Agelajoj

Kiel legi la taksonomion Agelajoj
Agelaius phoeniceus
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Ikteredoj Icteridae Genro: Agelaius (Vieillot, 1816)
Aliaj Vikimediaj projektoj

Agelajoj (Agelaius) estas genro de paseroformaj birdoj el Novmonda familio Ikteredoj. Ĉiuj specioj de agelajoj troveblas en Amerikoj.

Priskribo

Ĉiuj tiuj ĉi birdoj estas prefere insektovoraj, kaj ĉiuj specioj havas rimarkindan seksan duformismon. Iĉoj estas tipe nigraj kun kelkaj koloraj makuloj, ofte sur ŝultroj aŭ kapo, iom simile al armeaj rangaj markiloj. Pro tio en hispanlingvaj landoj de Centra kaj Suda Ameriko, kaj en Brazilo, oni komunlingve nomas kelkajn speciojn laŭ diversaj rangoj de armeoj, ekz. soldato, kapitano, serĝento ktp. Inoj estas pli kutimaspektaj kaj brunecaj, iom similaj al Amerikaj paseroj.

Taksonomio

La genron Agelaius enkondukis Louis Pierre Vieillot en jaro 1816. La nomo estas latinigo de greka vorto agelaios, kiun eblas traduki kiel "sociema".

Laŭ la nuna sistematiko, la genro enhavas 5 speciojn:

Bildo	Scienca nomo	Komuna nomo	Distribuo
	Agelaius phoeniceus	Ruĝflugila nigriktero	Suda Nordameriko kaj pliparto de Centra Ameriko
	Agelaius assimilis	Ruĝaŝultra nigriktero	endemia en Kubo
	Agelaius tricolor	Trikolora nigriktero	pacifika marbordo de Nordameriko, el Norda Kalifornio en Usono (kun fojaj aperoj en Oregono), al supra Baja California en Meksiko
	Agelaius humeralis	Brunŝultra nigriktero	Kubo, Hispaniolo, kaj la Kajmaninsuloj
	Agelaius xanthomus	Puertorika nigriktero	Puertoriko