Azowske morjo
| Azowske morjo | ||
|---|---|---|
Satelitowy wobraz Azowskeho morja | ||
| Hłubokosć | 15 m | |
| Přestrjeń | 39 000 km² | |
| Nadrjadowane morjo | Čorne morjo, Atlantiski ocean | |
| Kontinent | Europa | |
| Staty |  Ukraina  Ruska | |
| Přitoki | Don | |
Azowske morjo (ukrainsce Азовське море/Azowske more, rusce Азовское море/Azowskoje more, krimskotatarsce Azaq deñizi) je małe morjo w juhowuchodnym dźělu Europy. Mjezuje na zapadźe z Ukrainu a na wuchodźe z Ruskej federaciju. Słuša k morjam Atlantiskeho oceana a płaći jako dźěl wjetšeho Čorneho morja, wot kotrehož je na juhozapadźe wotdźělene přez połkupu Krim a na juhu zwjazane přez Kerčsku wužinu njedaloko Kerča.
Azowske morjo ma přestrjeń nimale 40 tysac kwadratnych kilometrow a maksimalnu hłubokosć jenož 15 metrow. Jeho najwjetši přitok je Don. Azowske morjo ma jara nisku sólnosć.
Wuznamne přistawy su Mariupol a Berdjansk w Ukrainje a Taganrog a Jejsk w Ruskej federaciji.
Wotkaz
[wobdźěłać | žórłowy tekst wobdźěłać]
46.136.5
