Dr. House - Medical Division
Dr. House - Medical Division a l'é na serie televisiva merican-a produvà dal 2004 al 2012 da Fox, pensà da David Shore e Paul Attanasio.
La serie a l'é centrà dzor Gregory House, un médich pa conform ma dotà 'd fiamenghe qualità për rivé a la diàgnosi, agiutà da n'echip ëd specialista. House a l'é un përsonagi scontros, inrispetos dle règole e che soens a gena le përson-e dantorn. A l'é 'dcò baròss, për n'antërvent a la cheussa passà, ch'a l'obliga a pijé na dròga për pasié 'l mal e che a podrìa esse la càusa 'd sò andi con j'àutri.
.jpg)
Ël programa a l'é 'd géner médich e dramàtich, ch'as concentra soens sle emossion dij përsonagi, lor relassion e lor pensé. Ij cas médich pijà da House a son tavòta complicà e scasi impossìbij, ma chiel a riva tavòta a la solussion. La serie a l'é ispirà a Sherlock Holmes e House a l'é la metàfora médica dl'investigador.
Ël dotor a l'ha mach n'amis, ël dotor dij tumor James Wilson, che durant la dëriera stagion, visadì cola ch'a fa eut, a vniss malavi 'd tumor e House a spende ij lor dërié di ansem, con la tëmma 'd resté sol ant ël mond e parej a finiss la serie.
Dr. House a l'é stàit tra ij 10 programa pi seguità da j'american e 'l pi seguità dël mond dël 2008, con bin 177 episòdi totaj.
