Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum septembro 50, 100 e 200 yari ante nun …
3 di septembro1976. Viking 2, kosmosondilo di Usa, atingis la surfaco di Marso. La misiono komencis ye 9 di septembro 1975; la lansita orbitanto e tervenanto esis sama kam Viking 1, qua atingis la surfaco di la planeto en julio 1976, la unesma sondilo qua sucesoze facis lo. La tervenanto di Viking 2 funcionis sur la surfaco dum 1316 Terala dii (1281 Marsala dii), analizante la sulo e prenante fotografuri. Ol facis biologiala experimenti por konstatar ka vivo existas. Du de la quar experimenti esis afirmanta; tamen esas supozata ke to esis pro ne-organika kemiala reakti di la sulo.
8 di septembro1926. Sergio Pininfarina, desegnanto di automobili, naskis en Torino, Italia. Ilua patro, Battista Pininfarina, esis desegnanto di automobili, e la fondinto en 1930 di la kompanio Carrozzeria Pininfarina, qua konstruktis karosi. Sergio eniris la kompanio di sua patro, ed il direktis la desegni di multa automobili, partikulare por la fabrikerio Ferrari. En 1965 il persuadis Enzo Ferrari pri adoptar nova dispozeso por ula automobili, la motoro meze di la vehilo, dop la duktero ed avan la dopa roti. Pos la morto di sua patro en 1966, Sergio divenis prezidanto di la kompanio. De 1979 til 1988 il esis membro di la Europana Parlamento, por la Liberala Partiso di Italia.
17 di septembro1826. La matematikisto Bernhard Riemann naskis, en Breselenz, urbeto proxim Dannenberg en la Rejio Hannover. Ilua patro esis povra pastoro Luterana. Bernhard interesis su pri matematiko de frua evo. Il eniris la Universitato di Göttingen en 1846, por studiar teologio. Il balde komencis studiar ibe sub la matematikisto Carl Friedrich Gauss, qua avizis ke il devas studiar matematiko vice teologio; il transferesis a la Universitato di Berlin ube il studiis de 1847 til 1849. Il retrovenis a Göttingen, ed en 1859 il divenis chefo di la fako di matematiko ye la universitato. Dum ilua kariero il importante kontributis a la teorio di nombri, a diferenciala geometrio, ed altraji. Notende, il fondis la bazala matematiko di generala relativeso.
La rolo di Benjamin Franklin persuadis Britania pulsar Francia ek Kanada e kinadek yari pose persuadis Francia helpar pulsar Britania ek Usa esas extrema pruvo di paktal arto.
Franklin esis un ek la fondinti di Usa e kunkompilinti dil Usana konstituco de 1776.
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
