amoebozoa and evolutionary significance of the unikont Phalansterium". European Journal of Protistology40: 21–48. doi:10.1016/j.ejop.2003.10.001.
↑
Smirnov, A.V., Nassonova, E.S., Berney, C., Fahrni, J., Bolivar, I. & Pawlowski, J. (2005). "Molecular phylogeny and classification of the lobose amoebae". Protist156 (2): 129–142. PMID16171181. doi:10.1016/j.protis.2005.06.002.
.svg?lang=gl)
