Chantier

E Chantier, e Schantjen oder eng Baustell ass eng Plaz op där Bau-, Renovatiouns- oder Ofrappaarbechten ausgefouert ginn. Do schaffe meeschtens Fachleit aus dem Bausecteur, wéi zum Beispill Bauaarbechter, Elektriker an Installateuren, an et komme Maschinnen an Handwierksgeschier zum Asaz.

Typesch Charakteristike vun engem Schantje sinn:

Ofspärungen a Warnschëlter, fir datt d'Leit wëssen, datt de Beräich geféierlech ka sinn.
Baumaschinnen, zum Beispill Baggeren, Kranen, Bëtonnièren, Leederen, Steeën etc.
Baumaterial, wéi zum Beispill Zillen, Holz, Bëtong oder Stol.

D'Baustell ass allgemeng net fir de Public zougänglech an et gëlle Sécherheetsvirschrëften, wéi d'Droe vun engem Kask. Wann de Schantjen op der ëffentlecher Strooss ass, muss e konform zum Code de la route ofgeséchert a gezeechent sinn.

Um Spaweck

Commons: Chantier – Biller, Videoen oder Audiodateien