跳去內容

吸血新世紀系列

出自維基百科，自由嘅百科全書
《吸血新世紀》
作者史提芬妮·梅雅
語言英文
體裁奇幻愛情、吸血鬼文學（英文：Vampire literature）、青年小說
出版Little, Brown and Company（英文：Little, Brown and Company）
出版地美國
出版時間2005-2020
媒體類型實體印書

《吸血新世紀系列》（英文：Twilight Saga）係美國作家史提芬妮·梅雅創作嘅一系列包括４輯吸血鬼文學（英文：Vampire literature）—奇幻愛情小說作品、兩輯衍生小說同埋１本中篇小說。呢４輯小說由2005-2008年每年出版１本，分別係2005年嘅《吸血新世紀（英文：Twilight (Meyer novel)）》、2006年嘅《吸血新世紀：新月（英文：New Moon (novel)）》、2007年嘅《吸血新世紀：蝕（英文：Eclipse (Meyer novel)）》，同埋2008年嘅《吸血新世紀：破曉（英文：Breaking Dawn）》。呢個系列小說嘅內容以女主角貝拉·史旺（英文：Bella Swan）嘅角度為主，講述咗佢喺青少年時期由自己一直住開嘅阿利桑那州鳳凰城搬到去華盛頓州福克斯（英文：Vampire literature），仲鍾意咗個叫做愛德華·庫倫（英文：Edward Cullen）嘅104歲吸血鬼嘅故仔。呢個系列响《蝕》嘅尾聲同埋《破曉》嘅下半部就由狼人雅各·布萊克（英文：Jacob Black）嘅角度嚟展開。

梅雅喺2010年出版咗中篇小說《吸血新世紀：蝕外傳—布莉的重生（英文：The Short Second Life of Bree Tanner）》，講述咗《吸血新世紀：蝕（英文：Eclipse (Meyer novel)）》裡面出現嘅新生吸血鬼嘅故仔[1]。2015年，梅雅為咗紀念呢個系列小說出版10周年，佢將原著主角嘅性別互換，出版咗新書《生與死：吸血新世紀重製版（英文：Life and Death: Twilight Reimagined）》[2]。佢喺2020年出版咗《吸血新世紀：午夜陽光（英文：Midnight Sun (Meyer novel)）》，用男主角愛德華·庫倫嘅角度嚟重溫第１輯小說嘅故仔。

自從第１輯小說《吸血新世紀（英文：Twilight (Meyer novel)）》出版以嚟，嗰個系列嘅書喺全球攞到好大嘅知名度同埋商業上嘅成功。呢個系列最受青少年讀者歡迎；呢４本書攞咗好多項大獎，其中最引人注目嘅係《破曉》攞到2008年英國圖書獎（英文：British Book Awards）嘅年度兒童圖書獎Children's Book of the Year[3]，而成個系列就攞到2009年兒童選擇獎（英文：2009 Kids' Choice Awards）嘅最受歡迎圖書[4]。

截至2020年8月，呢個系列嘅小說喺全球銷量已經超過1.6億本，版權轉售去卅幾個國家，仲翻譯成49種語言嘅版本[5]。《吸血新世紀》４部曲連續創咗2008年《今日美國（英文：USA Today）》暢銷書排行榜嘅紀錄[6]，仲喺《紐約時報暢銷書排行榜（英文：The New York Times Best Seller list）》嘅兒童系列上面停留咗超過235個禮拜[7]。戲裡面嘅場景包含咗好多地點，大部分都係設定喺美國西北面嘅出名景點。頂峰娛樂（英文：Summit Entertainment）將呢個系列嘅小說改編成《吸血新世紀系列電影（英文：The Twilight Saga (film series)）》，頭３輯嘅改編電影分別喺2008年、2009年同2010年上映，而第４輯嘅小說改編就分拆成兩輯電影，上集喺2011年上映，而下集就喺2012年上映[8]。Netflix而家正喺度開發緊１套以《午夜陽光》嚟做基礎嘅動畫電視劇[9]。

作者

[編輯]

作者史提芬妮·梅雅有住「第二羅琳」嘅稱號[10]。喺楊百翰大學（英文：Brigham Young University）畢業嘅佢攞埋英文文學嘅學士學位。佢而家住喺阿利桑那州鳳凰城。喺第１緝小說《吸血新世紀（英文：Twilight (Meyer novel)）》出版咗之後，佢就憑住呢個系列小說而畀書店票選做2005年最佳新秀作家之一。

出版

[編輯]

故仔大綱

[編輯]

吸血新世紀

[編輯]

作者話，小說封面上面嘅蘋果代表住聖經《創世記》入面分別善惡樹上面嘅禁果，呢個象徵住男女主角之間，人類同吸血鬼禁忌嘅戀愛。喺小說嘅開頭就引用咗《創世記》第２章17節嘅內容：

只是分別善惡樹上的果子，你不可吃，因為你吃的日子必定死。

呢樣嘢同時亦都代表咗Bella點樣去分辨善惡 － 佢去揀食定唔食嗰個禁忌嘅果實，比喻做揀去同Edward喺埋一齊，抑或永遠分離。

故仔講述女主角Bella（英文：Bella Swan）為咗畀阿媽能夠同佢嘅新婚老公一齊生活，佢就決定由一直住開嗰個繁華而且陽光充沛嘅阿利桑那州鳳凰城搬到去成日落雨而且又濕濕𣲷𣲷嘅華盛頓州福克斯（英文：Forks, Washington）同阿爸一齊住。

Bella喺搬到去福克斯小鎮之後，嗰度係個佢最唔鍾意嘅地方，原本佢以為新生活實係會好鬼齋同埋悶，不過自從佢遇到神秘嘅靚仔Edward（英文：Edward Cullen）之後就不由自主噉畀對方吸引住，佢嘅生活出現咗180°嘅轉變。佢哋兩個互相畀對方深深噉吸引住，不過Bella後嚟發現咗對方一家人都係吸血鬼──包括佢嘅阿爸Carlisle（英文：List_of_Twilight_characters#Carlisle Cullen）、阿媽Esme（英文：List_of_Twilight_characters#Esme Cullen）、細妹Alice（英文：List_of_Twilight_characters#Alice Cullen）同細佬Emmett（英文：List_of_Twilight_characters#Emmett Cullen），仲有妹夫Jasper（英文：List_of_Twilight_characters#Jasper Hale）同埋弟婦Rosalie（英文：List_of_Twilight_characters#Rosalie Hale）......佢哋都係吸血鬼依個秘密幾乎係冇人知嘅，而Bella喺吸血鬼眼中係個好香、好似特別好味嘅嘢食。雖然Cullen一家佢哋吸食嘅係動物血而唔係人血，佢哋都控制住對人類鮮血嘅渴望，不過噉樣唔代表其他吸血鬼都會同樣放棄吸人血嘅慾望。

Edward同Bella拍拖，嚟自另一個家族嘅殘暴吸血鬼James（英文：List_of_Twilight_characters#James）就一心將Bella當成獵物去追殺佢。Edward同其他Cullen嘅家族成員挺身而出噉去保護Bella。Bella後來中咗James嘅詭計呃佢走返去鳳凰城，James喺嗰度同佢對峙，James想殺死佢嗰陣...。Edward努力去救返重傷嘅Bella...

吸血新世紀：新月

[編輯]

作者話小說封面嗰朵色彩斑駁嘅鬱金香冇代表任何意義，因為佢冇參加到呢次嘅封面選擇（揀這鬱金香嘅某啲原因係因為佢跌落黎嘅鮮紅花瓣就好似Bella喺《新月》入面嘅生日會度畀紙𠝹傷嗰陣時流出嚟嘅鮮血）；而「新月」呢個書名就代表住Bella人生裡面最黑暗嘅時期。

Edward喺上輯故仔殺死咗邪惡嘅吸血鬼James，仲喺佢手上救返Bella條命仔，不過Bella又差啲畀愛德華嘅屋企人Jasper殺死，Edward認為自己嘅身份搞到Bella條命仔凍過水，後來佢同佢嘅屋企人為咗Bella嘅安全而搬離福克斯小鎮。做咗佢好朋友嘅Alice加上Cullen全家突然嘅不辭而別搞到Bella非常之痛苦，令到佢陷入咗好深嘅抑鬱，直到佢同Jacob（英文：Jacob Black）建立起深厚嘅友誼，後來仲發現咗對方嘅狼人身份......；同時，死咗嘅吸血鬼James，佢嘅女友Victoria發誓要報仇而計劃去獵殺Bella，Jacob同佢嘅狼族其他成員一定要保護Bella等佢唔好畀吸血鬼Victoria傷害到。愛德華因為誤會而以為Bella已經死咗，佢決定去意大利搵Volturi家族（英文：The Volturi）嚟幫自己了結，不過Bella及時出現就阻止咗。佢哋被脅持住同Volturi呢個強大嘅吸血鬼家族見面，不過因為佢哋威脅話唔可以畀人類知道吸血鬼嘅存在而要殺死佢哋，唔殺佢哋嘅條件就係Bella要儘快變成吸血鬼...Bella同Edward後嚟就畀佢哋就放返出嚟返番去福克斯小鎮。

吸血新世紀：月蝕

[編輯]

小說封面嗰條就嚟斷嘅絲帶代表住「選擇」，呢個就好似Bella喺小說裡面噉樣要喺自己嘅吸血鬼戀人Edward，同埋佢嘅狼人好朋友Jacob之間去揀噉樣。嗰條絲帶嘅另外１個意義就係代表Bella似斷又唔係斷，唔可以完全噉脫離嘅人類生活。

西雅圖發生咗一連串嘅屠殺事件，原來係Victoria（英文：List_of_Twilight_characters#Victoria）創造咗１隊由「新生」吸血鬼組成嘅軍隊，佢發誓要殺死Bella嚟幫死咗嘅James報仇，仲諗住同Cullen一家開戰。同時，Bella被迫喺Edward同Jacob之間去揀，佢嘅抉擇嚟緊會喺吸血鬼同狼人之間引發激烈嘅鬥爭。Edward嘅吸血鬼家族同雅各嘅狼人族聯手成功摧毀咗Victoria同埋佢嘅新生吸血鬼軍隊。Victoria同佢嘅新生吸血鬼軍隊又再威脅住Bella條命仔，Cullen一家同狼人決定聯手去對抗。吸血鬼家族同狼人族為咗同新生吸血鬼大軍戰鬥而做訓練，Bella同Edward上山匿埋仲由Jacob去保護佢地，不過夜晚喺山上太凍，Bella差啲凍死，Jacob為咗保護佢而要喺Edward面前同佢一齊瞓，佢哋兩個男仔同時亦都達成咗共識要去保護佢哋兩個最愛嘅人—Bella。最後Cullen一家同狼人嘅聯軍喺新生吸血鬼大軍嘅戰鬥入面贏咗，同時因為佢地嘅強大而成為咗Volturi家族嘅眼中釘。

新生吸血鬼大戰之後，Bella最後因為愛而揀咗嫁畀Edward，放棄咗Jacob嘅友誼......

吸血新世紀：月蝕外傳—布莉的重生

[編輯]

小說嘅封面係個啲沙就快流逝完嘅沙漏，代表住「生命嘅流逝」，意思係指布莉喺小說入面短暫嘅吸血鬼生命嘅過程，演變就好似沙漏噉樣好快噉流走。

呢本小說係由《吸血新世紀：月蝕》延伸嘅外傳，講述小說入面嘅新生吸血鬼—布莉Bree短暫嘅一生，呢本書喺2010年6月5號喺美國開賣。梅雅原本淨係諗住寫一細段攞喺電影導覽書裡面，點知寫咗200幾頁，於是就決定獨立出書。

吸血新世紀：破曉

[編輯]

小說封面嘅紅色嘅西洋棋象徵住Bella喺故事嘅一開始就喺棋盤上面，係１粒最弱嘅卒仔，比喻佢喺成個系列嘅蛻變同成長，由當初１個軟弱同需要被保護嘅角色，轉變做１個保護大家嘅角色。牽涉到權力嘅轉移，佢到最後變成咗最強大嘅女王。就好似玩西洋棋噉樣１步１步去行，最後得到佢想要嘅嘢。

Bella同Edward終於結婚，不過佢哋倆個嘅蜜月期就因為Bella發現咗自己有咗娠紀而打斷。Bella個BB—呢個半人半吸血鬼（英文：Dhampir）嘅混血兒喺佢肚裡面以超乎自然嘅速度高速噉發育，Bella個肚變得越嚟越大，搞到Bella有咗幾個禮拜就好似有咗10個月噉嘅樣；同時呢個吸血鬼BB唔單止吸走晒Bella身體嘅所有營養，令到Bella嘅身體變得極度虛弱。Carlisle後來同Edward仲有Alice研究發現，呢類混血嘅吸血鬼BB係用自己啲牙咬穿媽咪個肚自己出嚟嘅，知道咗噉樣搞到Edward勁煩，因為佢唔想冇咗個老婆，不過Bella仍然堅持要生佢出嚟，搞到Edward擔心到幾乎痴線。Bella堅持話如果佢就快死，就等Edward喺最後關頭改變佢。而Jacob喺呢段期間成日嚟探佢哋，令到佢哋嘅關係緩和返唔少。

呢個吸血鬼BB好強壯，佢嘅力量強壯到甚至踢斷咗Bella嘅肋骨同骨盆。喺吸血鬼BB就嚟要出世嗰陣，Bella因為生BB而差啲冇命嗰陣時，佢嘅心跳停咗，Edward為咗救返Bella而將自己啲毒液打落去佢身上，令佢變成吸血鬼。同一時間，狼族同Cullen一家因為Bella變咗做吸血鬼而同開戰。Renesmee（英文：List of Twilight characters#Renesmee_Cullen）嘅出世令到Jacob「烙印」喺佢身上，而狼族嘅成員因為噉而唔可以傷害佢......

Bella昏迷咗幾日之後醒返，佢一擘大眼嗰陣，佢嘅瞳孔係新生吸血鬼嘅鮮紅色，佢發現自己嘅嘅世界就唔同晒，無論係視力、力量同速度都比人類快好多，佢好享受呢啲感覺嘅同時，亦都擔心為自己屋企人帶嚟危險......Renesmee驚人嘅長大速度搞到Cullen一家嘅吸血鬼親戚—Denali家族（英文：List of Twilight characters#Denali coven）嘅成員Irina睇見Renesmee就誤以為對方就係違反咗吸血鬼法則而唔准存在嘅「唔會老又唔會死嘅細路」，所以佢就偷偷哋向Volturi家族告密，所以。因此向Volturi家族就大條道理噉出面干涉...

Cullen一家家族召集咗一班吸血鬼證人嚟證明Renesmee並唔係啲咩唔會老又唔會死嘅細路。經過激烈嘅對抗之後，Cullen一家就搵其他證人嚟說服Volturi家族話呢個小朋友對吸血鬼或者係佢哋嘅秘密並冇任何威脅，而Alice亦都畀佢哋睇到如果佢哋兩邊開戰嘅話後果會係點樣，而佢哋最後都放過咗佢哋。

生與死：吸血新世紀重製版

[編輯]

出版社Little, Brown and Company（英文：Little, Brown and Company）喺2015年10月6號發行咗《吸血新世紀：生與死10周年重製版（英文：Life and Death: Twilight Reimagined）》，入面包括咗挨近400頁嘅重新想像Bella同Edward性別調轉嘅小說，佢哋喺裡面分別就做伊迪芙Edythe同埋博Beau。呢個重新想像嘅小說有個更加決定性嘅結局，似乎排除咗佢係頭３輯小說後續嘅可能性[11]。

午夜太陽

[編輯]

喺古希臘神話中入面，石榴籽就代表住冥界之神哈帝斯同佢老婆普西芬妮之間嘅聯繫。當佢吞咗粒種子，佢地就將會永遠喺埋一齊。

對Bella嚟講，Edward就好似小說封面嗰啲石榴籽噉樣美味同誘人，令到佢想一啖就食咗落去，亦都做好當吞咗落去就身不由己嘅準備；對Edward嚟講，Bella就好似冥界皇后普西芬妮同冥王嘅關係。佢千方百計想留住對方，但係又因為強烈嘅道德感而唔想改變Bella嘅命運。不過Edward控制唔到佢自己，將１粒又１粒嘅石榴籽餵畀Bella，佢哋倆個嘅未來最後將會走去失控嘅方向。

《午夜陽光》係史提芬妮·梅雅喺2020年出版嘅《吸血新世紀系列》嘅姊妹篇長篇小說，互相呼應返2005年出版嘅小說。呢本作品用咗Edward嘅角度嚟重新講返《吸血新世紀》嘅故仔，而唔係小說裡面一路用開Bella嘅角度[12]。梅雅曾經話，《吸血新世紀》係佢唯一１輯計劃喺Edward嘅角度嚟重寫嘅小說[13]。為咗畀啲演員可以更加好噉去理解Edward呢個角色，梅雅畀《吸血新世紀》電影版嘅導演嘉芙蓮·赫域姬（英文：Catherine Hardwicke）同埋做Edward角色嘅演員羅拔·柏迪臣喺拍攝嗰陣睇咗小說嘅某啲完成咗章節[14][15][16]。

梅雅曾經因為手稿洩漏而喺部落格話暫停去繼續創作嗰輯作品，呢本書最後喺2020年8月4號正式出版[10][17]。

故仔講述Edward喺17歲嗰時做咗吸血鬼，之後又生活咗差唔多100年。面對住近100年以嚟第１個鍾意嘅女仔，佢心裡面有啲開心之餘又覺得自己係個吸血鬼唔配有個噉美好嘅女朋友，佢雖然擔心但係又點都冇辦法離開Bella，佢１次又１次噉搵理由留喺Bella身邊。

讀者透過Edward嘅諗法去睇呢個故仔唔單止係難忘亦更加黑暗。睇完呢本書，讀者會更加了解Edward令人著迷嘅過去同埋複雜嘅思緒，同時又會明白點解佢遇到Bella會令佢覺得無比煎熬嘅原因。如果順住自己個心去做，就等於將Bella擺喺危險嘅地方，噉佢又會點做先好呢？

小說入面揭露咗Edward喺第１次離開Bella嗰陣時發生咗啲咩事令佢決定返番去？喺安吉拉斯港騷擾Bella嗰４個男人最後有咩下場呢？畀吸血鬼獵殺而受傷之後，佢為咗等屋企人安心，Alice精心布置咗Bella出事酒店嘅一切......

未來

[編輯]

2020年8月，梅雅透露佢而家正喺度創作緊兩輯新嘅《吸血新世紀系列》小說。呢個作家諗住寫埋１本原創小說先，然後再繼續創作以嗰個系列做背景嘅故仔[18]。

補充資料

[編輯]

圖畫小說

[編輯]
  • 2010年3月16號，Yen Press（英文：Yen Press）出版咗由藝術家Young Kim根據嗰個系列第１本小說改編嘅漫畫《吸血新世紀：圖畫小說第１冊Twilight: The Graphic Novel, Vol. 1》[19]。
  • 2011年2月，呢本圖畫小說攞到2010年寶石獎Gem Awards嘅年度最佳漫畫獎[20]。
  • 嗰本圖畫小說嘅續集《吸血新世紀：圖畫小說第２冊Twilight: The Graphic Novel, Vol. 2》喺2011年10月11號出版[21]，仲繼第１冊之後喺發行第１個禮拜之後就登上咗《紐約時報暢銷書榜（英文：The New York Times Best Seller list）》嘅榜首[22]。

布莉的重生

[編輯]

2010年3月，梅雅喺佢嘅官方網站上面透露話佢嚟緊將會喺2010年6月5號出版嗰個系列新嘅中篇小說—《吸血新世紀：蝕外傳—布莉的重生（英文：The Short Second Life of Bree Tanner）》，講述咗喺《吸血新世紀：蝕（英文：Eclipse (Meyer novel)）》裡面出現嘅新生吸血鬼故仔[1]。呢本小說嘅電子版喺梅雅嘅網站同埋書店都可以免費買到[23]。

圖解指南

[編輯]

2010年10月，Little, Brown and Company（英文：Little, Brown and Company）宣布，《吸血新世紀：官方圖解指南（英文：The Twilight Saga: The Official Illustrated Guide）》嚟緊會喺2011年4月12號發行。嗰本書係本權威性《吸血新世紀》百科全書式嘅參考書，入面包括有角色簡介、刪減片段、同梅雅嘅對話、人物關係圖、地圖同埋詳盡嘅交叉索引，仲有差唔多100張嘅全彩色插圖，呢本書喺2008年以嚟經歷過好幾次出版延期之後，喺2011年4月12號正式出版[24]。呢本書登上咗《紐約時報暢銷書榜（英文：The New York Times Best Seller list）》榜首，仲連續３個禮拜蟬聯冠軍[25][26][27]，同時亦都喺《今日美國（英文：USA Today）》暢銷書排行榜上面排第４位[28]。

角色簡介

[編輯]

小說設定

[編輯]
Photo of a three-lane main street in a small town. Visible is a traffic light, sparse traffic, and businesses such as a car lot and gas station.
華盛頓州嘅福克斯。

結構同體裁

[編輯]

雖然作者梅雅將佢嘅第１輯作品《吸血新世紀》歸類做「懸疑浪漫恐怖喜劇」，不過《吸血新世紀》系列係屬於奇幻青年小說同埋言情小說嘅類型[29]。不過，佢話佢自己認為佢啲小說係「浪漫多過其他嘢」[29]。呢個系列小說探討咗人類Bella同吸血鬼Edward之間非同尋常嘅愛情，同埋Bella、Edward同埋狼人Jacob之間嘅三角戀[30]。呢啲小說避免深入去探討挑釁性嘅性行為、毒品同埋粗俗嘅粗口，因為根據梅雅嘅講法，「我唔覺得青少年需要去睇無謂嘅性描寫[31]。」

喺華盛頓州拉普什嘅「禁止吸血鬼」標誌。

對某啲人嚟講，梅雅嘅小說亦都屬於哥德式故仔嘅範疇。梅雅對對怪物嘅運用同埋Bella同Edward關係裡面令人不安嘅情況都係哥特式故仔嘅關鍵組成部分。哥德文學令讀者透過黑暗或令人不安嘅比喻嚟分析抽象概念[32]。根據神經內科專家悉文·佛洛伊德嘅講法，哥特式故仔令人不安嘅本質係源於「被壓抑嘅熟悉感」嘅結果[33]，而我哋似乎應該要喺梅雅筆下嘅怪物身上睇見自己嘅影子[32]:48–49。亦都有趣嘅係，夢境係哥德式故仔入面嘅重要主題，梅雅對創作《吸血新世紀》嘅主要靈感就係嚟自夢境。哥德式故仔嘅經典之作——瑪莉·雪萊嘅《科學怪人》—— 亦都係受夢境啟發而創作嘅。《吸血新世紀》透過Bella對Edward嘅同情，逐漸偏離咗傳統嘅哥德式風格。Bella唔單止冇對吸血鬼覺得反感，反而畀對Edward身上危險嘅吸引力所吸引住，推動咗劇情向前發展[32]:49。

呢個系列嘅小說用咗第一人身敘事去寫，主要用Bella嘅角度嚟展開，第３輯小說嘅尾聲同第４輯小說嘅一部分就用Jacob嘅角度嚟講。當梅雅被問到小說嘅結構嗰陣時，佢形容自己好難將小說嘅前提定位喺任何特定邊類。嗰啲小說確實涉及吸血鬼，但係佢哋並唔係典型嘅悲劇吸血鬼或者嗜血嗰種類型。主角係高中生，不過根據有啲人嘅講法，呢種描述亦都對系列小說造成咗唔公平嘅刻板印象[34]。

呢個系列嘅小說以吸血鬼神話做基礎，不過戲裡面嘅吸血鬼喺好多細節上面都同一般嘅吸血鬼傳說有啲唔同。例如，《吸血新世紀》入面嘅吸血鬼都有強而有力嘅尖牙而唔係獠牙；佢哋喺陽光下面閃閃發光而唔係燃燒；而且佢哋吸人類嘅血亦可以吸動物嘅血。梅雅評論話佢嘅吸血鬼神話同其他作者嘅唔同，因為佢當時並冇畀人知道關於經典吸血鬼嘅嘢。喺《吸血新世紀》就快出版嗰時，佢先至唔開始諗自己筆下嘅吸血鬼同既有文學作品有咩唔同。喺嗰陣去做重大修改已經太遲，而梅雅將佢筆下嘅吸血鬼保留咗冇「獠牙同棺材等等」嘅形象，呢個並唔係出於同吸血鬼經典形象分離嘅行為，而係為咗忠於角色喺佢腦入面嘅形象[35]。

靈感同主題

[編輯]

根據作者嘅講法，佢嘅小說係「關於生命而唔係死亡」，同埋「愛而唔係慾望」[36]。呢個系列入面嘅每本小說都受到唔同嘅文學經典嘅啟發，同埋根據唔同嘅文學經典有鬆散嘅聯繫：《吸血新世紀》係取材自珍·柯士甸嘅1813年小說《傲慢與偏見》；《新月》係取材自莎士比亞嘅舞台劇《羅密歐與茱麗葉》；《蝕》係取材自愛梅麗·布朗特嘅1847年小說《咆哮山莊》；而《破曉》就係取材自莎士比亞嘅另１套舞台劇《仲夏夜之夢》[37]。梅雅亦都話柯臣·史葛·卡德（英文：Orson Scott Card）同埋露西·莫德·蒙哥馬利（英文：Lucy Maud Montgomery）嘅《紅髮安妮（英文：Anne of Green Gables）》系列對佢嘅寫作有好大嘅影響[34]。Cullen一家嘅靈感嚟自梅雅自己嘅屋企[38]，仲有動畫《變種特攻（英文：X-Men: The Animated Series）》入面嘅角色[39]。梅雅承認對呢個系列嘅其他影響包括咗莎樂·布朗特嘅1847年小說《簡愛》、HGTV（英文：HGTV），仲有1980年電影《時光倒流七十年》、2006年嘅《離奇過小說（英文：Stranger than Fiction (2006 film)）》，同埋2008年嘅《鐵甲奇俠》同《寶貝媽媽（英文：Baby Mama (film)）》[39]。

嗰個系列嘅其他主要主題包括選擇同埋自由意志[34][40]。梅雅話呢啲小說圍繞住Bella自主去揀佢自己人生嚟做核心，同埋Cullen一家選擇去克制大開戒殺嘅慾望而唔係跟隨住誘惑：「我真係覺得呢個係我筆下啲吸血鬼潛在嘅隱喻。無論你嘅生活嘅困境喺邊度，又或者你覺得自己一定要做啲咩；你總可以隨時揀其他嘢。永遠都總會有另一條路[40]。」

身為摩門經教徒（英文：Mormons）嘅梅雅承認，佢嘅信仰影響咗佢嘅作品。特別係，佢提到話佢嘅角色「往往比典型嘅人傾向諗多啲佢哋嚟自邊度，同埋佢哋去緊邊度[31]。」《吸血新世紀系列》分析咗基督教關於凡人誘惑嘅道德兩難。Edward作為吸血鬼，佢經歷咗強烈嘅肉體誘惑，呢啲誘惑最後會搞到佢自我意識嘅墮落。克服呢啲誘惑就係體現咗個共同嘅基督教常見原則—「戰勝自然之人」[41]。呢個系列亦都探討咗摩門教嘅長生不死同永生嘅教義。吸血鬼擁有完美嘅不死身，而Cullen一家渴望有滿足嘅關係。Bella同佢老公仲有個女一齊做咗吸血鬼嚟實現咗長生不死同埋摩門教關於永生嘅概念[41]。就算小說充滿住浪漫性質，梅雅都刻意避開咗涉及性呢啲嘅主題。梅雅話佢並冇刻意畀自己嘅小說受到摩門教嘅影響，亦都冇刻意去宣揚性禁慾同埋精神純潔嘅美德，不過佢承認話自己嘅寫作受到佢自身價值觀嘅影響，佢話：「我唔覺得我啲小說會真係好露骨或者好黑暗，因為我就係個噉嘅人，我嘅故仔裡面總會有好多光明[42]。」

起源同出版史

[編輯]

史提芬妮·梅雅話《吸血新世紀》嘅概念係源自佢喺2003年6月2號發嘅１個夢，呢個夢關於１個人類女仔，同埋１個鍾意咗佢但係好恨去吸佢鮮血嘅吸血鬼。梅雅基於呢個夢而寫低咗而家係嗰本書第13章嘅文稿[43]。佢雖然寫作經驗好少，佢都喺短短３個月內就將呢個夢變成咗一本完整嘅小說[40]。喺寫完同編輯完呢本小說之後，佢就同出版社Little, Brown and Company（英文：Little, Brown and Company）簽咗份價錢高達$75萬美金嘅３部曲協議，呢個對於新人作家嚟講係個異常高嘅金額[44]。梅雅嘅文學經理人—經紀公司作家之家Writers House嘅祖迪·雷默Jodi Reamer之所以發現到佢係因為收到梅雅原本封信嘅嗰個冇乜經驗嘅助手並唔知道青少年小說嘅長度應該係40,000-60,000字，而唔係130,000字[45]。同梅雅簽約嘅出版社編輯美瑾·廷利Megan Tingley話，佢睇完《吸血新世紀》手稿嘅一半先至發現自己手上有１本未來嘅暢銷書[46]。嗰本書喺2005年出版。

喺《吸血新世紀（英文：Twilight (Meyer novel)）》攞到成功之後，梅雅將呢個故仔擴展做１個系列，另外嗰３輯小說分別係2006年嘅《吸血新世紀：新月（英文：New Moon (novel)）》、2007年嘅《吸血新世紀：蝕（英文：Eclipse (Meyer novel)）》同埋2008年嘅《吸血新世紀：破曉（英文：Breaking Dawn）》。喺第１輯續集《新月》出版之後嘅第１個禮拜就登上咗《紐約時報》嘅兒童章節書暢銷榜Writers House上面第１次亮相，仲排名第５位，第２個禮拜就跳到上第１位嘅位置，仲連續11個禮拜蟬聯冠軍。呢本小說喺嗰個榜上停留住咗超過50個禮拜[47]。《吸血新世紀：蝕（英文：Eclipse (Meyer novel)）》出版咗之後，頭３輯《吸血新世紀系列》嘅小說喺《紐約時報》嘅暢銷書榜上總共停留咗143個禮拜[40]。嗰個系列嘅第４輯《吸血新世紀：破曉（英文：Breaking Dawn）》以最初370萬本嘅印刷量嚟發行[48]。單係第１日就賣出咗超過130萬本，創咗美國阿歇特圖書集團（英文：Hachette Book Group）頭１日銷售表現嘅紀錄[49]。喺呢個系列嘅第４輯作品完成咗之後，梅雅話《破曉》將會係最後１本由Bella嘅角度去講嘅小說[50]。喺2008年同2009年，呢個系列嘅４輯小說喺《今日美國（英文：USA Today）》年尾嘅暢銷書榜上攞到頭４名，令到梅雅成為咗有史以來嚟第１個攞到呢個殊榮嘅作家[51][52]。呢個系列嘅小說跟住之後打低咗《哈利波特》系列，榮獲2009年兒童選擇獎（英文：2009 Kids' Choice Awards）嘅最受歡迎圖書獎[4]。

反應

[編輯]

《吸血新世紀》系列小說嘅反應係好壞一半半噉。雖然呢啲小說都非常之受歡迎，不過佢哋亦都引起咗好多爭議。

好評

[編輯]

《吸血新世紀》因為佢喺目標讀者群裡面受歡迎程度而攞到好評。《泰晤士報》讚話佢「完美噉捕捉到青少年性緊張同疏離嘅感受」[53]。其他評論就將《吸血新世紀》形容係個「精緻嘅奇幻小說」[54]同埋「浪漫兼恐怖嘅迷人混合體」[55]。《泰晤士報》嘅列夫·格羅斯曼（英文：Lev Grossman）寫話呢啲小說有種「好似枕頭咁柔軟嘅質感，明顯令人聯想到網絡同人小說」，不過佢仍然讚呢個系列，仲將佢同《魔戒》仲有《哈利波特》去比：

啲人唔只淨係想睇梅雅嘅小說；佢哋想擒入去仲住埋喺裡面... 呢度冇文學用語可以形容《吸血新世紀》、《哈利波特》同《魔戒》共同都有嘅嗰種特質，文學上並冇專門嘅術語嚟形容，但係當你一睇就知：佢哋嘅世界有１種獨立完整嘅內部邏輯，令你覺得自己應該喺嗰度買到樓[40]。

西雅圖郵訊報（英文：Seattle Post-Intelligencer）話呢本小說係「１本熱門青少年小說」[56]；《娛樂週刊（英文：Entertainment Weekly）》話梅雅係「自安妮·賴斯Anne Rice以嚟世界上最受歡迎嘅吸血鬼小說家」[57]；《紐約時報》將《吸血新世紀》形容做個「文學現象」[58]；而《每日先驅報（英文：Daily Herald (Arlington Heights, Illinois)）》嘅麥·阿拉多Matt Arado話，《吸血新世紀》系列小說已經做咗「自從某個戴眼鏡嘅巫師對世界施咗魔法術以嚟最熱門嘅出版現象[59]。」嗰個系列龐大而多元化嘅網上粉絲群成日被注意到，有時甚至被叫做「邪典式cult-like」[60]。就算係噉，呢個系列通常被認為有更加廣泛嘅吸引力；《每日先驅報》嘅潔晶·麥Crystal Mack話，「雖然主要受眾係青少年女仔，但係後生男仔同埋兩性嘅成年人亦都畀呢種現象吸引[61]。」

作者同呢個系列嘅人氣成日同J·K·羅琳同埋《哈利波特》去比[40][62]。喺形容呢啲小說嘅粉絲追隨者嗰陣，《鳳凰城泰晤士報（英文：Phoenix New Times)）》寫，「梅雅嘅粉絲群令人諗起當年嘅《哈利波特》狂熱[46]。」《每日電訊報（英文：The Daily Telegraph)）》形容《吸血新世紀》係「《哈利波特》嘅精神繼承人」[63]。《郵報與信使報（英文：The Post and Courier）》嘅麗貝卡·布拉福德Rebekah Bradford話呢個系列嘅作品「好似佢哋之前嘅《哈利波特》小說噉有好大嘅跨界吸引力」。根據《每日電訊報（英文：The Post and Courier）》，「史提芬妮·梅雅尤其喺所有英語國家同歐洲都攞咗大成功，而好多人都認為佢嘅《吸血新世紀》系列已經填補咗《哈利波特》留低嘅空白[64]。」梅雅回應咗呢啲比較，佢話：「能夠同佢相提並論真係好受寵若驚，但係永遠都唔會再有第２個J·K·羅琳；呢種係唔會再發生嘅現象」，不過佢又指出，「你可以更加容易將我啲粉絲同佢啲粉絲比較（而唔係將我同佢去比較）。我確實覺得我哋兩個（嘅粉絲）都係好有好熱情嘅人，而且會跨幾英里嚟見你同參與喺裡面，佢哋每個都好關心我哋啲角色[65]。

喺華盛頓州福克斯有１間為《吸血新世紀》系列有興趣嘅遊客提供餐飲服務嘅舖頭。

喺經濟上，《吸血新世紀》系列嘅設定場景——華盛頓州嘅福克斯（英文：Forks, Washington），嗰度嘅旅遊業因為書迷而得到咗改善[66]。福克斯小鎮每個月平均接待到8,000個遊客[67]，亦都被形容做「吸血迷嘅聖地mecca for Twilighters」[68]。為咗應對老化嘅福克斯高中就嚟要做嘅翻新計劃，《吸血新世紀》啲粉絲同Infinite珠寶公司仲有西奧林匹克半島改進協會the West Olympic Peninsula Betterment Association合作嚟一齊去募捐試臺吓去保留學校的磚砌外觀，甚至徹底去拯救磚牆嘅外觀同埋保留呢座建築物[69]。

2019年11月5號，BBC新聞部喺將《吸血新世紀系列》列入去佢哋嘅「100部最鼓舞人心嘅小說（英文：BBC's 100 Most Inspiring Novels）名單」[70]。

2020年，呢個系列嘅小說畀專門收藏具重要意義嘅小說仲去做保存嘅國會圖書館上架。

負評

[編輯]

呢個系列小說嘅文學內涵同埋小說入面所描繪嘅關係類型都引起咗一啲關注。

好多人都批評話呢個系列作品嘅文筆好鬼渣。當比較史提芬妮·梅雅同J·K·羅琳嗰陣，史提芬·京話：「羅琳同梅雅之間真正嘅分別係，羅琳係個好出色嘅作家，而梅雅文筆簡直渣到睇吓都唔到值得。佢寫得好曳[71][72]。」不過，史提芬·京都明白呢個系列嘅吸引力，佢補充話：「啲人會畀啲故仔同節奏吸引，以梅雅嚟講，好明顯佢係寫畀成個世代嘅女仔，仲喺啲小說裡面開放將嗰種安全嘅愛同埋性愛結合起上嚟。呢個係令人興奮同埋扣人心弦嘅，而且因為唔會露骨噉描寫性愛，所以唔係特別嘅威脅[72]。」

羅賓·布朗Robin Browne嘅１段引言（雖然成日被誤認為係史提芬·京或者係安德魯·富特拉爾Andrew Futral所講[73]）負面噉比較咗《吸血新世紀》同《哈利波特》系列小說：「《哈利波特》講嘅係面對恐懼、去搵內心力量仲有喺逆境裡面做啱嘅嘢......《吸血新世紀》講嘅係有個男朋友有幾噉重要嘅事[74]。」

「Salon.com（英文：Salon.com）」嘅蘿拉·米勒Laura Miller寫話：「呢啲角色，如果真可以叫做角色嘅話，被簡化到最低限度，缺乏實際人物嘅質感同和特質」，仲話「如果《吸血新世紀》唔係總係噉不斷去強調Edward膚淺而華麗嘅外表，作為一個論點，即係喺論證『美好嘅心靈比外表更重要』呢方面會更加有說服力[75]。」

《華盛頓郵報》嘅伊莉莎白·漢德Elizabeth Hand寫話：「梅雅嘅散文好少會升到上去可以超越平庸，而且情節都十分之沉悶[76]。」呢篇精選文章發表喺雅虎網站Shine上面亦都批評呢啲小說，而作者對呢個系列嘅最終評價係，「好書就好似《吸血新世紀》系列噉樣，探討憧憬同孤獨、激情同人性嘅脆弱、疏離同恐懼呢啲主題。不過佢哋透過複雜嘅感覺同微妙嘅人物性格嘅刻劃去做到呢一點，仲用超越平凡嘅平庸語言嚟表達。佢哋嘅回報係有啲唔單止係逃避平庸嘅平庸嘅嘢。我哋應該有更加好嘅嘢去沉迷[77][78]。」

爭議

[編輯]

呢啲小說亦都因為促進、正常化同理想化情感同身體虐待關係而受到廣泛批評。科幻網站io9（英文：io9）指出，Bella同Edward嘅關係符合咗美國嘅全國家庭暴力熱線（英文：National Domestic Violence Hotline）所設定嘅15項虐待關係標準[79]。青少年成人圖書館服務協會（英文：Young Adult Library Services Association）嘅L·李·巴特勒L. Lee Butler評論話，佢對於係咪要將《吸血新世紀》系列嘅小說納入去圖書館藏書嘅決定異常噉猶豫，因為佢覺得呢啲小說「剝奪咗啲少女嘅自主權，仲正常化咗跟蹤同虐待行為[80]。」好多以女性導向同女性主義嘅媒體，例如Jezebel（英文：Jezebel (website)）[81]、The Frisky[82]同埋Salon.com（英文：Salon.com）都譴責《吸血新世紀》宣揚反女性訊息[83]。《Bitch雜誌（英文：Bitch (magazine)）》指出，呢啲小說「創造咗１種新嘅、流行嘅『禁慾色情』類型，結論係，現實中，禁慾信息—包裹住喺禁慾色情呢個類型入面—用同『真正嘅』色情作品一樣嘅方式嚟將Bella物化。」《吸血新世紀》系列小說將Bella冇咗童貞嚟去同冇咗其他嘢撈埋一齊嚟講，包括佢嘅自我認知同埋生命本身。呢種對禁慾嘅高風險處理加強咗Bella係毫無力量呢個觀念，呢樣嘢當我哋去到《破曉》入面嘅性愛場面嗰陣，呢個事實就會被突顯咗出嚟[84]。《女士雜誌（英文：Ms. (magazine)）》宣布《吸血新世紀》宣揚咗１種促進身體虐待關係同埋反墮胎運動（英文：Anti-abortion movements）嘅訊息[85]。不過，宗教新聞社（英文：Religion News Service）嘅作者安琪拉·艾利斯Angela Aleiss就話，摩門教徒同大眾認為嘅嘢相反，佢哋畀大肚婆喺生命受威脅嗰陣時墮胎。Bella唔肯墮胎，同埋佢好快結婚同有咗，反而強調咗摩門教對屋企嘅重視[86]。

唔同嘅心理學專家都一致同意呢段關係屬於虐待關係[87]。家長電視和媒體委員會（英文：Parents Television and Media Council）嘅傳播同公共教育主任梅麗莎‧漢森Melissa Henson話：

「
對於容易受影響嘅青少年嚟講，家庭暴力幾乎被浪漫化嘅。我哋近年嚟喺度明確傳達「打女人永遠都係唔啱嘅」呢個訊息方面攞到好大嘅進步......去到今時今日，好多容易受影響嘅青少年所接觸嘅娛樂作品入面隱藏嘅訊息係，如果佢打你，噉係出於愛——呢個絕對係錯嘅[88]。
 」

好多娛樂同媒體機構都對Bella同Edward之間關係嘅虐待性質發表咗類似嘅評論，包括咗《娛樂週刊（英文：Entertainment Weekly）》[89]、《Movieline（英文：Movieline）》[90]，同埋《Mediabistro.com（英文：Mediabistro）》[91]。


梅雅駁斥咗呢啲批評，佢認為呢啲小說嘅核心係喺Bella嘅選擇，而佢認為呢個係現代女性主義嘅基礎；而Bella嘅英雄救美形象只係因為佢嘅人性[92]。梅雅亦補充話：「只係因為（Bella）唔識功夫，而佢會幫佢阿爸煮飯亦都唔意味佢應該要受到呢種批評[93]。」《每日大學報（英文：Daily Collegian）》嘅莎朗·辛科克斯Shannon Simcox同樣噉拒絕咗圍繞Bella嘅批評，佢評論話：「雖然Bella飾演１個完美嘅落難少女，佢總係令自己陷入困境，不過佢亦都可以好好噉掌控自己。佢揀搬到去１個全新嘅地方—福克斯小鎮；佢不斷噉面對住１班想吸乾佢生命嘅人，而且佢亦都不斷喺度懇求變成吸血鬼，噉佢就可以照顧自己同Edward[94][95]。」

法律問題

[編輯]

2010年12月，職業歌手馬修·史密夫Matthew Smith（藝名馬特·哈特Matt Heart），佢喺史密斯訴頂峰娛樂（英文：Summit Entertainment）嘅案件入面控告咗頂峰娛樂（英文：Summit Entertainment）。史密夫嘅歌《永恆騎士Eternal Knight》仲配上封面藝術喺幾個網站上面發表，而頂峰娛樂就口口聲聲話嗰個封面藝術用咗《吸血新世紀系列》嘅字體商標。史密夫喺７個訴訟理由入面贏咗４個，佢有權繼續發行佢版權嘅歌，不過條件係佢必須要刪除所有提及「吸血新世紀Twilight」或者係「吸血新世紀系列Twilight Saga」嘅內容[96]。

小說挑戰

[編輯]

《吸血新世紀》系列小說因為「性描寫露骨」、「唔啱特定年齡層」同埋「帶有宗教觀點」而畀美國圖書館協會（英文：American Library Association）ALA選做「2009年成日最受到挑戰嘅十大書籍Top Ten List of the Most Frequently Challenged Books」排第５位[97]。

電影改編

[編輯]

《吸血新世紀》嘅劇本由梅麗莎·羅森堡（英文：Melissa Rosenberg）去寫，仲由頂峰娛樂（英文：Summit Entertainment）改編成電影。嗰套戲由嘉芙蓮·赫域姬（英文：Catherine Hardwicke）做導演，姬絲汀·史超域同羅拔·柏迪臣分別去做Bella（英文：Bella Swan）同Edward（英文：Edward Cullen）。嗰套戲喺2008年11月21號喺美國上映[98]。由麥·科塔·華茲（英文：Mark Cotta Vaz）編寫嘅《吸血新世紀：完全圖解電影指南Twilight: The Complete Illustrated Movie Companion》喺同年10月28號發行[99]。

喺2008年11月22號，繼《吸血新世紀》喺票房成功之後，頂峰娛樂確認咗個續集，係根據呢個系列嘅第２輯小說改編嘅《吸血新世紀2：新月傳奇》[100]。嗰套戲喺2009年11月20號喺美國上映，2009年12月4號喺香港上畫，嗰套戲喺喺2010年3月20號透過午夜發行聯歡會出咗DVD同藍光版[101]。頂峰娛樂响同日發行咗１齣喺華盛頓福克斯（英文：Forks, Washington）做《吸血新世紀系列》主要場景嘅紀錄片《福克斯嘅吸血新世紀Twilight in Forks》[102]；主題娛樂Topics Entertainment喺2009年3月16號發行咗佢哋自己嘅關於福克斯同《吸血新世紀》系列嘅紀錄片，叫做《福克斯：吸血新世紀的誘惑Forks: Bitten by Twilight》[103]。

嗰個系列嘅第３輯小說改編嘅《吸血新世紀3：月蝕傳奇》喺2010年6月30號上畫[104][105]；而系列嘅第４輯兼最後嗰輯小說分拆咗做兩套戲去上映，分別係2011年11月18號上映嘅《吸血新世紀4：破曉傳奇上集》，同埋喺2012年11月16號上映嘅《吸血新世紀4：破曉傳奇下集》[106]。

獎項及評價

[編輯]

本書版權轉售至30多個國家，擁有超過20種語言譯本，曾獲得以下殊榮：

參考資料

[編輯]
  • 《暮光之城系列》原著小說
  • 《吸血新世紀》官方網站 Wayback Machine嘅版面存檔備份 、官方網站
  • 《吸血新世紀2：新月傳奇》官方網站 、官方網站 Wayback Machine嘅版面存檔備份
  • 《吸血新世紀3：月蝕傳奇》官方網站：還未提供

YAHOO電影

外部連結

[編輯]

參考文獻

[編輯]
  1. 1 2 "Twilight author Meyer to publish next book for free". The Australia Times. 31 March 2010. 喺31 March 2010搵到.
  2. ↑ Maane Khatchatourian (October 6, 2015). "'Twilight' Gets Gender-Swapped Novel – Variety". Variety. 原先內容歸檔喺August 21, 2017. 喺December 9, 2017搵到.
  3. ↑ Anderson, Hephzibah (2009-04-03). "Obama's 'Dreams,' Meyer's Vampires Capture 'Nibbie' Book Awards". Bloomberg.com. 喺2009-04-11搵到.
  4. 1 2 "Twilight". Kids' Choice Awards. Nickelodeon. 2009. 喺2009-04-23搵到.
  5. ↑ Stephenie Meyer says more books coming in 'Twilight' saga as 'Midnight Sun' sells 1M copies
  6. ↑ Cadden, Mary (2008-01-15). "New star authors made, old ones rediscovered in 2008". USA Today. 喺2008-01-16搵到.
  7. ↑ Grossman, Lev (2009-11-13). "It's Twilight in America". Time. 原著喺November 16, 2009歸檔. 喺2009-11-13搵到.
  8. ↑ Weintraub, Stephen 'Steve' (2010-11-03). "The Twilight Saga: Breaking Dawn Part 2 Gets Released November 16, 2012". Collider. 原先內容歸檔喺December 8, 2010. 喺2010-11-16搵到.
  9. ↑ "Sink Your Teeth into the New Twilight Animated Series Midnight Sun". Netflix Tudum.
  10. 1 2 3 "Stephenie Meyer". Biography.com (美國英文). 喺2025-11-18搵到.
  11. ↑ Meyer, Stephenie (2015-10-06). Twilight Tenth Anniversary/Life and Death Dual Edition (英文). Little, Brown Books for Young Readers. ISBN 9780316268394.
  12. ↑ StephenieMeyer.com | Twilight series | Other Projects. Archived from the original on October 5, 2008.
  13. ↑ "Entertainment Weekly interview with Stephenie Meyer: Part 2". Entertainment Weekly. 原著喺December 31, 2018歸檔. 喺August 22, 2008搵到.
  14. ↑ Larry Carroll (April 15, 2008). "'Twilight' Set Visit Confirms Edward And Bella's Chemistry, Offers A 'Midnight Sun' Preview". MTV. 原著喺April 20, 2008歸檔. 喺August 17, 2008搵到.
  15. ↑ "New Twilight book: 'Fans grew up with criticism of the originals'". BBC News (英國英文). 2020-05-06. 喺2020-08-04搵到.
  16. ↑ León, Concepción de (2020-08-03). "Stephenie Meyer Is Telling Edward's Story, Even if It Makes Her Anxious". The New York Times (美國英文). ISSN 0362-4331. 喺2020-08-04搵到.
  17. ↑ As Midnight Sun hits No 1, Stephenie Meyer plans two more Twilight books | Stephenie Meyer | The Guardian
  18. ↑ "Stephenie Meyer says more 'Twilight' books are planned". ABC News. The Associated Press. August 13, 2020. 喺February 3, 2021搵到.
  19. ↑ Jordan, Tina (2010-01-20). "Exclusive: Twilight: The Graphic Novel". Entertainment Weekly. 原著喺2010-04-08歸檔. 喺2011-07-29搵到.
  20. ↑ "Young Kim's Twilight a big winner at the Gem Awards". Asia Pacific Arts. 2011-02-28. 原著喺April 2, 2011歸檔.
  21. ↑ "'Twilight: The Graphic Novel' Vol. 2". ICv2. May 23, 2011. 喺May 27, 2011搵到.
  22. ↑ Schuessler, Jennifer (October 23, 2011). "Best Sellers". The New York Times. 喺October 27, 2011搵到.
  23. ↑ "Twilight Series | The Short Second Life of Bree Tanner". StephenieMeyer.com. February 12, 2010. 原著喺2010-06-04歸檔. 喺2011-07-29搵到.
  24. ↑ "The Twilight Saga: The Official Illustrated Guide". The Twilight Saga. October 5, 2011. 原著喺June 15, 2011歸檔. 喺May 27, 2011搵到.
  25. ↑ Schuessler, Jennifer (May 1, 2011). "Best Sellers". The New York Times. 喺May 27, 2011搵到.
  26. ↑ Schuessler, Jennifer (May 8, 2011). "Best Sellers – The New York Times". The New York Times. 喺May 27, 2011搵到.
  27. ↑ Schuessler, Jennifer (May 15, 2011). "Best Sellers – The New York Times". The New York Times. 喺May 27, 2011搵到.
  28. ↑ "USA TODAY's Best-Selling Books list". USA TODAY. April 21, 2011. 喺May 27, 2011搵到.
  29. 1 2 Kirschling, Gregory (August 2, 2007). "Stephenie Meyer's 'Twilight' Zone". Entertainment Weekly. 原先內容歸檔喺April 21, 2009. 喺December 11, 2008搵到.
  30. ↑ Meadows, Bob; Kari Lydersen (September 8, 2008). "Stephenie Meyer: Written in Blood". People.第70卷第10號. 喺December 11, 2008搵到.
  31. 1 2 Trachtenberg, Jeffrey A. (August 10, 2007). "Booksellers Find Life After Harry In a Vampire Novel". The Wall Street Journal. 喺2008-12-11搵到.
  32. 1 2 3 Chadwick, Tyler (December 2009). "Why Twilight is Good for You" (PDF). Sunstone Magazine: 46–50.
  33. ↑ Sigmund Freud, "The 'Uncanny.'" The Norton Anthology of Literature and Criticism, edited by Vincent B. Leitch, et al., translated by Alix Strachey (New York: W. W. Norton and Company, 2001), 929–52.
  34. 1 2 3 Margolis, Rick (October 1, 2005). "Love at First Bite". 喺December 11, 2008搵到.
  35. ↑ "BookStories Interview with Stephenie Meyer". August 2006. 原著喺September 2, 2008歸檔. 喺December 12, 2008搵到.
  36. ↑ Horng, Eric (August 19, 2007). "Will New Bestseller 'Eclipse' Harry Potter?". ABC News. 喺2008-12-12搵到.
  37. ↑ Proctor, Maurine (August 8, 2008). "Stephenie Meyer's Twilight". Meridian. 原著喺December 1, 2008歸檔. 喺December 11, 2008搵到.
  38. ↑ "Why Stephenie Meyer is scared of fame". 原著喺2014年1月7號歸檔. 喺2026年8月21號搵到.
  39. 1 2 Karen Valby (November 5, 2008). "Stephenie Meyer: 12 of My 'Twilight' Inspirations". Entertainment Weekly. 原著喺September 25, 2018歸檔. 喺November 5, 2008搵到.
  40. 1 2 3 4 5 6 Grossman, Lev (April 24, 2008). "Stephenie Meyer: A New J.K. Rowling?". Time. 原著喺April 29, 2008歸檔. 喺December 12, 2008搵到.
  41. 1 2 "Book of Mormon Stories That Steph Meyer Tells to Me". BYU Studies (英文). 2019-08-06. 喺2021-11-19搵到.
  42. ↑ Mills, Tony-Allen (August 10, 2008). "News Review interview: Stephenie Meyer". The Times. London. 原著喺September 17, 2008歸檔. 喺2008-12-12搵到.
  43. ↑ Walker, Michael R. (2007). "A Teenage Tale With Bite". BYU Magazine. 喺2008-08-01搵到.
  44. ↑ Cecelia Goodnow (2007-07-19). "Harry Potter and the Last Flight". Seattle Post-Intelligencer. 喺2009-04-27搵到.
  45. ↑ Rosman, Kathleen (22 January 2010). "The Death of the Slush Pile". Wall Street Journal. 喺27 January 2015搵到.
  46. 1 2 Irwin, Megan (July 11, 2007). "Charmed". 喺2008-12-08搵到.
  47. ↑ "Best Sellers: Children's Books". The New York Times. August 12, 2007. 喺December 12, 2008搵到.
  48. ↑ Jacks, Brian (August 4, 2008). "'Breaking Dawn' Sells 1.3 Million Copies in One Day". MTV.com. 原著喺August 28, 2008歸檔. 喺2008-08-09搵到.
  49. ↑ Memmott, Carol (August 4, 2008). "Record-breaking sales for 'Breaking Dawn'". USA Today. 喺2010-09-19搵到.
  50. ↑ Meyer, Stephenie (July 7, 2008). "Breaking Dawn". 原著喺2008年12月13號歸檔. 喺December 12, 2008搵到.
  51. ↑ Bob Minzesheimer; Anthony DeBarros (2009-01-15). "Sellers basked in Stephenie Meyer's 'Twilight' in 2008". USA Today. 喺2009-01-15搵到.
  52. ↑ Debarros, Anthony; Cadden, Mary; DeRamus, Kristin; Schnaars, Christopher (January 6, 2010). "Best-Selling Books: The top 100 for 2009". USA Today. 喺May 27, 2011搵到.
  53. ↑ Craig, Amanda (2006-01-14). "New-Age vampires stake their claim". The Times. London. 原著喺February 12, 2007歸檔. 喺2009-04-14搵到.
  54. ↑ Editorial Reviews. Amazon. September 6, 2006. ISBN 978-0-316-01584-4. 喺2009-04-14搵到.
  55. ↑ Piehl, Norah. "Twilight" (review). Teen reads. 原著喺February 28, 2009歸檔. 喺2009-04-14搵到.
  56. ↑ "'Twilight' takes place in Forks, Wash". Seattle Post-Intelligencer. 2005-10-04. 喺2009-08-16搵到.
  57. ↑ Kirschling, Gregory (2007-08-02). "Stephenie Meyer's 'Twilight' Zone". Entertainment Weekly. 原先內容歸檔喺April 21, 2009. 喺2009-04-14搵到.
  58. ↑ Bosman, Julie (2008-08-02). "Book Stokes Vampire Feverat Stores' Parties". The New York Times. 喺2009-08-16搵到.
  59. ↑ Arado, Matt (2008-07-29). "Hype, excitement building for 'Twilight' finale 'Breaking Dawn'". Daily Herald. 喺2009-08-16搵到.
  60. ↑ Green, Heather (July 31, 2008). "The Online Fan World of the Twilight Vampire Books". BusinessWeek. 原著喺August 6, 2008歸檔. 喺2008-12-07搵到.
  61. ↑ Crystal Mack (2008-07-28). "Local libraries prepping for 'Twilight' finale". Daily Herald. 喺2009-08-16搵到.
  62. ↑ Valby, Karen (July 18, 2008). "Stephenie Meyer: Inside the 'Twilight' Saga". Entertainment Weekly.第1002號. 原著喺November 5, 2014歸檔. 喺December 7, 2008搵到.
  63. ↑ "Stephenie Meyer: the million-dollar vampire mom" (profile). London: The Daily Telegraph. 2008-11-27. 原著喺2008-12-01歸檔. 喺2009-08-16搵到.
  64. ↑ "Twilight vampire series author Stephenie Meyer hailed as new JK Rowling". London: Daily Telegraph. 2009-03-04. 原先內容歸檔喺January 12, 2022. 喺2009-08-16搵到.
  65. ↑ Carroll, Larry (April 10, 2008). "'Twilight' Author Stephenie Meyer Sees J.K. Rowling As Kindred Spirit". MTV Movies Blog. 原著喺April 12, 2008歸檔. 喺December 7, 2008搵到.
  66. ↑ Ramirez, Marc (July 27, 2008). "Fans of "Twilight" vampire series pump new blood into Forks". The Seattle Times. 喺2008-08-31搵到.
  67. ↑ O'Sullivan, Kay (2009-07-25). "Small English town becomes Twilight zone". Melbourne: The Age. 原著喺July 26, 2009歸檔. 喺2009-07-25搵到.
  68. ↑ Margolies, Jane (2009-09-22). "'Twilighters' Put Small Town in the Spotlight". The New York Times. 喺2009-09-22搵到.
  69. ↑ Dickerson, Paige (September 12, 2008). "Twilight fans campaign to donate to help save brick building of Forks High School". Peninsula Daily News. 喺2008-09-17搵到.
  70. ↑ 引用錯誤 無效嘅<ref>標籤；無文字提供畀叫做"Bbc2019-11-05"嘅參照
  71. ↑ Tuitt, Brain (March 6–8, 2009), "It's great to be the King", USA Weekend, p. 7.
  72. 1 2 "Stephen King says 'Twilight' author 'can't write'", MSNBR, Today.com, February 3, 2009.
  73. ↑ "Harry Potter Vs. Twilight". CKL Hotsheet. Snout.org. 喺2 December 2013搵到.
  74. ↑ Futral, Andrew. "Andrew Futral, A Wonderful Man". Tumbler. 喺2 December 2013搵到.
  75. ↑ Miller, Laura (August 30, 2007). "Touched by a vampire". Salon. 喺September 17, 2008搵到.
  76. ↑ Hand, Elizabeth (2008-08-10). "Love Bites". The Washington Post. 喺2010-05-26搵到.
  77. ↑ "Oh No. Not Twi-Moms". Mommy Tracked. 原著喺2011-07-14歸檔. 喺2011-07-29搵到.
  78. ↑ "Oh, no, not Twi-Moms", Astrology, Yahoo!, 原著喺January 29, 2009歸檔.
  79. ↑ McMillan, Graeme (2009-11-28). "Official: Twilight's Bella & Edward Are In An Abusive Relationship". i09. 喺21 November 2011搵到.
  80. ↑ Butler, L Lee (2009-11-24). "Twilight and Abusive Relationships". ALA. 喺21 November 2011搵到.
  81. ↑ Dodai Stewart (2009-11-30). "Twilight's Hero Is Abusive, Which Makes Him All The More Romantic". Jezebel. 原著喺April 22, 2012歸檔. 喺November 21, 2011搵到.
  82. ↑ McDonell-Parry, Amelia (2009-11-30). ""Twilight" Love Story Has All The Components of An Abusive Relationship". The Frisky. 喺21 November 2011搵到.
  83. ↑ Miller, Laura (2008-07-30). "Touched by a vampire". Salon. 喺2009-12-03搵到.
  84. ↑ Christine Seifert. "Bite Me! (Or Don't)". bitchmagazine.org. 原著喺2010-01-07歸檔. 喺2009-12-03搵到.
  85. ↑ Wilson, Natalie (2011-11-17). "Breaking Dawn: Part 1—An Anti-Abortion Message in a Bruised-Apple Package". MS magazine. 喺November 20, 2011搵到.
  86. ↑ Angela Aleiss, "Mormon Influence, Imagery Runs Deep through Twilight", Religion News Service, June 23, 2010.
  87. ↑ Goodfriend, Wind (2011-11-09). "Relationship Violence in "Twilight"". Psychology today. 喺November 20, 2011搵到.
  88. ↑ McKay, Hollie (2011-05-31). "Hollywood Perpetuating Dangerous Images of Domestic Violence in Teen Romances, Experts Say". News. Fox. 喺November 20, 2011搵到.
  89. ↑ Gleiberman, Owen (2009-11-30). "Edward Cullen, stalker? Yes, but so is the hero of 'The Graduate'". EW. 原著喺2011-12-01歸檔. 喺21 November 2011搵到.
  90. ↑ Karen Nicoletti (2011-11-14). "Ashley Greene on Breaking Dawn, Stephenie Meyer and Twilight's Accidental Domestic Abuse". Movie line. 喺November 21, 2011搵到.
  91. ↑ Hogan, Ron. "Is Team Edward Enabling Domestic Violence?". 2009-11-30. Media bistro. 原著喺2013-07-28歸檔. 喺November 21, 2011搵到.
  92. ↑ "New Moon: The Story". StephenieMeyer.com. 原著喺2006年11月4號歸檔. 喺November 13, 2008搵到.
  93. ↑ Karen Valby (2009-09-29). "'Breaking Dawn': 13 Notes for Newcomers". Entertainment Weekly. 原著喺July 17, 2010歸檔. 喺2009-11-21搵到.
  94. ↑ Simcox, Shannon (2010-07-06). "Twilight hatred too over the top". The Daily Collegian. PSU. 原著喺2010-07-09歸檔. 喺2010-07-16搵到.
  95. ↑ "The new 'Twilight' novel we don't need". CNN. May 6, 2020.
  96. ↑ "Smith v. Summit Entertainment LLC". Scholar. 喺7 November 2011搵到.
  97. ↑ 21st century challenged books, ALA, 2009, 原著喺2013-02-23歸檔 {{citation}}: Check |archive-url= value (help).
  98. ↑ Weiss, Sabrina Rojas (August 15, 2008). "Did 'Harry Potter' Release Date Change To Avoid 'Twilight' Competition?". MTV. 原著喺August 28, 2008歸檔. 喺2008-09-09搵到.
  99. ↑ Vaz, Mark Cotta (October 28, 2008). Twilight: The Complete Illustrated Movie Companion. Little, Brown Books for Young Readers. ISBN 978-0316043137.
  100. ↑ Martin, Denise (November 22, 2008). "'Twilight' sequel 'New Moon' gets the greenlight from Summit". Los Angeles Times. 喺2008-11-24搵到.
  101. ↑ Steve Weintraub (2010-01-15). "High Resolution DVD/Blu-ray Cover Art from The Twilight Saga: New Moon – Plus What Extras Are Included". Collider.com. 原先內容歸檔喺January 16, 2010. 喺2010-01-16搵到.
  102. ↑ Debi Moore (2010-01-26). "Twilight in Forks DVD Release Details". DreadCentral.com. Dread Central Media, LLC. 喺2010-01-27搵到.
  103. ↑ Eriq Gardner (2010-02-10). "Summit sues to stop 'Twilight' documentary". The Hollywood Reporter. 喺2010-02-11搵到.
  104. ↑ Joshua Rich (2009-02-20). "'Twilight': Third film in series, 'Eclipse,' set for June 2010". Entertainment Weekly. 原著喺2009-02-23歸檔. 喺2009-02-20搵到.
  105. ↑ ""Eclipse" opening breaks record for biggest single-day wednesday opening". EW. com. 原著喺2010-07-02歸檔. 喺2010-07-02搵到.
  106. ↑ "THE TWILIGHT SAGA: BREAKING DAWN Part 2 Gets Released November 16, 2012". Collider. 喺November 28, 2012搵到.
  107. ↑ Zukin, Meg. "'Twilight' Is on TIME's List of the 50 Best Romance Novels". TIME (英文). 喺2025-11-18搵到.{{cite news}}: CS1 maint: url-status (link)
由「https://zh-yue.wikipedia.org/w/index.php?title=吸血新世紀系列&oldid=2456703」收