Ang "Sugar Sweet" (lit.na'Asukal Matamis') ay isang kanta ng Amerikanang mang-aawit at manunulat ng kanta na si Mariah Carey. Ito ang ikalawang single mula sa kanyang nalalapit na ikalabing-anim na album sa estudyo, Here for It All (2025), na tampok sina Shenseea, isang Hamaykanang mang-aawit, at Kehlani, isang Amerikanong mang-aawit. Inilabas ito noong Hulyo 25, 2025, sa pamamagitan ng Gamma.
Noong Hulyo 19, 2025, pinasilip ni Carey ang kanyang bagong single na "Sugar Sweet" sa pamamagitan ng isang bidyo na ipinost sa kanyang social media. Sa klip, makikita si Carey na naghahalo ng batido sa isang mesa sa kusina habang inaawit ang mga liriko ng hindi pa inilalabas na awitin. Ang bidyo, na idinisenyong maging magaan at nakakatuwang patikim para sa mga tagahanga, ay nagpapahiwatig ng matamis at mapaglarong konsepto ng kanta.[1]
Ang "Sugar Sweet" ay isang awiting may impluwensiyang dancehall na tampok ang mga mabilis na tambol, mga maalinsangang sintetisador, at mga melodikong taludtod na inaawit ng tatlong bokalista.[2]
