Lake Vanda
| Lake Vanda | |||
| innsjø | |||
 Landsat 7-bilete | |||
| Land |  Antarktis | ||
|---|---|---|---|
| Tilsig | Onyx River | ||
| Utløp | ingen | ||
| Stad | Wright Valley i Victoria Land | ||
| - koordinatar | 77°31′47″S 161°34′32″E / 77.52963°S 161.57553°E | ||
| Lengd | 8 km | ||
| Areal | 5,2 km² | ||
| Volum | 160 000 000 m³ | ||
| Type | Hypersaltsjø | ||
| Administrert under | Antarktistraktaten | ||
 Lake Vanda 77°31′47″S 161°34′32″E / 77.529630555556°S 161.57553055556°E | |||
  Lake Vanda (Antarktis)
| |||
| Wikimedia Commons: Lake Vanda | |||
Lake Vanda er ein innsjø i Wright Valley i Victoria Land i Ross Dependency i Antarktis. Innsjøen er 8 km lang og har ei djupne ned mot 75 m.[1] Den newzealandske Vanda-stasjonen låg ved breidda av innsjøen frå 1968 til 1995. Lake Vanda er ein hypersalt innsjø og er meir enn ti gonger saltare enn sjøvatn,[2] som er saltare enn Daudehavet og kanskje enno saltare enn Assalsjøen, som er den saltaste innsjøen i verda utanfor Antarktis. Lake Vanda er òg meromiktisk, som tyder at det djupare vatnet i innsjøen ikkje blandar seg med det grunnare vatnet.[3] Det er tre distinkte vasslag som varierer i temperatur frå 23 ºC ved botnen til 7 ºC i det midtre laget og 4-6 ºC i det øvre laget.[4] Han er ein av mange saltsjøar i dei isfrie dalane i Dei transantarktiske fjella. Den største elva i Antarktis, Onyx River, flyt vestover og ut i Lake Vanda. Det ligg ein vêrstasjon ved munningen av elva.
Innsjøen er dekt av eit gjennomsiktig isdekke som er 3,5-4 meter tjukt året rundt, men smelting seint i desember dannar ein ei vollgrav ut til kring 50 meter frå breidda. Isoverflata er ikkje dekt med snø og består av djupe sprekker og smeltelinjer.[4] I dei kaldare månadane frys denne vollgrava til is att.
Det finst ikkje fisk i Lake Vanda eller Onyx River, men det finst mikroskopisk liv som cyanobakterie-algar. Ein har ikkje undersøkt dei djupare vasslaga i innsjøen, berre dei øvre vasslaga, fordi ein ikkje vil forstyrre det naturlege miljøet ved å køyre fjernstyrte undervassfartøy ned i djupet.[4]
Vanda-stasjonen
[endre | endre wikiteksten]- For meir om dette emnet, sjå Vanda-stasjonen.
Vanda-stasjonen var kjend for The Royal Lake Vanda Swim Club.[5] Vitjande ved Vanda-stasjonen kunne kaste seg ut i det særs slate vatnet då iskappa smelta på sommaren og fekk eit symjemerke.
Vanda-stasjonen vart lagt ned og fjerna i 1995 då vassnivået auka, og vart erstatta av ei hytte, der det periodisk bur 2-8 forskarar.[6]
Kjelder
[endre | endre wikiteksten]- Denne artikkelen bygger på «Lake Vanda» frå Wikipedia på engelsk, den 22. februar 2014.
- Wikipedia på engelsk oppgav desse kjeldene:
- ↑ Mathez, Edmond A. (2005). «Cold Fire». Natural History. July–August.
- ↑ Priscu, J. C.; Priscu, L. R.; Vincent, Warwick F.; Howard-Williams, Clive (1981). «Photosynthate distribution by microplankton in permanently ice covered Antartic desert lakes,» (PDF). Limnol. Oceanogr. 32 (1): 260–270. doi:10.4319/lo.1987.32.1,0260. Henta 2014-02-22.
{{cite journal}}: CS1 maint: deprecated archival service (link) CS1 maint: unflagged free DOI (link) - ↑ Gibson, John E. (1999). «The meromictic lakes and stratified marine basins av Vestfold Hills, East Antarctica». Antarctic Science. 11 (2): 175–192. doi:10.1017/S0954102099000243.
- 1 2 3 Mercer, Steve (2000). Hallock; French (red.). «Antarktis lake diving with the semi-closed rebreather». Diving for Science...2000. Proceedings of 20th Annual Scientific Diving Symposium. American Academy of Underwater Sciences. Arkivert frå originalen 2012-09-02. Henta 22. februar 2014.
{{cite journal}}: Invalid|url-status=yes(hjelp) - ↑ Parfit, Michael (1988). South light: a journey to Antarktis. London: Bloomsbury. s. 206–210. ISBN 0-7475-0134-3.
- ↑ «Stream team field manual». Arkivert frå originalen 2010-06-12. Henta 22. februar 2014.
{{cite web}}: Invalid|url-status=yes(hjelp)
