Sauna
Sauna (fin.: sauna) — finska banja-kupaljnja s gorečym suhym vozduhom. Mala specialna kamora-komnata, ktora prednaznačena za teplove procedury s pomočju suhogo vozduha — za velikoj temperatury i para delaje se silno potenje.
Sauny mogut topiti se "načrno" ili "nabelo". V novyh domah za topjenje obyčajno stavet električne nagrevatelje.
Obče
[praviti | praviti izvorny kod]Od početka sauna je byl dom, v ktorom byla jedna kamora, ktora grela se do silnogo žara. Ogonj v ognišču grel kamenja, ktore hranili teplo.
Dymovu saunu (topjenje načrno), ktora ne imala trubu, topili sut takovoju metodoju da by dym izhodil s pomočju prosvetov v konstrukcije. V sauně ljudi poteli, sideči na policah i izlivali vodu na kamenja. Posle potenja ljudi myli se.
Tradicionno kamora sauny upotrebjala se ne jedino za mytje. Veliky žar ubival zle mikroby i virusy; od togo sauna je byla najčistoju kamoroju. Od togo v sauně takože lečili hvoryh ljudij i rodžali detij.
