Arm dreistbevañ

Un arm dreistbevañ a vez graet eus un arm pourveziet d'ur soudard, levier kirri-nij peurliesañ, pe d'un astraer, evit gellet chaseal ha/pe en em zifenn en ur c'hortoz ar skipailh kaset da gerc'hat anezhañ, pe evit achap kuit ma kouezh a-dreñv da linennoù e enebourien. N'eo ket un arm a vez implijet e koñdisionoù ur gefridi normal, met pa c'hoarvez ur gudenn neuze.

N'eo ket bet pourveziet atav ar soudarded pe an astraerien gant armoù savet a ratozh-kaer evit dreistbevañ koulskoude : e-pad an Eil Brezel-bed e kustume al levierien bombezerioù stadunanat kas ur bistolenn standart Colt M1911 gante e-pad o obererezhioù. An egoraer soviedat Aleksei Leonov a rankas talañ ouzh kondisonoù start Siberia e-pad devezhioù gant ur bistolenn voutin Makarov a-raok gellet bezañ dastumet e 1965^[1]. Dre astenn-ster e c'hall un arm dreistbevañ bezañ un arm a c'haller kas e endroioù distro ha dañjerus, evit en em zifenn a-enep loened tagus, pa vezer ur sivil.

Perzhioù

Armoù-tan eo ar braz eus an armoù dreistbevañ, dezhe meur a ganol a-wechoù : unan rizennet evit en em zifenn, hag unan flour evit tennañ kartouchennoù chase. Armoù gwenn a gaver enne a-wechoù, evel ar machete er bistolenn soviedel TP-82. Bihan e rankont bezañ, evit kemer an nebeutañ a blas war-vourzh ur c'harr-nij da skouer : kanolioù berr ha/pe lammoù plegus o dez alies. N'eo ket pourveziet o munisionoù gant bannadelloù emledus, evit doujañ da reolennoù emglev Den Haag war an armoù (1899), abalamour d'ar gloazadennoù a c'hellont degas war Mab-den.

Skouerioù armoù dreistbevañ


Arm	Bro	Mare	Kalibr	Notennoù
M30 Luftwaffe	Trede Reich	Produet e 1941/1942	daou ganol flour 12/65 kichen-ha-kichen ur c'hanol rizennet 9,3 × 74 mm R	Pourveziet da ekipajoù al Luftwaffe, pe da dud tost ouzh Hermann Göring hervez ar mammennoù^[2]^[3].
TP-82	URSS	Produet adalek 1981	daou ganol flour kalibr (12,5 × 70 mm) ur c'hanol rizennet 5,45 × 39 mm (munision an AK-74)	Pistolenn pourveziet d'an egoraerien soviedat, ha rusian war-lerc'h, eus 1981 betek deroù ar XXIañ kantved ma felle dezhe^[1]. Ur machete a oa en he lamm.
MA1 / AR-5 / AR-7	Stadoù-Unanet Amerika	Ijinet er bloavezhioù 1950	ur c'hanol .22 Hornet (AR-5 / MA1) ur c'hanol .22 Long Rifle (AR-7)	AR-5 savet gant Eugene Stoner evit bombezerioù atomek an USAF, choazet gant an aerlu dindan an anv MA1. Un daouzek skouerenn bennak produet hepken. Stumm AR-7 e .22 LR produet c'hoazh evit ar marc'had sivil^[4].
M4 Survival Rifle	Stadoù-Unanet Amerika	Produet etre 1949 ha 1952	Ur c'hanol .22 Hornet	Ijinet e Arsanailh Springfield. 29 344 skouerenn produet evit an USAF^[4].
CAR-15 Model 608	Stadoù-Unanet Amerika			Soñjet evit an USAF. Un den skouerenn bennak produet hepken.
IMP-221	Stadoù-Unanet Amerika	Dibenn ar bloavezhioù 1960	Ur c'hanol .221 Fireball	Pistolenn-vindrailher bullpup arnodel. Pemp skouerenn produet^[4].
Bushmaster Armpistol	Stadoù-Unanet Amerika	Bloavezhioù 1970	Ur c'hanol 5,56 × 45 mm	Pistolenn-vindrailher bullpup diazezet war an IMP-221. Un nebeud skouerennoù produet evit an USAF^[4].
M6 Aircrew Survival Weapon	Stadoù-Unanet Amerika	Krouet e 1946 Implijet eus 1952 betek ar bloavezhioù 1970	ur c'hanol .410 ur c'hanol .22 Hornet	Ijinet e Arsanailh Springfield. 50 skouerenn produet gant Harrington & Richardson (M5), hag ar peurrest gant Ithaca (M6)^[4].
GAU-5A Aircrew Self Defense Weapon	Stadoù-Unanet Amerika	Choazet e 2019	5,56 × 45 mm NATO	Enlakaet e kitoù dreistbevañ ekipajoù ar c'hirri-nij A-10, B-1, B-2, B-52, F-15C hag F-15E, F-16 hag F-22, gant 120 kartouchenn^[5].

Daveennoù

1 2 (en) PIKE Travis, TP-82 Cosmonaut Survival Pistol: Russia’s space gun (diellet), Sandboxx, 19/01/2022 (lennet d'ar 07/05/2025)
↑ Hervez Adolf GALLAND, in Die Ersten und die Letzten : Die Jagdflieger im Zweiten Weltkrieg (de)
↑ (en) The M30 Drilling and the Luftwaffe Shotgun war Rock Island Auction (lennet d'ar 07/05/2025)
1 2 3 4 5 (en) EGER Chris, Historical Military Survival Rifles: The Ultimate Backpack Guns, Guns.com, 24/06/2019 (lennet d'ar 07/05/2025)
↑ (en) MACKLEY Brian, Aircrews are carrying more emergency firepower, Air Force Times, 31/05/2019 (lennet d'ar 07/05/2025)

Stag eo ar bajenn-mañ ouzh Porched an Armoù-tan

[:0-1] 1 2 (en) PIKE Travis, TP-82 Cosmonaut Survival Pistol: Russia’s space gun (diellet), Sandboxx, 19/01/2022 (lennet d'ar 07/05/2025)

[2] Hervez Adolf GALLAND, in Die Ersten und die Letzten : Die Jagdflieger im Zweiten Weltkrieg (de)

[3] (en) The M30 Drilling and the Luftwaffe Shotgun war Rock Island Auction (lennet d'ar 07/05/2025)

[:1-4] 1 2 3 4 5 (en) EGER Chris, Historical Military Survival Rifles: The Ultimate Backpack Guns, Guns.com, 24/06/2019 (lennet d'ar 07/05/2025)

[5] (en) MACKLEY Brian, Aircrews are carrying more emergency firepower, Air Force Times, 31/05/2019 (lennet d'ar 07/05/2025)

[1]

[2]

[3]

[4]

[5]