Portada

Dámosche a benvida á Galipedia A enciclopedia libre que calquera pode editar mércores, 2 de setembro de 2026 Versión para móbiles Nesta versión en galego, que comezou o 8 de marzo de 2003, xa temos 233 463 artigos. Benvida COMOs Preguntas frecuentes Comunidade Políticas Artigos de calidade Axuda

Artigo destacado A segunda guerra mundial foi un conflito armado a escala mundial que durou do 1 de setembro de 1939 ó 2 de setembro de 1945. Involucrou a maioría de países do mundo, incluídas todas as grandes potencias que eventualmente formaron dúas alianzas militares opostas: os Aliados e o Eixe. Foi a guerra de máis alcance da historia, involucrando directamente máis de 100 millóns de persoas de máis de 30 países. Nun estado de "guerra total", os principais participantes adicaron a súa capacidade económica, industrial e científica ó completo ó esforzo de guerra, eliminando as distincións entre recursos militares e civís. Marcada polas mortes masivas de civís, incluíndo o Holocausto, no que faleceron uns 11 millóns de persoas e os bombardeos estratéxicos de centros industriais e de poboación nos que faleceron ó redor dun millón de persoas, incluíndo os bombardeos de Hiroshima e Nagasaki, tivo como resultado final un total de entre 50 e 58 millóns de mortes. Isto fixo da segunda guerra mundial o conflito militar con maior número de mortos na historia da humanidade. En 1937 o Imperio do Xapón pretendía dominar Asia e o Pacífico e xa estaba en guerra coa República da China, mais a data de inicio da guerra mundial dátase xeralmente no 1 de setembro de 1939 coa invasión de Polonia por parte de Alemaña e as subsecuentes declaracións de guerra de Alemaña a Francia e o Reino Unido. Dende finais de 1939 ata comezos de 1941, mediante unha serie de campañas militares e tratados, Alemaña conquistou ou pasou a controlar gran parte da Europa continental, e formou a alianza do Eixe xunto con Italia e o Xapón. Por medio do Pacto Molotov-Ribbentrop de agosto de 1939, Alemaña e a Unión Soviética dividiron e anexionaron territorios dos seus veciños europeos, incluíndo Polonia, Finlandia, Romanía e os países bálticos. A guerra continuou entre as principais potencias europeas do Eixe e a coalición do Reino Unido e a Commonwealth, con varias campañas no norte e leste de África, a batalla aérea de Inglaterra, a campaña de bombardeo do Blitz, a campaña dos Balcáns e a continuada batalla do Atlántico. En xuño de 1941 as potencias europeas do Eixe comezaron unha invasión da Unión Soviética, abrindo o maior teatro de guerra terrestre da historia, o que bloqueou a gran parte das súas forzas nunha guerra de desgaste. En decembro de 1941 o Xapón atacou os Estados Unidos e invadiu territorios europeos no océano Pacífico, conquistando con rapidez gran parte do Pacífico occidental. Outros artigos destacados • Artigos de calidade Sobre Galicia Agustín Fernández Paz, nado en Vilalba o 29 de maio de 1947 e finado en Vigo o 12 de xullo de 2016, foi un escritor e pedagogo galego. Foi autor de máis de cincuenta títulos, maiormente de literatura infantil e xuvenil. Os seus libros obtiveron numerosos premios, sendo recoñecido por dúas veces como o mellor autor do ano (no 2004, pola Federación de Libreiros de Galicia e no 2007, pola Asociación Galega de Editores). Tamén recibiu en dúas ocasións o premio ao mellor libro de Literatura Infantil e Xuvenil do ano, que concede a Asociación de Escritores en Lingua Galega. O seu libro O único que queda é o amor obtivo en 2008 o Premio Nacional de Literatura infantil e xuvenil que concede o Ministerio de Cultura de España. No ámbito internacional salientan as catro designacións ao Premio Memorial Astrid Lindgren, nos anos 2008, 2009, 2010 e 2013. O libro O único que queda é o amor foi incluído na Lista de Honra da IBBY no 2010, como ocorrera tamén con Contos por palabras en 1992 e con Aire negro en 2002. Esta última novela, Aire negro, foi incluída así mesmo no Catálogo White Ravens da Internationale Jugendbibliothek de Múnic en 2001, un recoñecemento que tamén acadou O meu nome é Skywalker en 2004. Outros artigos destacados sobre Galicia • O mes de setembro na cultura popular galega Tal día coma hoxe no ano... 1547, morre Hernán Cortés, conquistador español de México. 1620, o Mayflower parte do porto de Plymouth, Inglaterra, con 102 puritanos. 1666, prodúcese o Grande incendio de Londres. 1822, nace Antolín Faraldo, escritor betanceiro e figura destacada do provincialismo. 1914, morre Carmen Babiano (na imaxe), pintora galega do movemento realista de finais do século XIX. 1945, coa rendición incondicional do Xapón, a II Guerra Mundial remata no Pacífico. 1990, Iraq invade Kuwait e comeza a Guerra do Golfo. Máis efemérides do día de hoxe • Outras Efemérides destacadas

Imaxe do día Canón do Sil. Vexa o artigo río Sil Outras imaxes destacadas • Imaxes destacadas en Commons Presentación Participación Podes consultar a Axuda e a Guía para obter máis información de como participar, nas que atoparás información de como comezar a colaborar, editar artigos e usar imaxes libres. En caso de dúbidas síntete libre de preguntar. COMOs • Preguntas máis frecuentes Comunidade De acordo coas nosas estatísticas, temos un total de 174 151 contas de usuario rexistradas na Galipedia, e entre elas 400 estiveron activas durante o último mes. Todas as persoas que editan a Galipedia son voluntarias, integrando unha comunidade colaborativa e coordinando os esforzos por medio de proxectos temáticos e diversos espazos de conversa. Portal da comunidade • Políticas e normas

Meta-Wiki Meta-Wiki Coordinación Wikimedia Commons Commons Multimedia Wiktionary Galizionario Dicionario Wikibooks Galilibros Libros Wikisource Galifontes Documentos Wikiquote Galicitas Citas Wikispecies Wikispecies Especies Wikinews Novas Wikiversity Aprendizaxe Wikivoyage Viaxes Wikidata Wikidata Datos MediaWiki MediaWiki Desenvolvemento