Saltar al conteníu

Alfa Tucanae

Ficha d'oxetu celesteAlfa Tucanae
estrella[1], near-infrared source (en) Traducir[1] y ultraviolet source (en) Traducir[1]
Epónimu Calau y magpie (en) Traducir
Datos d'observación
Ascensión reuta (α) 334,62546848872 °[2]
Declinación (δ) −60,259629544748 °[2]
Distancia a la Tierra 56,3939 pc
Magnitú aparente (V) 2,82 (banda V)
Magnitú absoluta −1,05
Constelación Tucana
Velocidá radial 36,34 km/s[3]
Parallax 17,7324 mas[2]
Radiu 29,2 Radius solars
Tipu espectral K3III[4]
Otros nomes
Cambiar los datos en Wikidata

Alfa Tucanae (α Tuc / HD 211416 / HR 8502)[5] ye la estrella más brillosa na constelación de Tucana, siendo la so magnitú aparente +2,87. A namái 30º del polu sur celeste, nun ye observable nel hemisferiu norte percima de llatitú 30º. Alcuéntrase a 199 años lluz de distancia del Sistema Solar.

Alfa Tucanae ye una xigante naranxa de tipu espectral K3III que la so lluminosidá ye 424 vegaes mayor que la lluminosidá solar. La so temperatura superficial ye de 4300 K y el so radiu ye 37 vegaes más grande que'l del Sol. Estes observaciones, combinaes cola teoría d'evolución estelar, indiquen que tien una masa entendida ente 2,5 y 3 vegaes la masa solar.[6]

N'estrelles xigantes, la fusión nuclear d'hidróxenu que tien llugar alredor del nucleu d'heliu, xuníu a procesos de conveición, alteria la composición química de les sos superficies. Esti efeutu ye claramente apreciable n'Alfa Tucanae, onde se repara un emprobecimientu de carbonu, que nesta clase d'estrelles sirve como catalizador nel tresformamientu d'hidróxenu n'heliu, según un arriquecimientu de nitróxenu, tamién xeneráu nesti procesu.[6] Otra manera, nel Sol, l'heliu créase al traviés d'un procesu más direutu, denomináu fusión protón-protón.

Alfa Tucanae ye una binaria astrométrica, esto ye, la estrella acompañante nun foi reparada direutamente, sinón que foi detectada por cambeos nel movimientu propiu de la estrella principal. El periodu orbital ye de 11,5 años[7] y, si la compañera fuera una nana de baxa masa, la separación ente dambes taría alredor de les 7,5 UA.

Referencies

[editar | editar la fonte]
  1. 1 2 3 Afirmao en: SIMBAD. Llingua de la obra o nome: inglés.
  2. 1 2 3 «Gaia EDR3» (n'inglés). VizieR Online Data Catalog. 3 avientu 2020. doi:10.26093/CDS/VIZIER.1350.
  3. ↑ «Gaia DR2» (n'inglés). VizieR Online Data Catalog. 25 abril 2018. doi:10.26093/CDS/VIZIER.1345.
  4. ↑ Philip Childs Keenan (ochobre 1989). «The Perkins catalog of revised MK types for the cooler stars» (n'inglés). The Astrophysical Journal Supplement Series:  páxs. 245–266. doi:10.1086/191373.
  5. ↑ Alfa Tucanae (SIMBAD)
  6. 1 2 Alpha Tucanae (Stars, Jim Kaler)
  7. ↑ Alpha Tucanae Archiváu 2016-03-04 en Wayback Machine (The Bright Star Catalogue)