deus

Walon (Rifondou)

Etimolodjeye

Tayon-bodje latén « dŭos » ‎(« duos »), lu-minme do bodje induropeyin * « dwóh₁ ».

Prononçaedje

• AFE :
  • diferins prononçaedjes :
    • /døː/  ^{aschoûtez lu}
    • /døːs/ (come chife, alofôme råle, sortot dvins l' ratourneure deus/troes) (minme prononçaedje cåzu pattavå)
  • prononçaedje zero-cnoxheu :
    • /døː/
    • (come prezintoe divant voyale) /døːz/

Nombe

deus

1. chife inte onk et troes, mostré på sene "2" dins l’ sistinme des chifes arabes.
2. nombe come ostant k’ i gn a d’ ponts inte les åtchetes ki shuvèt (••).
   • Deus et deus, ça fwait cwate.

Ratourneures

1. awè deus
2. c’ est deus
3. deus troes : deus ou troes.
   • Les araedjîs, avou leu påye,
     K’ i loumèt d’ Fexhe et ki l’ diåle åye,
     Cisse påye ki, dispoy deus troes ans,
     Fwait setchi les ptits et les grands,
     Cisse påye ki dji lome on tchinisse,
     Di tchagrin m’ a fwait vni l’ djaenisse ! — Marian de Saint-Antoine, Paskeie di J’han Sapire, poirteu â seigge, 1795, tecse lijhåve e Feller vocial et schoutåve vola (fråze rifondowe).
   • Dji vneu vey - e payant savoz - si gn åreut nén moyén d' awè - si waire ki ç' fouxhe - ene pitite miete di farene, wai, ene groumiote, di cwè fé deus troes gnognots cougnous. — Paul Moureau, Contes d' aprandjire, 1932, Les cougnous dèl boune cinsrèsse, lijhåve e Feller vaici (fråze rifondowe).
   • A foice del kibrôdyî et l' kitourner, li pôve biesse leya goter sol tåve deus troes låmes, dji n' dirè nén d' cwè. — Jean Lejeune di Djoupeye, Avå trîhes èt bwès, p. 89 (fråze rifondowe).
   • Elle alént sbate li bouwêye å bî, et pu li spåmer et rispåmer deus troes côps. — Arthur Schmitz (fråze rifondowe).

Parintaedje

• deujhinme, deujhinmmint
• deujhinne

Mots vijhéns

• dobe, dobler, dobleure, radobler, ridobler
• doze, dozinne
• djermale, edjermeler; djama
• cope, copler, copleu, acopler, acopleure, discopler
• pwaire, apwairyî, dispwairyî
• sigondaire

Cardinås e walon

0	zero	10	dijh	20	vint	30	trinte	40	cwarante	50	céncwante	60	swessante	70	septante	80	ûtante cwatru-vint	90	nonante
1	onk	11	onze	21	vint-ey-onk	31	trinte-ey-onk	41	cwarante-ey-onk	51	céncwante-ey-onk	61	swessante-ey-onk	71	septante-ey-onk	81	ûtante-ey-onk cwatru-vint-ey-onk	91	nonante-ey-onk
2	deus	12	doze	22	vint-deus	32	trinte-deus	42	cwarante-deus	52	céncwante-deus	62	swessante-deus	72	septante-deus	82	ûtante-deus cwatru-vint-deus	92	nonante-deus
3	troes	13	traze	23	vint-troes	33	trinte-troes	43	cwarante-troes	53	céncwante-troes	63	swessante-troes	73	septante-troes	83	ûtante-troes cwatru-vint-troes	93	nonante-troes
4	cwate	14	catoize	24	vint-cwate	34	trinte-cwate	44	cwarante-cwate	54	céncwante-cwate	64	swessante-cwate	74	septante-cwate	84	ûtante-cwate cwatru-vint-cwate	94	nonante-cwate
5	cénk	15	cwénze	25	vint-cénk	35	trinte-cénk	45	cwarante-cénk	55	céncwante-cénk	65	swessante-cénk	75	septante-cénk	85	ûtante-cénk cwatru-vint-cénk	95	nonante-cénk
6	shijh	16	saze	26	vint-shijh	36	trinte-shijh	46	cwarante-shijh	56	céncwante-shijh	66	swessante-shijh	76	septante-shijh	86	ûtante-shijh cwatru-vint-shijh	96	nonante-shijh
7	set	17	di-set	27	vint-set	37	trinte-set	47	cwarante-set	57	céncwante-set	67	swessante-set	77	septante-set	87	ûtante-set cwatru-vint-set	97	nonante-set
8	ût	18	dijh-ût	28	vint-ût	38	trinte-ût	48	cwarante-ût	58	céncwante-ût	68	swessante-ût	78	septante-ût	88	ûtante-ût cwatru-vint-ût	98	nonante-ût
9	nouv	19	dijh-nouv	29	vint-nouv	39	trinte-nouv	49	cwarante-nouv	59	céncwante-nouv	69	swessante-nouv	79	septante-nouv	89	ûtante-nouv cwatru-vint-nouv	99	nonante-nouv

100	cint	1 000	meye
200	deux-cints	2 000	deus-meye
300	troes-cints	3 000	troes-meye
400	cwate-cints	4 000	cwate-meye
500	cénk-cints	5 000	cénk-meye
600	shijh-cints	6 000	shijh-meye
700	set-cints	7 000	set-meye
800	ût-cints	8 000	ût-meye
900	nouv-cints	9 000	nouv-meye

1 000 000	miyon
1 000 000 000	miyård
1 000 000 000 000	biyon

Mots d’ aplacaedje

• vint-deus, trinte-deus

Ortografeyes

Divant 1900 :

• deus : C9a ^(lére)
• deuze : E212 ^(lére)
• deû : E203 ^(lére)

Après 1900, foû rfondou (Feller, Feller ricandjî, nén Feller) :

• deûs : C1, C9, E1 ^(lére), E21, O0, O2, O3, CO4 p. 46, O4 (a « orèye », evnd), S0, S117
• = dor (deus) : Wi1

E rfondou walon :

• deus : R10 ^(lére), R13

Ratournaedjes

deus

• Arabe : ithnân =‎ إثنان ^(ar)
• Arabe marokin : joj =‎ جوج
• Almand : zwei ^(de)
• Inglès : two ^(en)
• Espagnol : dos ^(es)
• Francès : deux ^(fr)
• Itålyin : due ^(it)
• Neyerlandès : twee ^(nl)
• Norvedjin : to ^(no)
• Polonès : dwa ^(pl)
• Sicilyin : dui ^(scn)
• Kimon amazir marokin : (techelheyt) sin = ⵙⵉⵏ

Prono-nombe

deus omrin et femrin

1. nombe di djins, di sacwès mostré pa ç’ chife la.
   • Po on côp k’ i n’ estént k’ zels deus.
   • Leus deus dizo l’ minme paraplu. — Juliette Franquet.
   • Fåt esse a deus po fé cisse bouye la.

Mots d’ aplacaedje

• inte-deus

Sustantif

singulî	pluriyal
deus

deus omrin

1. imådje avou ç’ chife la.
   • Dj’ a saetchî on deus.
   • Dj’ a les cwate deus e m’ djeu.
2. ôre ki respond a ç’ chife la.
   1. po les djoûs do moes (li « di » ki shût est todi spotchî (« d’ »).
      • Li cwante estans dj’ ?
        Li deus d’ may.
   2. po ôte tchoi (cwåtes, limero d’ måjhon…)
      • Dj’ a saetchî l’ deus d’ cour.

Ratourneures

1. a deus
   • Po mwaistri les hikets del veye,
     I våt bén mî k’ on soeye a deus. — Louis Lagauche, Les bwèh'lîs, 1948, p.9 (fråze rifondowe).
2. nos deus
   • Todi i n' est nén po viker lontins et s' i morike [morick], nos pårtiréns tot l' bén nos deus. — Jean Lechanteur, Documents pour l'étude du wallon des 17e et 18e siècles, (3), 1670 (fråze rifondowe).
3. tos deus
   • Mins al prumire betcheye ki nos metans-st e nosse boke
     Nos nos rloucans tos deus et nos dmorans astok ;
     Vos årîz dit des foyes k' on vneut d' aler côper. — Toussaint Brahy, Toussaint Brahy, œuvres wallonnes posthumes, Li Frût d'ine mâle Kpaneie, 1886, p.47 (fråze rifondowe).
     
4. tos les deus
   • Ns esténs e l' cåve tos les deus
     Ki nos rcweréns l' fouwêye,
     Vocial li vî tot houpieus,
     Ki n' è poleut pus hay,
     Ki vént dire : « Botresse,
     I fåt k' dji vs rabresse. » — François Barillié, Li camarad′ dè l'joie, Li botresse, 1852, p.29 (fråze rifondowe).
   • I gn aveut ene feye des djonnes hanteus
     Ki s’ inmént télmint tos les deus
     K’ i contént k’ gn aveut k’ zels sol tere
     Mins l’ moirt djalote di leu bouneur
     Foirdja l’ pus grand d’ tos les måleurs
     Po bénvite fé mori li cmere. — Louis Lagauche, Amon nos autes, tchansons tchusèyes, (1908-1912), «Dièrinne vûsion» p.99 (fråze rifondowe).

Prezintoe-nombe

deus omrin et femrin

1. mostere k’ i gn a 2 sacwès u 2 sakîs.
   • Deus omes et deus comeres.
2. sacwants, mins nén bråmint.
   • Ratind deus munutes !

Ratourneures

1. deus côps rén
2. deus pelés et troes tondous
3. nén deus côps trop

Mots d’ aplacaedje

• deus-pates
• deus-aiwes
• deus-aiyes