Uppsala é un concello sueco no condado do mesmo nome. A súa capital é a cidade de Uppsala, que tamén é a capital do condado.
Trátase do cuarto municipio de Suecia con máis poboación, con 248 016 habitantes no ano 2024,[1] sendo Uppsala tamén a cuarta cidade máis grande do país.
A cidade de Uppsala, situada no extremo norte da baía do Mälar Ekoln, está principalmente rodeada de vastas e cultivadas chairas arxilosas. A economía local estivo moi ligada durante moito tempo á capital, onde se atopan a universidade e as axencias gobernamentais.
O concello de Uppsala atópase na parte central da provincia histórica de Uppland e limita ao sur cos municipios de Knivsta e Håbo, ao suroeste co de Enköping, ao leste co de Heby e ao norte cos de Tierp e Östhammar, todos no condado de Uppsala, así como co concello de Norrtälje ao leste, no condado de Estocolmo. O concello de Uppsala está situado na beira norte do lago Mälar onde desemboca o río Fyrisån.
