Haakon VIII
| Haakon VIII | |
|---|---|
_25_(cropped).jpg) Haakon Magnus ive 2019 | |
| Taažâ kunâgâs | |
| Väldipaje | porgemáánu 28. peeivi 2026 – [1] |
| Oovdeb | Harald V |
| Šoddâm |
Haakon Magnus syeinimáánu 20. peeivi 1973 Oslo, Taažâ[2] |
| Pelikyeimi | Mette-Marit (n. 2001) |
| Párnááh |
Märtha Louise (2004–) Sverre Magnus (2005–) |
| Suuhâ | Glücksburg |
| Eeči | Harald V (1937–2026) |
| Enni | Sonja (1937–) |
| Oskoldâh | Taažâ kirkko |
Haakon VIII (Haakon Magnus, š. syeinimáánu 20. peeivi 1973, Oslo, Taažâ) lii Taažâ kunâgâs ive 2026 rääjist. Sun lii Taažâ kunâgâs Harald V (1937–2026) já Sonja (1937–) nuorâmus pärni já áinoo alge. Sust šoodâi jiečânâs Taažâ kunâgâs porgemáánu 28. peeivi 2026, ko kunâgâs Harald V jaamij.[1]
Eellim
[mute | mute käldee].jpg)
Kooveest čižetpeln: Sonja, Ruotâ kunâgâs Carl Gustav, prinses Märtha Louise, kunâgâs Olav V, ruvnâprinssâ Harald, prinssâ Haakon Magnus já prinses Astrid, rovvá Ferner
Pärni- já nuorâvuotâ
[mute | mute käldee]Taažâ prinssâ Haakon Magnus šoodâi syeinimáánu 20. peeivi 1973 Rikshospitalet-pyecceiviäsust, Oslost, Taažâst.[3] Suu eeči lâi Taažâ kunâgâs Harald V já suu enni lii Sonja. Haakon lii sunnuu nubbe páárnáš. Haakonist lii stuorrâuábbi, Prinses Märtha Louise, kii šoodâi čohčâmáánu 22. peeivi 1971.[4]
Kuulmâ peeivi keččin paijeelmiärálâš staatârääđičuákkimist kunâgâs Olav V almottij haldâttâsân párnáá šoddâmist já ete párnáá nommâ lii Haakon Magnus, mut ete páárnáš kočoduuččij táválávt tuše Haakonin.[5]
Haakon rávásmij Skaugumist, Agderist.
Kaastâtilálâšvuotâ
[mute | mute käldee]Kaastâtilálâšvuotâ tollui táásá 2 máánu keččin tast ko priinsâ šoodâi ađai čohčâmáánu 20. peeivi.[6] Suu kaastij Oslo pispe Kaare Støylen kunâgâslâš lane kappelist.[6] Haakonist láá kuttâ faddâr: suu äijih Taažâ kunâgâs Olav V, suu siäsá prinses Astrid, rovvá Ferner, suu eeji iänui Ruotâ prinssâ Carl Bernadotte, Ruotâ kunâgâs Carl XVI Gustav, Tanska roonnig Margrethe II já Ovtâstum kunâgâskode prinses Anne.[7]
Kaastâtilálâšvuođâ ohtâvuođâst koolgâi leđe meiddei juhlepurâdem 200 kuásán, mut tuše muádi peeivi kaastâjuuhlij ovdil jaamij Ruotâ kunâgâs Gustaf VI Adolf, já te meridui orniđ oovtâkiärdánis peivipurâdem tuše perruujesânáid.[6]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Haakon VIII.
Käldeeh
[mute | mute käldee]- 1 2 Helljesen, Vilde: Kong Harald er død NRK. 28.8.2026. Čujottum 28.8.2026. (kirjetárukielân)
- ↑ Majestehta Gonagas Taažâ kunâgâsviäsu. 31.12.2022. Čujottum 22.2.2024. (orjâlâškielân)
- ↑ Gonagaslaš Allavuohta Ruvdnaprinsa Taažâ kunâgâsviäsu. Arkkâdistum Čujottum 15.12.2022. (orjâlâškielân)
- ↑ Prinseassa Märtha Louise Taažâ kunâgâsviäsu. Arkkâdistum Čujottum 15.12.2022. (orjâlâškielân)
- ↑ Kong Olav bekjentgjorde i dag: Haakon Magnus skal den nye prinsen hete. Akershus Arbeiderblad, 23.7.1973, 60. ihekerdi, nr 137, s. 1. Artikkâl nettiversio Čujottum 28.8.2026. (kirjetárukielân)
- 1 2 3 Prinse-dåp i dag. Gjengangeren, 20.9.1973, 122. ihekerdi, nr 217, s. 1, 10. Artikkâl nettiversio Čujottum 28.8.2026. (kirjetárukielân)
- ↑ Undahl, Oscar Alexander: Dette er Norges nye kongepar Smaalenenes Avis. 26.8.2026. Čujottum 26.8.2026. (kirjetárukielân)
