Cerdedo Cotobade
| Cerdedo Cotobade | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| |||||||||||||||||
| |||||||||||||||||
| |||||||||||||||||
| |||||||||||||||||
| |||||||||||||||||
| |||||||||||||||||
| |||||||||||||||||
| |||||||||||||||||
| |||||||||||||||||
| |||||||||||||||||
| |||||||||||||||||
| Wikidata C:Commons | |||||||||||||||||
Cerdedo Cotobade[1] é un concello da provincia de Pontevedra creado o 22 de setembro de 2016 a partir da fusión dos concellos de Cerdedo e Cotobade.[2]
Ten 5.815 habitantes (suma de datos do IGE 2018)[3] e unha superficie de 214,5 km². Limita cos concellos de Pontevedra, O Campo Lameiro, A Estrada, Forcarei, A Lama e Ponte Caldelas.[4]
Xeografía
[editar | editar a fonte]Demografía
[editar | editar a fonte]Para os históricos de poboación anteriores a 2015 véxanse as páxinas do concello de Cerdedo e do concello de Cotobade.
| Evolución da poboación | ||
|---|---|---|
 | ||
| Censo total | 5.815 (2015) | |
| Menores de 16 anos | 536 (9.22 %) | |
| Entre 16 e 64 anos | 3.301 (56.77 %) | |
| Maiores de 65 anos | 1.978 (34.01 %) | |
Historia
[editar | editar a fonte]Fusión Cerdedo Cotobade
[editar | editar a fonte]A principios de 2016 iniciouse un proceso de fusión dos concellos de Cerdedo e Cotobade.[5] O 7 de xullo do mesmo ano os dous concellos desestimaron as alegacións sobre a fusión completando os trámites municipais.[6] A pesar dos rexeitamentos,[7][8][9][10] a fusión fíxose oficial o 18 de outubro de 2016.[11]
Votación da fusión
[editar | editar a fonte]Cerdedo
[editar | editar a fonte]| VOTOS | _Logo_2015.svg){kind=logo} |
 |
|---|---|---|
| SI | 6 | 0 |
| NON | 0 | 2 |
| AUSENTE | 1 | 0 |
Cotobade
[editar | editar a fonte]| VOTOS | |
|
|---|---|---|
| SI | 7 | 0 |
| NON | 0 | 4 |
Cultura
[editar | editar a fonte]
Toponimia
[editar | editar a fonte]O topónimo procede da combinación dos do concello de Cerdedo e do concello de Cotobade trala súa fusión. Inicialmente escribiuse cun trazo entre os dous nomes ata que a Xunta de Galicia o retirou dentro da serie de cambios toponímicos aprobados mediante o Decreto 27/2026, do 30 de marzo, publicado no DOG do 10 de abril.
Cerdedo
[editar | editar a fonte]Cerdedo, como Cerdido, é un fitotopónimo abundancial: podería proceder tanto de quercetum, debido á presenza de carballos da zona, como de cer(e)setum, neste caso de cerdeiras[12].
Cotobade
[editar | editar a fonte]En ocasións pensouse que o topónimo Cotobade derivaba de couto do abade, dado que toda a comarca pertencía á antiga xurisdición que exercía o superior do convento de bieitos de Tenorio, e como tamén mal referenciara o Padre Sarmiento. O nome aparece referenciado ao logo da historia coma: Castro Cutubade cum tota terra sua (ano 1180); Terra que dicitur Montes in qua est castellum Cutubadi (ano 1182), Terra que dicitur Montes in qua est castellum Cutubadi (ano 1188); castrum quod dicitur Cotobadi cum pertinentiis suis (ano 1199), castrum quod dicitur Cotobade (ano 1225). Cotobade débese descompoñer en coto, palabra galaica de orixe prerromana *Cotto (…) e un nome persoal en xenitivo Bade, o cal se repite illado na toponimia galega e parece que non é aférese de abbas -atis, "abade", senón o antropónimo Vatis (Ares 2001:74). [13]
Patrimonio
[editar | editar a fonte]Patrimonio arqueolóxico[14]
[editar | editar a fonte]- Calzada do monte Pé da Múa.
- Petróglifos de Pedra das Ferraduras, na parroquia de San Xurxo de Sacos e de Portela da Laxe, na parroquia de Viascón.
Patrimonio arquitectónico[15][16]
[editar | editar a fonte]- Igrexa de San Martiño de Rebordelo.
- Igrexa de San Xurxo de Sacos.
- Igrexa de Santa María de Sacos.
- Mosteiro de San Pedro de Tenorio.
- Ponte sobre o río Lérez.
- Capela de Santo Antón en San Xoán de Cerdedo.
- Capela de San Bartolomeu en Chamadoira.
Etnografía
[editar | editar a fonte]Festas e celebracións
[editar | editar a fonte]- A festa da vincha, celebrada durante o entroido en Cerdedo;[17]
- A festa do xabarín, celebrada en abril en Cerdedo;[18]
- A rapa das bestas, celebrada no mes de agosto en Cuspedriños;
- A festa do requeixo, celebrada en xuño en A Corredoira;
- A festa da filloa, celebrada en setembro en Valongo.
Política e goberno
[editar | editar a fonte]Até as eleccións municipais de 2019, o concello está rexido por unha comisión xestora de 20 membros. O presidente da xestora é o anterior alcalde de Cotobade, Jorge Cubela e o vicepresidente o de Cerdedo, José Balseiros.[19] Nas primeiras eleccións para o novo concello, Cubela encabezou a candidatura do Partido Popular, obtivo maioría absoluta e converteuse no primeiro alcalde do municipio; pola súa parte, Balseiros, xa deputado autonómico desde 2016, apoiou a mesma lista presentándose como suplente.
Eleccións municipais Cerdedo Cotobade de 2019
[editar | editar a fonte]| Partidos políticos | Escanos | Votos | Escanos repartidos |
|---|---|---|---|
| PPdeG | 9 | 2.533 | 9 / 13 |
| PSdeG-PSOE | 3 | 968 | 3 / 13 |
| BNG | 1 | 337 | 1 / 13 |
Galería de imaxes
[editar | editar a fonte]- Artigo principal: Galería de imaxes de Cerdedo Cotobade.
Igrexa parroquial de Pedre.
Ponte romana sobre o río Lérez.
Capela de Santo Antón en San Xoán de Cerdedo.
Capela de San Bartolomeu en Chamadoira.
Igrexa parroquial de Santa María de Aguasantas.
Muíño con acueduto no rego de Chan das Latas.
Antiga casa do concello de Cerdedo.
Parroquias
[editar | editar a fonte]Lugares de Cerdedo Cotobade
[editar | editar a fonte]- Para unha lista completa vexa lugares de Cerdedo Cotobade.
Notas
[editar | editar a fonte]- ↑ "De Cangas a Riós: doce concellos cambiarán de nome". Praza Pública. 2025-07-18. Consultado o 2025-07-19.
- ↑ DECRETO 134/2016, do 22 de setembro, polo que se aproba a fusión voluntaria dos municipios de Cerdedo e Cotobade e se constitúe o municipio de Cerdedo-Cotobade., DOG nº 197, de 17 de outubro de 2016.
- ↑ IGE (ed.). "IGE - Nomenclátor de Galicia" (en galego). Arquivado dende o orixinal o 30 de decembro de 2020. Consultado o 23 de abril de 2021.
- ↑ Piñeiro, Á. (18 de outubro de 2016). "A Xunta oficializa a fusión de Cerdedo-Cotobade e a Galicia dos 313 concellos". Diario de Pontevedra. Consultado o 18 de outubro de 2016.
- ↑ Cerdedo-Cotobade recibirá 1,6 millones de la Xunta si culminan la fusión antes del 30 de octubre
- ↑ Cerdedo y Cotobade completan el último trámite municipal para su fusión al aprobar en pleno el dictamen de alegaciones
- ↑ Rechazo frontal de la Diputación a la fusión de Cotobade y Cerdedo
- ↑ ¿Deben fusionarse Cotobade y Cerdedo?
- ↑ Em maos incompetentes: sobre a fusom Cerdedo-Cotobade
- ↑ Palestra sobre o projeto de fusom Cerdedo-Cotobade
- ↑ La Xunta oficializa la fusión de Cerdedo-Cotobade y la Galicia de los 313 concellos
- ↑ Navaza Blanco, Gonzalo (2006). Fitotoponimia galega (PDF). A Coruña: Fundación Barrié. p. 208. ISBN 84-95892-53-7.
- ↑ Gonzalo Navaza: "Cotobade. Nin couto nin abade" Arquivado 10 de maio de 2019 en Wayback Machine. Portal das Palabras, RAG.
- ↑ Sitios arqueolóxicos en Cotobade.
- ↑ Patrimonio relixioso de Cotobade
- ↑ Patrimonio civil de Cotobade
- ↑ La Festa da Vincha de Cerdedo celebra sus 10 años de historia con una concurrida edición
- ↑ 6ª Festa do Xabarín
- ↑ "Cerdedo-Cotobade xa ten xestora para pilotar o rumbo do municipio ata 2019". El Progreso. 20 de outubro de 2016. Consultado o 15 de novembro de 2016.
Véxase tamén
[editar | editar a fonte] |
Wikimedia Commons ten máis contidos multimedia na categoría: Cerdedo Cotobade  |
Outros artigos
[editar | editar a fonte]Ligazóns externas
[editar | editar a fonte] | ||
 |
Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |
