Batalha de Teruel
La batalha de Teruel es un important afrontament de la Guèrra d'Espanha. Iniciada lo 15 de decembre de 1937 per lei fòrças republicanas dins de condicions ivernencas extrèmas, prenguèt premier la forma d'una ofensiva dirigida còntra lo salhent de Teruel. Lei republicans enceuclèron la vila e capitèron de l'ocupar après de combats urbans fòrça violents. Lei fòrças nacionalistas reagiguèron rapidament e mandèron de renfòrç dins la region per i arrestar la progression republicana. En genier de 1938, foguèron capables d'organizar una còntra-ataca per tornar conquistar la vila. En despiech d'una resisténcia acarnada de part deis unitats republicanas, poguèron aprofichar sa superioritat materiala per reprendre la vila lo 22 de febrier.
La batalha s'acabèt per un resultat tactic nul marcat per de pèrdas equilibradas (60 000 òmes per lei republicans, 57 000 per lei nacionalistas). Pasmens, au nivèu estrategic, aqueu combat afebliguèt mai leis armadas republicanas qu'aguèron de dificultats pus importantas per remplaçar leis equipaments perduts. De mai, permetèt ai nacionalistas de renforçar lei posicions que li permetèron quauquei mes pus tard d'agantar la mar Mediterranèa e de copar lei fòrças republicanas.
Liames intèrnes
[modificar | modificar lo còdi]Bibliografia
[modificar | modificar lo còdi]- (fr) Guy Hermet, La guerre d'Espagne, París, Seuil, 1989, 346 p.
