Kadushi
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.| Kadushi | ||
|---|---|---|
 | ||
| Klasifikashon taksonomiko | ||
| famia | ||
| Cactaceae Juss, 1789 | ||
 | ||
Distribushon | ||
Imágen riba  Wikimedia Commons | ||
Kadushi riba  Wikispecies | ||
| WoRMS | ||
| [Editá Wikidata] · [Manual] |
Kadushi òf káktùs ta un mata ku ta pertenesé na famia di Cactaceae, un famia di órden Caryophyllales.[1]
Famia di kadushi por wòrdu konfundí ku otro famia di mata ku ta aparesé na otro partinan di mundu, manera espesienan ku ta pertenesé na género Euphorbia di famia Euphorbiaceae. Kadushi ta nativo pa Mundu Nobo, miéntras e sukulento Euphorbia ta okurí solamente i nativo pa Mundu Bieu, partikularmente Afrika. E flornan di Cactaceae i Euphorbiaceae ta diferensiá mashá. Esnan di kadushi ta grandi, solitario, kolorido, i biseksual. Flor di Euphorbiaceae tin tendensia di ta chikitu, okurí den troshi, i mayoria be uniseksual.[2.1]
Taksonomia
[editá | editá fuente]Antoine Laurent de Jussieu a establesé famia Cactaceae komo grupo distinto taksonomiko.[3]
Klasifikashon
[editá | editá fuente]E famia di kadushi ta kontené 157 género aseptá.[1] Mammillaria ta un di e géneronan mas grandi ku 144 espesie aseptá.[4]
Morfologia
[editá | editá fuente]Kadushi ta ekshibí diferensia den sais, for di esun mas chikitu Blossfeldia liliputana ku un diameter di mas o ménos 9 mm, pa un kandelaber gigante di género Pachycereus, manera P. militaris i P. weberi ku ta alkansá normalmente altura di 10 m, pero un muestra di 19,2 m di P. pringlei, nativo na desierto Sonoran (nortwèst Mexico), deskubrí na aprel 1995, i tin rapòrt di ehèmpelnan ku ta eksihí 20 m.[5]
Forma
[editá | editá fuente]Kadushi ta sho un diversidat den kustumber di kresementu, kual ta difisil pa dividí den katagorianan kla i simpel. E katagorianan ta lo siguiente:[2.1]
- káktùs di palu ta usualmente nifiká ku e tin un solo tronkon distinto i mas di un rama, kual ta laga nan mustra manera un kandelbar, manera Pachycereus weberi. Tin biaha un kadushi por ta masha grandi pero sin rama, manera cephalocereus column-trajani.
- káktùs arbusto ta mas di un stam ta surgi for di òf serka di nivel di suela, manera Stenocereus thurberi. E tipo di kadushi aki ta usualmente mas chikitu ku káktùs di palu.
- káktùs di pilá
- káktùs di bola
Stam
[editá | editá fuente]
Kadushi ta mata sukulento ku ta permití e stam di akumulá un gran kantidat di awa den su tehido. E superfisie di stam di kadushi por ta suave manera den algun espesie di Opuntia, inkluí O. martiniana, pero kadushi ta mayoria be kubrí ku tuberkel. E struktura aki ta basenan di blachi engrandesé, areglá rònt di e stam den spiral kreskròs. Tuberkel por tuma un variedat di forma.[2.1]
E stam ku repchi por ekspandé i kontraé manera un akordeon dependiente di e kantidat di awa den e mata. Notablemente, te ku 90% di e peso di kadushi por ta awa.[2.1]
Areol
[editá | editá fuente]Kadushi ta e ùniko mata ku ta poseé areol, un kònòpi lateral ku ta produsí spiña i flor.[2.1]
Blachi
[editá | editá fuente]Mayoria kadushi su blachinan tipiko bèrde plat disponé di fotosíntesis ta redusí òf ousente, den e modo aki ta redusí evaporashon transpirá.[6] Di otro parti, supfamia Pereskioidea ta karakterisá ku presisamente e blachinan iplat aki, manera den Pereskia sacharosa. Supfamia Opuntioideae tambe tin algun miembro ku blachi karnoso bèrde i permanente, por ehèmpel Pereskiopsis rotundifolia. Género Cylindropuntia (p.e., C. versicolor) i Opuntia ta mas di un den supfamia Opuntioideae ku ta produsí blachinan efímero, bèrde, silíndriko durante temperoda di kresementu.[2.1]
Fuente, nota i/òf referensia
|
