Geescht (Fruucht)

Geescht
	(Hordeum vulgare)
An anere Sproochen	fr: orge; de: Gerste
Wëssenschaftlech Klassifikatioun
Räich	Planzeräich
Iwwerofdeelung	Somplanzen
Ofdeelung	Bléieplanzen
Klass	Commelinidae
Uerdnung	Poales
Famill	Séissgrieser
Wëssenschaftlechen Numm
	Hordeum vulgare
	L.

Dësen Artikel beschäftegt sech mat der Fruuchtzort Geescht. Fir aner Bedeitungen, kuckt wgl. Geescht (Homonymie).

D'Geescht (och alt Giescht, Gääscht, Gjääscht^[1], Hordeum vulgare) ass eng Planzenaart, déi zur Gattung Hordeum bannent de Séissgrieser (Poaceae) gehéiert. D'kultivéiert Geescht ass ee vun de wichtegsten an eelste Kären, well se virun ongeféier 10.000 Joer aus der Wëller Geescht (Hordeum spontaneum) am Fruchtbaren Hallefmound recoltéiert a geziicht gouf.

D'Sprenz vun der Geescht ass meeschtens däitlech méi laang wéi déi vum Kar oder dem Weess.

Den Ausdrock „Geeschtekär“ gëtt net just fir de Som vun der Planz benotzt, mä och fir eng Form vun enger Entzündung vun den Aendeckelen (Hordeolum).

Ubau

D'Geescht ass selwerbestäubend; et gëtt Summer- a Wantergeescht.

Summergeescht

Fir de mënschleche Konsum gëtt haaptsächlech d'Summergeescht benotzt. Se gëtt vun Enn Februar bis Ufank Abrëll geséit a gëtt a manner wéi 100 Deeg zeideg.

Wantergeescht

D'Wantergeescht, déi am September geséit gëtt, ass méi produktiv. Ideal Bedingunge fir de Wuesstem sinn Temperaturen ënner 10 °C. Wann d'Temperaturen iwwer eng länger Zäit ënner –15 °C leien, erfréiert se.

Am Verglach mat der Summergeescht ass d'Recolte méi héich a se huet och e méi en héije Proteingehalt (12–15 %); se gëtt haaptsächlech als Déierefudder benotzt.

Déi zwou Zorte kënnen als Braugeescht benotzt ginn.

Produktioun

Iwwersiicht vun der Produktioun zu Lëtzebuerg (an Tonnen)
	2016	2017	2018	2019	2020	2021	2022	2023	2024	2025
Kären Total	139.272	149.289	154.236	160.022	143.500	147.688	166.940	146.635	141.113	177.617
Geescht	34.005	34.951	34.662	35.356	32.452	28.861	36.675	30.672	32.858	39.039
dovun: Summergeescht	8.450	8.497	8.976	7.683	10.952	6.661	11.033	4.167	6.879	12.124
dovun: Wantgergeescht	25.555	26.454	25.686	27.674	21.500	22.199	25.642	26.505	25.979	26.915

Quell: Quantités produites des principales productions de grande culture et fourragères (en tonnes), STATEC

Kuckt och

Kärenzorten

Um Spaweck

Commons: Geescht (Fruucht) – Biller, Videoen oder Audiodateien

Referenzen an Notten

↑ (de) „Geescht“. Luxemburger Wörterbuch, digitalisierte Fassung im Wörterbuchangebot der Universität Luxemburg, Department of Humanities. Gekuckt de 24.05.2026.

[1] (de) „Geescht“. Luxemburger Wörterbuch, digitalisierte Fassung im Wörterbuchangebot der Universität Luxemburg, Department of Humanities. Gekuckt de 24.05.2026.

[1]