Westpacstadion

Westpacstadion Wellingtonstadion
Buiteaansig van die Westpacstadion
Bynaam	Die Koekblik, Die Stadion
Ligging	Wellington, Nieu-Seeland
Koördinate	41°16′23″S 174°47′9″O
Eienaar	Wellington Regional Stadium Trust
Operateur	Wellington Regional Stadium Trust
Kapasiteit	34 500 (sitplekkapasiteit) 33 000 (krieket)
Oppervlak	Gras
Konstruksie
Eerste sooi gespit	12 Maart 1998
Geopen	3 Januarie 2000
Boukoste	$130 miljoen NZD
Argitek	Architecture Warren & Mahoney Ltd Populous (toe Bligh Lobb Sports Architecture)
Projekbestuurder	Beca Carter Hollings & Ferner Ltd
Hoofkontrakteurs	Fletcher Construction Ltd
Huurders
Hurricanes (Superrugby, 2000–huidig) Wellington Leeus (ITM-beker, 2000–huidig) Wellington Firebirds (krieket, 2000–huidig) Wellington Phoenix (sokker, 2008–huidig)

Die Westpacstadion (vroeër bekend as die WespacTrust Stadion) is 'n sportstadion in Wellington, Nieu-Seeland. Weens die stadion se vorm en silwerkleurige omhulsel staan die stadion in volksmond bekend as Die Koekblik.

Geriewe en benutting

Lugbeeld van die Westpacstadion en CentrePort Wellington in 2015

NZ Army-prestasie op Westpac-stadion in 2012

Dit is 'n veeldoelige stadion wat hoofsaaklik vir sportgebeurtenisse aangewend word. Dit is die tuiste van die Wellington Leeus-rugbyspan wat aan die ITM-beker deelneem. Dit is ook die primêre tuisveld van die Hurricanes wat aan Superrugby deelneem. Verder is die stadion ook die gasheer vir die Wellingtonse toernooi in die jaarlikse IRR Sewes Wêreldreeks vir nasionale sewesrugbyspanne. Die All Blacks speel ook gereeld van hulle internasionale wedstryde op die Westpacstadion.

Die Westpacstadion is ook die tuisveld van die sokkerklub Wellington Phoenix met die ondersteuners van die Phoenix wat na die stadion as die Ring of Fire verwys. Die Nieu-Seelandse nasionale sokkerspan (die All Whites) speel ook dikwels hier in internasionale wedstryde waaronder die kwalifiserende wedstryd teen Bahrein vir die FIFA Sokker-Wêreldbekertoernooi in 2010 wat Nieu-Seeland 1–0 gewen het. 'n Ander was die kwalifiserende wedstryd teen Meksiko vir die FIFA Sokker-Wêreldbekertoernooi in 2014 wat Meksiko met 4–2 gewen het.

Die stadion is ook reeds gebruik vir rugby leaguewedstryde. Vertoonwedstryde tussen spanne van die Australiese Voetballiga is in 2000 en 2001 op die Westpacstadion gespeel.

Krieket word dikwels gedurende somermaande op die stadion gespeel. Ander fasiliteite sluit in die Nieu-Seelandse Instituut vir Sport asook 'n kampus vir die Wellingtonse Krieketskool wat deur die Wellingtonse Krieketvereniging beheer word. Dit is tydens die Krieketwêreldbeker 2015 vir vier wedstryde gebruik. Dit was ook een van die gasheerstadions tydens die Vrouesokkerwêreldbeker 2023.

Galery

• 
  'n Internasionale krieketwedstryd tussen Nieu-Seeland en Wes-Indië in 2009.
• 
  Skare by 'n Drienasieswedstryd.
• 
  Ingang na die Westpacstadion.
• 
  Die Westpacstadion gedurende 'n Eendagkrieketwedstryd in Januarie 2005.
• 
  Rock2Wgtn Paasnaweek 2008.

Panorama van die Westpacstadion

Wedstryde

Rugbywêreldbeker 2011

Die hoofartikel vir hierdie afdeling is: Rugbywêreldbeker 2011.

Datum	Tyd (NZST)	Span 1	Telling	Span 2	Rondte	Toeskouers
11 September 2011	20:30	Suid-Afrika	17–16	Wallis	Groep D	33 331
17 September 2011	18:00	Suid-Afrika	49–3	Fidji	Groep D	33 262
23 September 2011	20:30	Australië	67–5	Verenigde State	Groep C	33 824
25 September 2011	20:30	Argentinië	13–12	Skotland	Groep B	26 937
1 Oktober 2011	18:00	Frankryk	14–19	Tonga	Groep A	32 763
2 Oktober 2011	15:30	Nieu-Seeland	79–15	Kanada	Groep A	37 665
8 Oktober 2011	18:00	Ierland	10–22	Wallis	Kwarteindrondte	35 787
9 Oktober 2011	18:00	Suid-Afrika	9–11	Australië	Kwarteindrondte	34 914

Krieketwêreldbeker 2015

Die hoofartikel vir hierdie afdeling is: Krieketwêreldbeker 2015.

Groepfase 20 Februarie 2015 14:00 (NZDT) (D/N) Telkaart

Engeland 123 (33.2 boulbeurte)	t	Nieu-Seeland 125/2 (12.2 boulbeurte)
Joe Root 46 (70) Tim Southee 7/33 (9 boulbeurte)		Brendon McCullum 77 (25) Chris Woakes 2/8 (3 boulbeurte)

Nieu-Seeland wen met 8 paaltjies Westpacstadion, Wellington Bywoning: 30 148 Skeidsregters: Paul Reiffel (Aus) en Rod Tucker (Aus) Speler van die wedstryd: Tim Southee (NZ)

• Engeland het die loot gewen en verkies om te kolf.

Groepfase 1 Maart 2015 11:00 (NZDT) (D/N) Telkaart

Engeland 309/6 (50 boulbeurte)	t	Sri Lanka 312/1 (47.2 boulbeurte)
Joe Root 121 (108) Tillakaratne Dilshan 1/35 (8.2 boulbeurte)		Lahiru Thirimanne 139* (143) Moeen Ali 1/50 (10 boulbeurte)

Sri Lanka wen met 9 paaltjies Westpacstadion, Wellington Bywoning: 18 503 Skeidsregters: Bruce Oxenford (Aus) en Rod Tucker (Aus) Speler van die wedstryd: Kumar Sangakkara (SL)

• Engeland het die loot gewen en verkies om te kolf.

Groepfase 12 Maart 2015 14:00 (NZDT) (D/N) Telkaart

Suid-Afrika 341/6 (50 boulbeurte)	t	Verenigde Arabiese Emirate 195 (47.3 boulbeurte)
AB de Villiers 99 (82) Mohammad Naveed 3/63 (10 boulbeurte)		Swapnil Patil 57* (100) AB de Villiers 2/15 (3 boulbeurte)

Suid-Afrika wen met 146 lopies Westpacstadion, Wellington Bywoning: 4 901 Skeidsregters: Steve Davis (Aus) en Rod Tucker (Aus) Speler van die wedstryd: AB de Villiers (SA)

• Die Verenigde Arabiese Emirate het die loot gewen en verkies om veldwerk te doen.

Kwarteindrondte 21 Maart 2015 14:00 (NZDT) (D/N) Telkaart

Nieu-Seeland 393/6 (50 boulbeurte)	t	Wes-Indië 250 (30.3 boulbeurte)
Martin Guptill 237* (163) Jerome Taylor 3/71 (7 boulbeurte)		Chris Gayle 61 (33) Trent Boult 4/44 (10 boulbeurte)

Nieu-Seeland wen met 143 lopies Westpacstadion, Wellington Bywoning: 30 268 Skeidsregters: Richard Kettleborough (Eng) en Bruce Oxenford (Aus) Speler van die wedstryd: Martin Guptill (NZ)

• Nieu-Seeland het die loot gewen en verkies om te kolf.

Rugbyliga-toetswedstryde

Datum	Teenstaander	Telling	Toeskouers	Deel van
13 Julie 2001	Australië	10–28	26 580
12 Oktober 2002		24–32	25 015
11 November 2006	Groot-Brittanje	34–4	16 401	2006 Drienasies
11 Oktober 2007	Australië	0–58	16 681
23 Oktober 2010	Engeland	24–10	20 324	2010 Viernasies
12 November 2014	Australië	22–18	25 093	2014 Viernasies-eindwedstryd

Vrouesokkerwêreldbeker 2023

Die hoofartikel vir hierdie afdeling is: Vrouesokkerwêreldbeker 2023.

Datum	Tyd (NZST)	Span 1	Telling	Span 2	Rondte	Toeskouers
21 Julie 2023	19:30	Spanje	3–0	Costa Rica	Groep C	22 966
23 Julie 2023	17:00	Swede	2–1	Suid-Afrika	Groep G	18 317
25 Julie 2023	17:30	Nieu-Seeland	0–1	Filippyne	Groep A	32 357
27 Julie 2023	13:00	Verenigde State	1–1	Nederland	Groep E	27 312
29 Julie 2023	19:30	Swede	5–0	Italië	Groep G	29 143
31 Julie 2023	19:00	Japan	4–0	Spanje	Groep C	20 957
2 Augustus 2023	19:00	Suid-Afrika	3–2	Italië	Groep G	14 967
5 Augustus 2023	20:00	Japan	3–1	Noorweë	Agtste eindrondte	33 042
11 Augustus 2023	13:00	Spanje	2–1 (e.t.)	Nederland	Kwarteindrondte	32 021

Eksterne skakels

• (en) Amptelike webwerf
• (en) WestpacStadium op ESPNcricinfo