Aradius Rufinus
Quintus Aradius Rufinus (nescimus quo anno natus quo mortuus sit) fuit senator Romanus saeculorum tertii et quarti.
Cursus honorum
[recensere | fontem recensere]Aradius, cuius familia ex Africa Romam venerat, anno 304 primo praefectus urbi Romae fuit. Deinde anno 311 consul in regionibus Italiae et Africae fuit, qui sub dicione Maxentii usurpatoris fuerunt. 9 Februarii 312 iterum praefectus urbi factus 27 Octobris eiusdem anni pridie pugnae ad Pontem Milvium dimissus est. Hoc proelio Maxentius victus et necatus est. Aradius 29 Novembris 312 ab victore Constantino I imperatore iterum praefectus urbi nominatus est et honorem ad diem 8 Decembris 313 tenuit[1]. Lucius Aurelius Avianius Symmachus in quadam epistula ad filium suum epigramma Aradii officia in diversos imperatores laudans composuit[2], cui hic fuit textus:
- Princeps ingenio, fortunae munere princeps
- Aetatis, Rufine, tuae, cui prospera quaeque
- Admiranda tuis aequabat gloria rebus.
- Unus amor cunctis, et praesidium trepidorum,
- Principibus, quorum viguisti tempore, doctus
- Aut calcaria ferre bonis, aut frena tyrannis.[3]
Notae
[recensere | fontem recensere]- ↑ Der Neue Pauly (Stuttgardiae 1999), 1, col. 951 ex Chronographo anni 354.
- ↑ Lucius Aurelius Avianius Symmachus, Ep. 1; 2; 3.
- ↑ Textus a JP Callu in Collection des Universités de France editus. Bonus princeps Constantinum designat, tyrannus est Maxentius.
Plura legere si cupis
[recensere | fontem recensere]- Michel Christol, "A propos des Aradii: Le stemma d'une famille senatoriale au IIIe siècle ap. J.-C.", Zeitschrift für Papyrologie und Epigraphik, 1978: 145-150
- A.H.M. Jones; J. R. Martindale; J. Morris. The Prosopography of the Later Roman Empire, Cambridge, 1971, t.I: p.775
| Antecessores: *Romae: Imp. Caesar Marcus Aurelius Valerius Maxentius Augustus III
|
Consul 311 cum Gaio Ceionio Rufio Volusiano |
Successores: *Imp. Caesar Flavius Valerius Constantinus Augustus II et Imp. Caesar Valerius Licinianus Licinius Augustus II |
