Are Helseth

Are Helseth
Fødd	11. januar 1955 (71 år) Oslo
Statsborgar av	Noreg
Parti	Arbeidarpartiet
Yrke	politikar, kirurg
Utdanna ved	Universitetet i Oslo
Alle verv	vararepresentant til Stortinget (2009–2013) vararepresentant til Stortinget (2013–2017) stortingsrepresentant (fast møtande vararepresentant, 2009–2013) stortingsrepresentant (fast møtande vararepresentant, 2013–2013)

Are Helseth (fødd 11. januar 1955 i Oslo) er ein norsk lege og politikar frå Arbeidarpartiet. Han var 1. vararepresentant til Stortinget frå Akershus fylke frå 2009 til 2017. Han møtte fast for Anniken Huitfeldt i den tida ho var statsråd.

Helseth er utdanna lege, og har hatt ei rekkje leiar- og forskingsstillingar i norsk helsevesen.

Han har vore kirurg og sjefslege ved sjukehuset i Asker og Bærum, jobba for Kreftforeningen og har også vore stipendiat ved University of North Carolina og helse- og sosialdirektør i Akershus fylke. Helseth har bakgrunn som viseadministrerande direktør i Helse Øst, og leidde arbeidet med Nasjonal helseplan 2007–2010 som prosjektdirektør i Helse- og omsorgsdepartementet i 2006.

I 2007 blei han dagleg leiar ved Fürst Medisinske Laboratorium.

Stortingskomitear

• 2009–2013: Medlem i Helse- og omsorgskomiteen

Bibliografi

• 1989 – A population-based survey of neoplasms of the central nervous system in Norway, Bergen 1989
• 1996 – Kirurgi i allmennpraksis, med Frode Samdal
• 2000 – Kirurgi i Allmänpraktik, med Frode Samdal

Kjelder

• Denne artikkelen bygger på «Are Helseth» frå Wikipedia på bokmål, den 19. september 2010