Zoroastrismo
O zoroastrismo yera a relichión oficial en una etapa de l'Imperio Aquemenida y en l'Imperio Sasanida, basada en a doctrina predicada por Zoroastres arredol de l'anyo 1.500 aC. Tenió lo suyo momento mas alchido en l'Imperio Persa, empecipiando lo suyo declive con a expansión d'o Islam. Actualment encara tien siguidors y sobrevive prencipalment en dos grupos; en a India, an los suyos seguidors son conoixius como Parsis y en Irán con los Zoroastrianos iraníes.
L'Avesta ye o conchunto de libros sagraus d'ista relichión, encara que nomás se conserva que una cuarta parti de l'orichinal.
O zoroastrismo ye una relichión monoteísta que substituyó lo politeísmo d'os pueblos indo-europeus d'a rechión por un dualismo: o esprito d'o Mal u Angra Mainyu y o Gran Sinyor u Ahura Mazda (encara que tot proviene d'o Creyador). Os dos tienen os suyos correspondients seguidors, a sobén divinidaz anteriors liucherament transformadas. Luitan eternament por o dominio d'o mundo y sobre tot por convencer a lo ser humán, o solo con libertat ta poder dicir, ta que siga una doctrina u una atra. Iste combate rematará a la fin d'os tiempos con o triunfo d'o bien y con una purificación cheneral, muertos incluyius.
L'hombre ha de continar en a suya vida con os principios d'o bien, caracterizaus por a piedat y l'orden. Cuan muera será chuzgau seguntes as suyas accions y vivirá en un o paradiso u en un infierno dica la gran luita final.
O zoroastrismo mantiene restas de l'antiga relichión iraní, como por eixemplo os sacrificios y o papel central d'o fuego y a luz en a suya liturchia. O sacerdocio y a machia tienen poca importancia comparau con atras relichions.
En La Flor de las Ystorias d'Orient bi ha una chicota mención a l'antiga relichión zoroastrica d'os persas:
Vinclos externos
[editar | modificar o codigo]
Se veigan as imáchens de Commons sobre o zoroastrismo.
| Control d'autoridaz |
|
|---|
Datos: Q9601- Multimedia: Zoroastrianism / Q9601
