M4 Survival Rifle
| M4 Survival Rifle | |
|---|---|
 Ur garabinenn dreistbevañ M4 pleget he lamm | |
| Kinnig | |
| Bro |  Stadoù-Unanet Amerika |
| Doare | Karabinenn |
| Mont en-dro | Tennata dre zorn, dre vorailh |
| Munision | .22 Hornet |
| Produer | Harrington & Richardson |
| Mare produiñ | 1949–1952 |
| Niver produet | 29 344 |
| Perzhioù teknikel | |
| Mas (hep kartouchenn) | 1,8 kg |
| Hirder | 819 mm |
| Hirder ar c'hanol | 355 mm |
| Endalc'h | Karger fiñv 4 c'hartouchenn |
| Lezenn | |
| Rummad e Bro-C'hall | C |
An M4 Survival Rifle zo ur garabinenn dreistbevañ stadunanat, produet gant an embregerezh Harrington & Richardson etre 1949 ha 1952 evit al levierien kirri-nij chase pe bombezerioù an US Air Force[1].
Deskrivadur
[kemmañ | kemmañ ar vammenn]
Ijinet e voe an M4 e arsanailh Springfield goude dibenn an Eil Brezel-bed, dindan an anv T38 da gentañ. Ur fuzuilh-vorailh e oa, kambret e .22 Hornet, dezhi ur c'harger 4 c'hartouchenn. He lamm plegus e oa hini ar bistolenn-vindrailher M3. Soñjet e oa bet evit bezañ pleget ha renket dindan azezennoù levierien an US Air Force, asambles gant binvioù dreistbevañ all evel alumetez, un nadoz-vor, ur gontell ha boued[2]. Graet e oa evit chaseal, ha n'eo ket en em zifenn a-enep enebourien. He fontig bras a oa bet savet evit gellet tennañ gant manegoù, abalamour e oa ar Brezel Yen o kregiñ hag e soñje da bennoù an arme stadunanat e c'halle bezañ implijet o c'hirri-nij e endroioù yen Kelc'h Arktika pe Siberia da skouer.
An embregerezh Harrington & Richardson, e Worcester (Massachusetts), a broduas 29 344 skouerenn eus an M4 etre 1949 ha 1952[2]. Implijet e voe da skouer gant an ekipajoù bombezerioù B-52 e dibenn ar bloavezhioù 1950 ha deroù ar bloavezhioù 1960[1].
Pennadoù kar
[kemmañ | kemmañ ar vammenn]- M6 Aircrew Survival Weapon, un arm dreistbevañ implijet gant an USAF adalek ar bloavezhioù 1950, dezhañ ur c'hanol e .22 Hornet hag unan all e .410.
Daveennoù
[kemmañ | kemmañ ar vammenn]- 1 2 (en) ENGESSER Joe, Survival Guns, Rock Island Auction, 29/08/2024 (lennet d'ar 05/06/2025)
- 1 2 (en) EGER Chris, Historical Military Survival Rifles: The Ultimate Backpack Guns, Guns.com, 24/06/2019 (lennet d'ar 05/06/2025)
